पटाया - पटाया बीच आणि बरेच काही

 

पटाया हे एके काळचे मासेमारीचे खेडेगाव. परंतु व्हिएटनाम युद्धामध्ये अमेरिकन सैनिक विश्रांती घेण्यासाठी करण्यासाठी येथे येऊ लागले आणि पटायाचे स्वरूप पूर्णपणे बदलूनच गेले. आज पटाया हे एक प्रमुख पर्यटन केंद्र झाले आहे. पटाया म्हटले की आपल्या डोळ्यांपुढे येतो तो पटाया बीच आणि तेथील विविध जलक्रीडा. पटाया बीच आणि तेथील जलक्रीडा अविस्मरणीय आहेतच परंतु त्याशिवाय पटायामध्ये पाहण्यासारखे आणि अनुभवण्यासारखे बरेच काही आहे. येथील अल्काझार शो जगप्रसिद्ध आहे. याशिवाय रिप्लेज बिलीव्ह इत ऑर नॉट, मिनी सयाम अशी सुंदर प्रेक्षणीय स्थळे पटायामध्ये आहेत. पटायामधील निशाजीवन प्रसिद्ध आहे आणि बदनामही आहे. एक गोष्ट निश्चित की पटाया म्हणजे न संपणारी करमणूक आहे.              

१.      परिचय

पटायाविषयी झटपट माहिती

स्थान:थायलंडच्या पूर्व किना-यावर चोनबुरी प्रांतामध्ये, बँकॉकपासून १४७ कि.मी. अंतरावर.

क्षेत्रफळ:२०८.१ चौ. कि. मी. (मुख्य भूमी ५३.४४ चौ. कि. मी. आणि बेटे आणि समुद्र मिळून १५४.६६ चौ. कि. मी.)

लोकसंख्या:३ ते ५ लाख

जाण्यास  योग्य  वेळ:ऑक्टोबर ते मार्च   

पटायाचा भूगोल

पटाया      शहर  थायलंडच्या   आखाताच्या  पूर्व  किना-यावर  एका  सुंदर  उपसागराच्या  किनारी  वसले  आहे. १९६०  सालातील  एका  छोट्या  मासेमारीच्या  खेडेगावातून  त्याचा  आग्नेय  आशियातील  एक  महत्त्वाचे  पर्यटनस्थळ  म्हणून  विकास  झाला  आहे. येथील  भरपूर  सूर्यप्रकाश  असलेले  समुद्रकिनारे  विशेषत: युरोपिअन    लोकांना  फार  आवडतात . येथे  जगभरातून  पर्यटक  सुट्टीचा  आनंद लुटण्यासाठी , मजा  करण्यासाठी  आणि  आरामदायक  बीच  रिझॉर्ट्स  मध्ये  राहण्यासाठी  येतात .

हवामान:

पटायाचे  हवामान  विषुववृत्तीय  प्रकारचे  असल्याने  वर्षभरामध्ये  हवामानामध्ये  फारसे  बदल  घडत  नाहीत. तरीसुद्धा  हवामानाचे  ठळकपणे  तीन  विभाग  पाडता  येतात  आणि  ते  भारतातील  हवामानाशी  साधारणपणे  मिळते  जुळते  आहेत.

मार्च ते मे - या  काळामध्ये  हवामान  अतिशय  उष्ण  आणि  दमट  असते . तापमान ४०° सेल्सिअस पर्यंत जाते.

जून ते ऑक्टोबर- हा काळ पावसाळ्याचा असून पाउस पूर्ण दिवस किंवा पूर्ण रात्रभर क्वचितच पडतो. पावसाळ्यातील तापमान दिवसा किंवा रात्री २५° ते ३०° सेल्सिअस असते.

नोव्हेंबर ते फेब्रुवारी - हे महिने हिवाळ्याचे असून दिवसा तापमान ३०° तर रात्री २०° असते. त्यामुळे पटायाला जाण्यास हाच काळ सर्वांत योग्य आहे.   

पटायाचा थोडक्यात इतिहास

पटाया नावाची कथा: 

१७६७  ब्रह्मी आक्रमकांनी अयुथयाचा विध्वंस केला. यावेळी  राजा नसल्याने लष्कराचे नेतृत्व थाकसिन किंवा फ्रया ताक (Phraya Tak) या सेनापतीकडे आले.  थाकसिनला पर्यायी सुरक्षित शहराची गरज भासत होती. त्यामुळे तो तो चांताबुरी (Chantaburi)   वर  चाल  करून  आला . वाटेत त्याची  गाठ   स्थानिक नेता नोई क्लोम (Noi Klom) च्या  सैन्याशी  पडली . परंतु नोई क्लोम फ्रया ताकच्या  भारदस्तपणामुळे तसेच  त्याच्या  सैन्याच्या  शिस्तीमुळे  दबून  गेला  होता . त्यामुळे नोई क्लोमने  लढाई  न  करताच  शरणागती  पत्करली . दोन्ही  सैन्याची  जेथे  गाठ  पडली  त्या  ठिकाणास  थाप फ्रया (Thap Phraya) असे  नाव  पडले .  थाप फ्रयाचा  अर्थ  ‘फ्रयाचे  सैन्य’ . पुढे  हे  नाव  पथाया  (Phatthaya) असे  झाले .

पटाया नावाची आणखी एक व्युत्पत्ती अशी आहे की ‘पथायाचा  अर्थ   ईशान्येकडून  नैऋत्येकडे   वाहणारा  वारा’. हा  वारा  पावसाळ्याच्या  सुरुवातीस  वाहतो . या पथायाचे  पुढे  पटाया असे  नाव  झाले. (थाई भाषेतील उच्चार 'पातेया' असा होतो.) 

पटायाचा  पर्यटन  स्थळ  म्हणून  उदय  आणि  विकास: 

पटाया हे  पूर्वी एक  मासेमारीचे  गाव  होते.आजच्या  पटायाच्या  इतिहासाची   सुरुवात  अगदी अलिकडे म्हणजे १९६०  सालापासून  होते. या  सुमारास  बँकॉकमधून  बरेच  लोक सुट्टीचा  वेळ  घालविण्यासाठी   पटायाला  येउ  लागले. व्हिएटनाम युद्ध  चालू  असताना  अमेरिकन  सैन्यासाठी   पटायाजवळच  युथापाओ (UTapao) हा  विमानतळ  बांधण्यात  आला  आणि  अमेरिकन  सैनिक  पटायाकडे  वळले. येथून  पटायाचा  एक पर्यटनस्थळ  म्हणून  इतिहास  सुरू  होतो. १९८०  मध्ये  पर्यटनव्यवसायास  तेजी  आली. थायलंडमध्ये  जगभरातून  पर्यटकांचा ओघ  सुरू  झाला. बरेच  पाश्चिमात्य    लोक  थायलंडकडे  आकर्षित  झाले   आणि  त्यांनी  पटायामध्ये  स्थायिक  होउन  तेथे   बार ,   रेस्टॉरंट्स्    सुरू  केले. पटायाचा  पर्यटन  स्थळ  म्हणून  विकास  होण्यामध्ये  या  पाश्चिमात्य  लोकांचा  मोठा  वाटा  आहे.

पटायाला कसे जावे

पटायाच्या जवळचा विमानतळ म्हणजे U-Tapao–Rayong–Pattaya International Airport (UTP) हा आहे. हा विमानतळ पटायापासून सुमारे ४५ किमी दक्षिणेस आहे. तो प्रामुख्याने देशांतर्गत आणि काही आशियाई आंतरराष्ट्रीय उड्डाणांसाठी वापरला जातो. भारतामधून थेट उड्डाणे सध्या नियमित नाहीत (अल्पकाळासाठी काही चार्टर फ्लाइट्स होतात).

त्यामुळे पटायाला जाण्यासाठी बॅंकॉकहून रस्त्याने जाणे हाच चांगला मार्ग आहे. पटाया बॅंकॉकपासून फक्त १३०–१५० किमीवर आहे — म्हणजे प्रवास अगदी सोपा आहे. 

बँकॉकहून पटायाला रस्त्याने जाताना प्रवास अतिशय सुरळीत, सरळ आणि आरामदायी आहे.  शहराच्या गजबजीतून बाहेर पडताच उंच इमारतींची रांग मागे राहते आणि समोर खुल्या, रुंद हायवेचा विस्तार दिसू लागतो. 

थायलंडची उत्कृष्ट एक्सप्रेसवे व्यवस्था, स्वच्छ रस्ते आणि दोन्ही बाजूंना असलेली हिरवाई हा प्रवास आनंददायी बनवते. मार्गात काही ठिकाणी छोटे टेकाडे, कधी कधी रबर व नारळांच्या लागवडीचे प्रदेश, तर अधूनमधून दिसणारी छोटी थाई गावांची झोपडीवजा घरे, असे ग्रामीण थायलंडचे दर्शन होते. 

मार्गात Bang Pakong नदीवरील विस्तीर्ण पुलावरून काही क्षण सुंदर नदी-दृश्य दिसते. पुढे चोनबुरी प्रांतात प्रवेश होताच कारखाने, लॉजिस्टिक पार्क्स आणि Laem Chabang या मोठ्या समुद्रबंदराचे कंटेनर यार्ड्स रस्त्यालगत जाणवू लागतात.

प्रवास जसजसा पुढे जातो तसतसे वातावरणात समुद्राची झाक जाणवू लागते. हायवेवर अधूनमधून थाई फूड-स्ट्रिट्स, ७-इलेव्हन स्टोअर्स किंवा सर्व्हिस एरिया दिसतात, जिथे प्रवासी थोडा ब्रेक घेऊ शकतात. अखेर पटायाच्या हद्दीत प्रवेश करताच नीऑन साइनबोर्ड्स, रिसॉर्ट्सची रांग आणि बीचकडे जाणाऱ्या अरुंद रस्त्यांची हालचाल दिसू लागते—जे पटाया हे खरेच एक उत्साहपूर्ण, समुद्रकिनारी वसलेले पर्यटन शहर आहे, याची जाणीव करून देते.

पटाया पर्यटनाचा २ दिवसांचा  प्रवासकार्यक्रम

दिवस १ – बँकॉक – पटाया

बँकॉकमध्ये आगमन.

कोचने  बँकॉकहून पटायाला प्रस्थान.

पटायामधील स्थळदर्शन  :- नॉँग  नूच  व्हिलेज.

नॉँग नूच  व्हिलेजमधील स्थळदर्शन :- ऑर्किड  गार्डन,  पॉटरी  गार्डन , ट्रॉपिकल  गार्डन वगैरे.

नॉन्ग  नूचमधील कार्यक्रम :- थाई कल्चरल  शो , एलिफंट  शो.

संध्याकाळचा  कार्यक्रम :- अल्काझार  शो.

दिवस २ –  पटाया

कार्यक्रम:-स्पीड बोट  राइड , पॅरासेलिंग, काचेचा  तळ  असलेल्या  बोटीने सफर, कॉरल  आयलंड    मधील  स्वच्छ  निळ्या  पाण्यामध्ये  पोहणे.

स्थळदर्शन  :-

मिनी  सयाम, पटाया  पार्क  टॉवर. 

पटाया  पार्क  टॉवरमधील कार्यक्रम:- टॉवर  जंप /केबल  राइड. 

खरेदी:- लोटस मॉल.

कार्यक्रम:- थाई मसाज.

Nong Nooch Tropical Garden (नॉंग नूच ट्रॉपिकल गार्डन)

https://www.nongnoochpattaya.com/en 

नॉँग नूच ट्रॉपिकल गार्डन हे   दक्षिण पटायामधील   एक  आकर्षक  पर्यटनस्थळ  आहे.    नॉंग नूच ट्रॉपिकल गार्डन ही  फक्त एक बाग नाही, तर एक विशाल थीम पार्क व बोटॅनिकल गार्डन संकुल  आहे. या गार्डनचा परिसर सुमारे ६०० एकर्स ( २.४ चौकिमी)   इतका पसरलेला आहे. या विस्तारावरून या गार्डनच्या भव्यतेची कल्पना यावी.

आता तुम्ही ही बाग पाहायला जात आहात तर व्यवस्थित नियोजन करा. नाहीतर या बागेत जाऊन अमुक एक आकर्षण पाहायचे राहिले असे वाटायला नको. त्यासाठी आधीच या बागेची व्यवस्थित माहिती घ्या. या बागेची भेट म्हणजे एक शैक्षणिक मनोरंजन आहे. तेव्हा प्रवेश करतानाच बागेचा नकाशा मागून घ्या आणि नकाशाप्रमाणे बाग बघत जा.

Nong Nooch Garden हे तिकीट-आधारित आकर्षण आहे. एकदा प्रवेश तिकीट घेतल्यावर संपूर्ण बाग, थीम गार्डन्स, तलाव, पादचारी मार्ग, डायनॉसॉर व्हॅली यांसारखी मुख्य आकर्षणे पाहता येतात. मात्र थाई सांस्कृतिक शो, हत्ती शो, sightseeing bus tour, animal-feeding, तसेच e-cart / सायकल यांसाठी स्वतंत्र शुल्क आकारले जाते. त्यामुळे प्रवाशांनी बाग पाहताना कोणते अनुभव समाविष्ट घ्यायचे याचे नियोजन प्रवेशद्वारावरच करावे.

Nong Nooch Garden मधील सर्व तिकीटे—प्रवेश, शो, sightseeing bus tour—ही बागेच्या मुख्य प्रवेशद्वारावरच मिळतात. आतल्या आकर्षणांच्या ठिकाणी स्वतंत्र तिकीट-विक्रीची व्यवस्था नाही. त्यामुळे आपल्याला कुठली आकर्षणे पाहावयाची आहेत त्यांचे सुरुवातीलाच नियोजन करावे.

बाग खूप मोठी असल्याने बरेच जण बस टूर घेतात. बस टूरचा फायदा असा की बस      नकाशावरील विविध स्पॉट्सवर बस थांबते. तुम्ही बसमध्ये बसून संपूर्ण बाग शांतपणे पाहू शकता.  तुमचा वेळ वाचतो व उन्हापासून बचाव होतो.    

इतिहास: पिसित (Pisit) आणि  नॉँग नूच तान्साचा (Nong Nooch Tansacha) यांनी  १९५४ साली या बागेची स्थापना केली.  १९८०  मध्ये  हे  व्हिलेज लोकांसाठी  खुले करण्यात  आले. 

🏞️ गार्डन्स व विभाग

Nong Nooch मध्ये अनेक थीम असलेली गार्डन्स आहेत — काही प्रमुख: 

French Garden —  हे गार्डन फ्रान्समधील व्हर्साय (Versailles) पॅलेस गार्डनच्या धर्तीवर बनवले आहे. अत्यंत सममितीय (symmetrical) व भौमितिक (geometric) रचना, झुडपांना दिलेली टॉपियरी कटिंग—प्राणी, आकृती, भूमितीय आकार, सरळ रेषांचे मार्ग, मध्यवर्ती अक्ष (central axis) या रचनेमुळे दूरवरून पाहिल्यास ही बाग शिस्तबद्ध, राजेशाही शैलीतील वाटते.

European / Italian Garden —  ही बाग

फ्रान्ससह इटली, इंग्लंड, स्पेन, जर्मनी यासारख्या विविध देशांच्या बागांची मिश्र शैलीत बनवली आहे. काही भागात इंग्लिश गार्डनची नैसर्गिक, अनौपचारिक रचना तर काही ठिकाणी इटालियन स्टेप्ड टेरेसेस, शिल्पे, फाउंटन, रंगीबेरंगी फुलांची जागा, विविध युरोपियन वास्तुकला-शैलींची झलक पाहायला मिळते. येथे सममिती कमी पण नैसर्गिक सौंदर्यावर भर जास्त आहे.

Orchid & Bromeliad Display Garden —  येथे  तुम्हाला  थायलंडमधील    ऑर्किडचा  सर्वांत  मोठा संग्रह  पाहावयास  मिळेल. 

येथील  ऑर्किड  फुलांच्या  जाती , येथील  पाम -गार्डन  तसेच  जगाच्या  कानाकोप-यातून   आणून   लावलेली  फुलझाडे  तसेच  शोभेच्या  वनस्पती , यांसाठी  प्रसिद्ध  आहे. येथे फुलांच्या  ताटव्यांमधून  फिरत   अक्षरश: लाखो  फुलांचे  विविध  रंग  आणि  सुगंध  यांचा  अनुभव तुम्ही  घेऊ शकता. 

Bromeliad (ब्रोमेलियाड / ब्रॉमिलियाड) ही Bromeliaceae या कुलातील एक सजावटी वनस्पतींची प्रजाती आहे. ही वनस्पती उष्ण कटिबंधात (tropical regions) नैसर्गिकरीत्या वाढते—दक्षिण अमेरिका, मध्य अमेरिका, कॅरिबियन येथे यांचे जास्त प्रमाण आहे.

Cactus & Succulent Garden / Cactus Nursery — येथे विविध प्रकारचे कॅक्टस, सुक्युलेंट्स, काही दुर्लभ प्रजातीं सह आहेत. 

Butterfly Hill / Flower Display Areas रंगीबेरंगी फुले, आकर्षक लँडस्केपड फ्लोरल डिस्प्ले हे या उद्यानाचे वैशिष्ट्य आहे.

Palm / Cycad Collection —येथे जगातील काही मोठ्या पाम प्रजातींसह, तडाखेबाज पाम्स आणि सायकॅड्सचे मोठे संकलन पाहायला मिळेल.

Cycad ही लाखो वर्षांपासून अस्तित्वात असलेली (living fossil) प्राचीन, पामसारखी पण वेगळी अशी बीजवनस्पती (gymnosperm) आहे.

Stonehenge Garden, Pottery Garden:

Stonehenge Garden  मध्ये UK मधील Stonehenge मध्ये जसे उभे मेगालिथिक दगड व त्यावर आडवे ठेवलेले स्लॅब्स, तशीच रचना  तयार केली आहे.

Stonehenge हे इंग्लंडमधील विल्टशायर येथे असलेले प्रागैतिहासिक दगडी वर्तुळ (stone circle) आहे, ज्यातील उभे प्रचंड दगड सूर्याच्या हालचालींशी संरेखित आहेत. हे सुमारे 3000–2000 BCE दरम्यान बांधले गेले असून त्याचा उपयोग विधी, खगोल निरीक्षण किंवा स्मारक म्हणून केला गेला असावा असे मानले जाते. इतक्या प्राचीन काळी हे कसे बनवले असावे, ते संशोधकांना अजूनही कळले नाही.

पॉटरी  गार्डनमध्ये  थायलंडमधील पारंपरिक  पद्धतीने  बनविलेल्या  मातीच्या  भांड्यांपासून  बनविल्या विविध  शिल्पाकृती पाहण्यास मिळतील.

🎭 शोज व मनोरंजन

Nong Nooch फक्त बाग नाही — येथे विविध प्रकारचे शोज आणि मनोरंजन योजना आहेत: 

थाई कल्चरल शो:

या शोमध्ये मध्ये  थायलंड च्या  निरनिराळ्या  सांस्कृतिक  कार्यक्रमांचा  समावेश  होतो. या शोमध्ये काही थाई क्रीडाप्रकारसुद्धा दाखवण्यात येतात, ते म्हणजे थाई बॉक्सिंग, हातात काठ्या घेउन लढाई वगैरे. 

एलिफंट शो:

या  शोमध्ये  थायलंडचे प्रतीक  असणारे    हत्ती  निरनिराळ्या  करामती  करून  दाखवितात. या  करामतींमध्ये    सायकल  चालविणे , फुटबॉल, बास्केट बॉल खेळणे  यांचा  समावेश  होतो. हे हत्ती तुम्हाला रस्सीखेच खेळण्यासाठी बोलावतात. पण यातील अंगावर शहारे आणणारा खेळ म्हणजे हत्तीने माणसाच्या अंगावर चालून दाखविणे. या हत्तींच्या थक्क करून सोडणा-या आणखी करामती म्हणजे कवाईत करून दाखविणे, डार्ट फेकणे, डिस्को नृत्य करून दाखवणे, चित्रे काढणे वगैरे. 

“डायनासोर व्हॅली (Dinosaur Valley)” — डिजिटल पद्धतीने जीवन-आकाराच्या डायनासोरांच्या प्रतिकृती, प्रागैतिहासिक प्राण्यांच्या रूपात रचना, मुलांसाठी विशेष आकर्षण. 

Animal Sculptures, Rock Gardens, Water Features, Lakes & Lakeside Villas — तलाव, पुल, जलदृश्य, व्हिला / लॉजिंग पर्याय. 

✨ इतर काही आकर्षणे (फक्त गार्डन नव्हे तर संपूर्ण अनुभवासाठी)

Skywalk / Elevated Walkways — बागेच्या वरील रांगांवरून संपूर्ण परिसराचे विहंगम दृश्य. 

On-site Restaurants आणि Food Courts — थाई, आंतरराष्ट्रीय पदार्थ, तलावासमोरील भोजन. 

Accommodation Options — गार्डन परिसरातच रिजॉर्ट / व्हिला आहेत — ज्यामुळे रात्री थांबणे शक्य. 

Photo Spots, Sculptures, Creative Landscaping — बागा, प्राण्यांच्या शिल्पे, themed décor, फोटोसाठी उत्तम. 

या गार्डनमध्ये प्रवेश करताच अवाढव्य डायनॉसॉर्सच्या प्रतिकृती जिथे तिथे दिसू लागतात.

वाफे  आणि  त्यांवरील  फुले  पाहून  तुम्ही  हरखून  जाल .

 

नॉँग नूच व्हिलेजमधील शो: नॉँग नूच व्हिलेजमध्ये विविध प्रकारचे शोज चालू असतात. येथे काही शोजची माहिती दिली आहे. 

इतर आकर्षणे: याशिवाय नॉँग नूच व्हिलेजची खालील प्रमुख आकर्षणे आहेत.

नॉँग नूच रोप ब्रिज वॉक: नॉँग नूचमधील कार कलेक्शन आणि  कॅक्टस गार्डन यांच्यामध्ये एक छोटी नदी असून या नदीवर एक झुलता पूल आहे. या झुलत्या पुलावरून अतिशय सुंदर दृश्य पहाण्यास मिळते.

नॉँग नूच स्काय वॉक: नॉँग नूचमधील स्काय वॉकची कल्पना अभिनव अशीच आहे. स्काय वॉकच्या उंची मुळे    तुम्हाला उंचावरून शोभा दिसते एवढेच नव्हे तर तुम्ही वृक्षांच्या वरील भागाच्या अगदी जवळ  असल्यामुळे एरवी तुमच्या दृष्टी पलिकडे असणा-या वृक्षांच्या   वरील भागाचे जवळून निरीक्षण करू  शकता.

नॉँग नूच व्हिलेजमधील उद्याने: असंख्य उद्याने हे नॉँग नूच व्हिलेजचे मोठे आकर्षण आहे. यांपैकी काही उद्यानांची खाली माहिती दिली आहे:-

युरोपिअन गार्डन:  युरोपिअन पद्धतीमधून  प्रेरणा घेउन  बनविण्यात  आलेले  हे आणखी  एक  उद्यान. येथे  फ्रेंच,  ग्रीक  आणि  इटालिअन प्रकारची   शिल्पे  ठेवण्यात  आलेली  असून  येथे  फिरताना  आपण  युरोपिअन  उद्यानामध्ये   फिरत  आहो  असे  वाटते .

बटरफ्लाय गार्डन: नॉँग नूच व्हिलेजमधील  कल्पक  लँडस्केपिंगचा  हा  आणखी  एक  उत्तम    नमुना. येथील  हिरवळीस    आणि  वनश्रीस  असे  आकार देण्यात आले  आहेत  की  ते  पाहताना  फुलपाखरांच्या  कमनीय  आकारांची आठवण येईल.

अंब्रेला गार्डन: येथील  पाम आणि  सायकॅड (cycad) च्या  नैसर्गिक  हिरव्या  रांगांमधून    लाल  आणि  सोनेरी  रंगाच्या  छत्र्या  दिसून  येतात. येथील  अजस्र  मुंग्यांच्या  प्रतिकृती  पाहून  तुम्हाला  वेगळ्या  जगात  आल्यासारखे  वाटेल.

कॅक्टस गार्डन: येथे  जगभरातून  आणलेल्या  तसेच  कलम  केलेल्या  कॅक्टसच्या  जाती  पाहून  तुम्ही  थक्क  व्हाल. हो , परंतु  कॅक्टसच्या जास्त  जवळ  जाउ  नका , नाहीतर  रंगाचा  बेरंग  होईल.

टोपिअरी  ट्रीज: टोपिअरी याचा  अर्थ  झाडांना  निरनिराळ्या  प्रकारचे  आकार  देणे. येथील  ग्रोव्ह गार्डन  मध्ये  झाडांना  इतके  विविध  आकार  देण्यात  आले  आहेत  की  ते  पाहून  तुम्ही  थक्क  व्हाल.

फ्लोटिंग  ओअसिस: येथील  नॉँग नूच पाँटून (Pontoon) लेक मध्ये  तलावाच्या  पाण्यावर  तरंगणारॆ  झुडुपांचे  

येथील फ्रेंच गार्डन, आर्किड व ब्रॉमेलिआड डिस्प्ले, कॅक्टस व सायकॅड्सचे संग्रह, पाम्स व सुकेक्युलेंट बागा, Butterfly Hill, Stonehenge Garden यांसारख्या २०+ थीम-निहाय बागा आहेत. त्याबरोबरच येथे दैनिक सांस्कृतिक नृत्य-शो, हत्ती शो, प्रागैतिहासिक डायनासोर व्हॅली (life-size डायनासोर प्रतिकृती), तलाव, झु, झाडांची रंगत, फुलांची भरमार आणि लँडस्केप डिज़ाइन एकत्र आहे. हे सर्व एकत्र येऊन Nong Nooch ला करून देते — एक असा ठिकाण जिथे वनस्पती, निसर्ग, कला, मनोरंजन आणि विश्रांती — हे सगळे अनुभव एकाच दिवशी मिळू शकतात. त्यामुळे या गार्डनसाठी एकदा तरी पूर्ण दिवस राखावा, आणि यापेक्षा कमी नाही.

अप्रतिम बाग, सांस्कृतिक शो आणि हत्तींची प्रात्यक्षिके.

२.      प्रवास

प्रमुख विभाग / रस्ते:

Pattaya Second Road पटाया सेकंड रोड

पटाया बीच रोडला समांतर परंतु बीचपासून फारसा लांब नसणारा हा आणखी एक मध्यवर्ती वर्दळीचा रस्ता आहे. निशाजीवन आणि खरेदीच्या दृष्टीने पटाया बीच रोडचे सर्व फायदे या रस्त्याला मिळू शकतात. शिवाय हॉटेल्सचे दरही थोडे कमी होतात. आतील बाजूस असल्यामुळे पटाया बीचसारखे समुद्राचे दृश्य मिळू शकत नाही.

South Pattaya and Walking Street (साऊथ पटाया आणि वॉकिंग स्ट्रीट)

वॉकिंग स्ट्रीट: रात्रीचे नाइटलाइफ, रेस्टॉरंट्स, लाईव्ह म्युझिक — पटायाची सर्वात प्रसिद्ध गल्ली.

हा भाग साऊथ पटाया रोडच्या दक्षिण बाजूस लागूनच आहे. याच्या डाव्या बाजूस पटाया हिल तर दक्षिण बाजूस यॉम्टिअन (Jomtien)  बीच आहे. फिरण्यासाठी वॉकिंग स्ट्रीट चांगला परंतु कुप्रसिद्ध निशाजीवन. येथे निऑनच्या प्रकाशामध्ये सौदे ठरतात. पटायातील उत्कृष्ट खरेदी येथे होऊ शकते. त्याचप्रमाणे चांगल्या रेस्तराँना सुद्धा भेट देता येईल. येथील बहुतेक हॉटेल्स आतील बाजूस असल्याने तेथून समुद्र दिसू शकत नाही. सयाम बेशोअर हॉटेलसारखे बीचफ्रंट सँक्चुअरी यास अपवाद आहे.

North Pattaya, Wong Amat and Naklua (नॉर्थ पटाया, वाँग अमात आणि नक्लुआ)

सेंट्रल आणि साऊथ पटायापेक्षा नॉर्थ पटाया भाग अधिक शांत आणि कमी वर्दळीचा आहे. नॉर्थ पटायासुद्धा सिटी सेंटरचा भाग आहे. अल्काझार आणि टिफनी कॅबरे शो, सँक्चुअरी ऑफ ट्रुथ ही येथील काही आकर्षणे आहेत. नॉर्थ पटाया बीचसुद्धा बीच चेअर्स आणि छत्र्यांनी भरलेला आहे. येथेसुद्धा सर्व प्रकारच्या जलक्रीडा उपलब्ध आहेत. ज्या पर्यटकांना शांत वातावरण हवे आहे, त्यांच्यासाठी वाँग अमात आणि नक्लुआ भाग चांगले आहेत. शिवाय पटायामधील बहुतेक महत्त्वाची आकर्षणे येथून दहा मिनिटाच्या अंतरावर आहेत.

पटाया  नॉर्थ भागात   तुलनेने कमी गर्दी असते. त्यामुळे  हा भाग आरामशीर चालणे आणि समुद्रस्नानासाठी योग्य आहे.

Pattaya Beach Road (पटाया बीच रोड)

हा चार किमी लांबीचा चंद्रकोरीच्या आकाराचा अतिशय निसर्गरम्य असा रस्ता आहे. याच्या बाजूला पटाया बीचची सुंदर वाळू, प्रॉमनेड आणि पामची झाडे आहेत. रस्त्याला लागून लक्झरी हॉटेल्स, दुकाने, बार्स, रेस्तराँ आणि मार्केट स्टॉल्सची गर्दी आहे. हा रस्ता भरपूर रहदारीचा आहे. रस्त्याचे दक्षिण टोक पटायाच्या बदनाम निशाजीवनासाठी कुप्रसिद्ध आहे. रस्त्याची उत्तर बाजू तुलनेने विरळ वस्तीची आणि कमी वर्दळीची आहे. पटायामधील बरेच सुप्रसिद्ध रिझॉर्टस या रस्त्याला आढळतील. पटाया बीचवर असल्यामुळे त्यांचे दरसुद्धा त्याप्रमाणे महागडे आहेत. थोडे वाजवी दर हवे असतील तर बीच रोड आणि पटाया सेकंड रोडला जोडणा-या पटाया बीच रोडला कट करणा-या छोट्या रस्त्यांमध्ये शिरायचे.

👁️ प्रेक्षणीय स्थळे:

Art in Paradise (आर्ट इन पॅराडाईस) 3D आर्ट गॅलरी – फोटोग्राफीसाठी उत्तम.

Pattaya Beach पटाया बीच

जेट स्की, पॅरासेलिंग, बोट राईड, बनाना बोट अशा जलक्रीडा.

आता आपण जाणार आहोत पटाया बीचवर, जो तुम्ही कितीदा चित्रांतून, चित्रपटांतून पाहिला असेल — ज्या बीचवरील सफर कितीतरी प्राइझ स्कीमचं आकर्षण असते आणि जो बीच पाहणं अनेकांचं आयुष्यभराचं स्वप्न असतं.

पटाया बीच हा सुमारे चार किलोमीटर लांबीचा चंद्रकोरीसारखा किनारा आहे. या किनाऱ्यालगत सुंदर प्रोमेनेड, पामची झाडं, लक्झरी हॉटेल्स, रेस्तराँ, बार्स आणि बाजारपेठा यांची रांग लागलेली दिसते. एकेकाळी हे छोटं मासेमारीचं खेडं होतं, पण व्हिएतनाम युद्धाच्या काळात अमेरिकन सैनिक येथे विश्रांतीसाठी येऊ लागले, आणि तेव्हापासून पटायाचं रूपांतर एका जागतिक पर्यटन केंद्रात झालं.

आज पटाया बीच जगभरातील पर्यटकांना आपल्या रंगीबेरंगी वातावरणामुळे, वॉटर स्पोर्ट्स, पॅरासेलिंग, जेट-स्कींग, सनबाथिंग आणि नाईटलाइफ मुळे आकर्षित करतो. दरवर्षी सुमारे एक कोटीहून अधिक पर्यटक पटायाला भेट देतात, आणि त्यांपैकी बहुतेकांचे पहिले पाऊल याच पटाया बीचवर पडते.

या बीचची सकाळ शांत, दुपार जलक्रीडांनी गजबजलेली, आणि रात्र उजळणाऱ्या दिव्यांनी व संगीताने जिवंत असते — म्हणूनच पटाया बीचला म्हणतात,

“The beach that never sleeps — न संपणाऱ्या उत्सवाचा किनारा.”

पटाया बीचवरील उपक्रम:   

स्पीड बोट राइड: पटाया बीचवर स्पीड बोट राइड सेवा देणारे  निरनिराळे सर्व्हिस प्रोव्हायडर्स आहेत. या स्पीड बोट राइडमध्ये आपल्या पैशाचा जास्तीत जास्त मोबदला देणारे पॅकेज निवडणे उत्तम. स्पीड बोट राइडमध्ये तुम्ही खालील गोष्टी करू शकता:-    

मंकी आयलंड, कॉ लार्न आणि इतर बेटांचा फेरफटका.

डीप  सी  फिशिंग , स्पिअर फिशिंग   , स्नॉर्केलिंग , वॉटर स्की    आणि  वेक बोर्डिंग   , सुपर  जेट  स्की  टूर्स  वगैरे क्रीडा प्रकार.

बार्बिक्यू, ड्रिंक्स आणि संगीत यांसह पार्टी.      

पॅरासेलिंग:   हा क्रीडाप्रकार पटायाबरोबरच जॉम्टिएन (Jomtien) बीच आणि कॉ लार्न आयलंड येथे साधारण नोव्हेंबर ते एप्रिल दरम्यान चालतो. याचे ऑपरेटर बीचवरच असतात.  स्पीड बोटच्या सहाय्याने तुम्हाला ते खोल समुद्रात नेऊन अंगात जॅकेट घालून, डोळ्यांस त्रास होऊ नये म्हणून गॉगल लावून आणि पट्ट्यांच्या सहाय्याने पॅराशूट तुमच्या अंगाला बांधतात. थोड्याच वेळात तुम्ही पक्ष्याप्रमाणे आभाळात झेपावता. या उंचीवरून तुम्ही पटायाचा किनारा उंचावरून पाहू  शकता. पॅराशूटचे दोर बोटीला बांधले असल्यामुळे धोका नसतो. परंतु हा क्रीडाप्रकार निश्चितच साहसी लोकांसाठी आहे.           

Ripley's Believe it or not Museum

रिप्लीज बिलीव्ह इट ऑर नॉट म्युझियम: थरारक आणि मनोरंजक प्रदर्शन

रॉबर्ट लेरॉय रिप्लेच्या बिलीव्ह इट ऑर नॉटवरून प्रेरणा घेऊन या  म्युझिअमची निर्मिती केली आहे. येथे विविध विषयांवर आधारित अशी दहा दालने

असून या दालनांमध्ये मिळून एकूण तीनशे विभाग आहेत. रिप्लेच्या तुम्हाला माहीत असलेल्या आणि नसलेल्या आणि या भूतलावर असू शकतील यावर तुमचा विश्वासही बसणार नाही, अशा अनेक गोष्टी तुम्हाला या म्युझिअममध्ये पाहावयास मिळतील. हे म्युझिअम पाहून तुमचा जगाकडे पाहण्याचा एकूण दृष्टिकोनच बदलून जाईल.

Khao Pattaya View Point पटाया व्ह्यूपॉइंट 

शहराचा अप्रतिम सूर्यास्त दृश्य

Koh Larn or Coral Island (कॉ लार्न किंवा कॉरल आयलंडची सफर)

थायलंडच्या आखातामध्ये कॉ लार्न हे सुंदर बेट आहे. थाई भाषेमध्ये 'कॉ' म्हणजे बेट आणि ‘कॉ लार्न म्हणजे पोवळ्याचे बेट. हे बेट पटाया बीचपासून फक्त सात किमी अंतरावर आहे. बेटाची  लांबी  ४ किमी आणि  रुंदी २ किमी आहे. यावरून या बेटाच्या लहान आकाराची कल्पना येईल.  बेटाची वस्ती जेमतेम १ हजार आहे.  बेट डोंगराळ असून येथे  पाऊस भरपूर पडतो. त्यामुळे बेट अरण्यमय आहे.  या अरण्य़ांमध्ये माकडे आणि इतर वन्य प्राणी पुष्कळ आहेत.     

पर्यटकांसाठी कॉ लार्नमध्ये भरपूर आकर्षणे आहेत. पर्यटक येथे पॅरासेलिंग, स्नॉर्केलिंग, जेट स्की , बनाना  बोट अशा विविध क्रीडा प्रकारांचा आनंद लुटू शकतात किंवा मनसोक्त पोहूही शकतात. बेटावर एक शुटिंग रेंजसुद्धा आहे. यांशिवाय येथे बायसिक्लिंग आणि हायकिंगचीही मजा घेण्यासारखी आहे. येथे ब-याच बायसिक्लिंग इव्हेंट्स झाल्या आहेत. काही चित्रपटांचे शुटिंगसुद्धा येथे झाले आहे. बेटावर राहण्याची चांगली सोय आहे. बेटावर खाण्यापिण्याची रेलचेल आहे. त्यामध्ये ताजे सी फूड आस्वाद घेण्यासारखे आहे. ब-याच पर्यटकांचे कॉ लार्न इतके आवडते ठिकाण आहे की ते नियमित येथे येतात, इतकेच नव्हे तर पूर्ण सुट्टी येथेच घालवितात. 

कॉ लार्नच्या आसपास इतरही लहान लहान बेटे आहेत.  त्यांमध्ये को रीन (Koh Rin), को फाय (Koh Phai), को साक (Koh Sak), को ख्रॉक (Koh Khrok) या बेटांचा समावेश होतो. या सर्व बेटांवरील  पर्यटकांसाठी आकर्षणे जवळ जवळ सारखीच आहेत

Mini Siam (मिनी सयाम): थायलंड आणि जगातील प्रसिद्ध स्मारकांची लघुरूपे.

मिनी सयाम या पार्कमध्ये जगप्रसिद्ध वास्तूंच्या प्रतिकृती (miniature) पाहावयास मिळतात. या प्रतिकृती मूळ  वास्तूंपेक्षा २५ पटीने लहान आहेत. या पार्कचे मिनी सयाम आणि मिनी युरोप असे दोन मुख्य विभाग आहेत. या प्रकल्पाची सुरुवात १९८५ साली झाली आणि १९८६ सालापर्यंत २९ राय क्षेत्रामध्ये बांधकाम झाले. (१ राय म्हणजे १,६०० चौ. मीटर). पार्कच्या इतर भागामध्ये बुकिंग हॉल्स , सूव्हनिर शॉप्स आणि पार्किंग लॉट्स् आहेत.

येथे असणारे बँकॉकचे डिमॉक्रसी मॉन्य़ुमेंट ही  या पार्कमधील सर्वांत पहिली बनविलेली प्रतिकृती असून ती बनविण्याचे श्रेय श्री. कासम किएत्साकुल (Kasem KasemKietsakul)  यांच्याकडे जाते. या प्रकल्पाची रचना करण्याआधी श्री. कासम यांनी ब-याच देशांचा प्रवास केला.नेदर्लंड्स् मधील मदुरोदम आणि तैवानमधील विंडो ऑन चायना पाहिल्यावर त्यांना असे वाटले की थायलंडमध्येसुद्धा असे पार्क करता येईल.

मिनी सयाम विभाग : या विभागामध्ये थायलंडमधील प्रसिद्ध वास्तूंच्या प्रतिकृती बनविल्या आहेत. त्यांमध्ये थायलंड मधील बुद्धमंदिरे तसेच ऐतिहासिक स्मारके इत्यादी  वास्तूंचा समावेश होतो. थायलंडचा दौरा करण्यापूर्वी या विभागास भेट दिल्यास तुम्ही पुढे कुठली ठिकाणे पाहणार आहात याची कल्पना येईल.

मिनी युरोप विभाग: या विभागामध्ये युरोपमधील प्रसिद्ध वास्तूंच्या प्रतिकृती पाहावयास मिळतील. त्यांपैकी काहींची  नावे  खाली दिली आहेत:-  

देश	:	वास्तू
ऑस्ट्रेलिया	:	द ऑपेरा हाऊस
कंबोडिया	:	अंकोर वत
फ्रान्स	:	आयफेल टॉवर
भारत	:	ताजमहाल
यू एस ए	:	द स्टॅच्यू ऑफ लिबर्टी

हा पार्क पाहण्यास दोन तासांचा अवधी हवा. हा पार्क रात्री पाहण्याची वेगळी मजा आहे. कारण रात्री सुंदर लायटिंगमध्ये या  प्रतिकृतींची शोभा अधिक सुंदर दिसते. शिवाय वातावरणही थोडे थंड असते. 

Pattaya Hill (पटाया हिल)

पटाया बेच्या दक्षिण टोकाशी ही छोटी टेकडी आहे. टेकडीच्या माथ्यावर जाण्यासाठी वळणावळणाचा रस्ता आहे. पटाया हिलवर अलिशान सोयी असलेले रिझॉर्टस, मोठी उद्याने, उत्कृष्ट रेस्तराँ अशा सर्व सोयी आहेत. येथील वातावरण अतिशय शांत आणि प्रसन्न असून येथून समुद्राचे सुंदर दृश्य दिसते. रिझॉर्टसमध्ये करमणुकीच्या भरपूर सोयी आहेत. पटाया बीचपेक्षा कमी वर्दळ असलेला यॉम्टिअन बीच येथून जवळच आहे.

Big Buddha Hill बिग बुद्धा हिल (Wat Phra Yai): उंच टेकडीवर बसलेली विशाल बुद्ध मूर्ती आणि शहराचे दृश्य.

Jomtien Beach (जोम्टियन बीच) शांत, स्वच्छ आणि परिवारासह पोहण्यास योग्य.

या बीचवर पटाया बीचपेक्षा कमी वर्दळ आहे. या बीचला लागूनसुद्धा दुकाने, रेस्तराँ, हॉटेल्सची रेलचेल असलेला बीच रोड आहे. इतर सोयी पटाया बीचप्रमाणेच, उलट थोडे वाजवी दर मिळू शकतात.

Pattaya Floating Market  (पटाया फ्लोटिंग मार्केट ): थायलंडच्या पारंपरिक बाजाराचा अनुभव – बोटीवरून खरेदी आणि स्थानिक पदार्थांची चव.

या मार्केटचे एकूण क्षेत्रफळ एक लाख चौकिमी आहे. थायलंडच्या उत्तर, ईशान्य, मध्य आणि दक्षिण भागांतून विविध वस्तू येथे विक्रीसाठी येतात. याशिवाय रोज दुपारी सांस्कृतिक कार्यक्रम असतो. माणसांनी चालवावयाची चार माणसे बसू शकतील अशी होडी तुम्ही अर्ध्या तासासाठी भाड्याने घेऊ शकता. थायलंडच्या चार प्रदेशांत असणा-या विविध प्रकारच्या शेकडो लाकडी घरांतून फिरणे हा एक वेगळा अनुभव वाटेल.      

Sanctuary of Truth ( सॅंक्च्युरी ऑफ ट्रुथ)

 पूर्णपणे लाकडात कोरलेले भव्य मंदिरसदृश बांधकाम — पटायातील सर्वात वेगळे स्थळ:

 

ही वास्तू मंदिर किंवा महालासारखी दिसत असली तरी या वास्तूस मंदिरही म्हणता येत नाही की महालही म्हणता येत नाही. यास थाई कारागिरीचे स्मारक म्हणता येईल. याची निर्मिती संपूर्णपणे सागाच्या लाकडाची असून येथे धर्म, तत्त्वज्ञान, कला आणि संस्कृती अशा विविध विषयांवर शिल्पकृती असून त्यांमधून सृष्टीची प्राचीन दृष्टी, प्राचीन ज्ञान आणि पौर्वात्य तत्त्वज्ञान व्यक्त झाले आहे.

Tiffany Show and Alcazar Show

 संध्याकाळी पाहण्याजोगा प्रसिद्ध ट्रान्सजेंडर कॅबरे शो.

टिफनी आणि अल्काझार ही नॉर्थ पटायामधील दोन वेगवेगळी थिएटर्स आहेत. Tiffany’s Theater Second Road वर,  तर Alcazar Theater, Second Road वरच, पण थोडे दक्षिणेकडे.  तुम्ही दोन्ही ठिकाणी सहज चालतही जाऊ शकता — पण शोच्या वेळा वेगवेगळ्या असतात.

टिफनी थिएटरमध्ये होणारा टिफनी शो व अल्काझार थिएटरमध्ये होणारा अल्काझार शो हे कॅबरे शैलीतील ट्रान्सजेंडर (लेडीबॉय) परफॉर्मन्स शो आहेत, पण ते भिन्न व्यवस्थापन चालवतात. दोन्हींचा दर्जा, सेट्स, वेशभूषा आणि संगीत आंतरराष्ट्रीय पातळीवरील आहे.

बँकॉकमध्ये काही हॉटेल्स आणि थिएटर्समध्ये छोट्या प्रमाणावर कॅबरे शो होतात. फुकेतमधील  Simon Cabaret Show सुद्धा प्रसिद्ध आहे.

तरीही पटाया हे थायलंडचे कॅबरे राजधानी म्हणून ओळखले जाते.

Tiffany Show ची मूळ कल्पना खुन पिचाय सुथिथुमरोंग (Khun Pichai Suthithumrong) या थाई उद्योजकांची. त्यांनी एक छोटा शो रेस्टॉरंटमध्ये सुरू केला, पण त्याच्या लोकप्रियतेमुळे नंतर मोठे थिएटर उभारले गेले. या शोचा त्याचा उद्देश होता थायलंडमधील ट्रान्सजेंडर कलाकारांना सन्माननीय व्यासपीठ देणे हा होता.

थाई समाजामध्ये  लेडी बॉइजना मान्यता आहे आणि त्यांना कुणीही त्रास देत नाही. हे लेडी बॉइज  इतके सुंदर दिसतात की कुणी सांगितल्याशिवाय तुम्हाला त्यांच्या स्त्रीत्वाविषयी शंकासुद्धा येणार नाही.

१९७० च्या दशकात पटायामध्ये सामान्य स्त्रियांचे नाइट शो आणि डान्स बार आधीपासूनच चालत होते. परंतु त्या काळात काही ट्रान्सजेंडर कलाकारांनी आपले रूपांतर केलेल्या कलात्मक परफॉर्मन्सचे सादरीकरण सुरू केले. त्यावेळी पर्यटकांना हे अनोखे आणि आश्चर्यकारक वाटले — आणि ते लोकप्रिय झाले. हळूहळू त्या शोना स्वतंत्र ओळख मिळाली, आणि १९७४ मध्ये “Tiffany’s Show” हा पहिला व्यावसायिक, शालीन, सांस्कृतिक ट्रान्सजेंडर कॅबरे शो सुरू झाला. त्याच धर्तीवर “Alcazar” नंतर सुरू झाला.

सुरुवातीला हा मनोरंजन व्यवसाय म्हणूनच सुरू झाला. पण हळूहळू ते तृतीयपंथीयांसाठी रोजगार, आत्मसन्मान आणि सामाजिक ओळख निर्माण करणारा व्यासपीठ ठरले.

आज Tiffany आणि Alcazar मध्ये काम करणारे कलाकार नृत्य, मेकअप, संगीत, व्यवस्थापन या सर्व क्षेत्रांत व्यावसायिक प्रशिक्षण घेतात. त्यामुळे हे शो केवळ “मनोरंजन” नाहीत, तर समाजातील एका घटकासाठी सन्मानाचे माध्यम बनले आहेत. त्यामुळे आपण पटायाला गेल्यास हा शो पाहून या कलाकारांच्या पाठीवर  शाबासकीची थाप जरूर द्यावी.

या शोमध्ये  रंगीबेरंगी पोशाख घालून  नर्तक  गीतनृत्याचा कार्यक्रम सादर करतात. या नृत्यास सुंदर प्रकाशयोजना आणि संगीत यांची साथ असते. नर्तकांच्या गाण्यामध्ये 'सवद्दी' हा स्वागतपर शब्द वारंवार येतो. 'सवद्दी' हा शब्द संस्कृत 'स्वस्ति' म्हणजे 'कल्याण असो' या शब्दावरून आला आहे.

नृत्य झाल्यावर तुम्ही तुमच्या आवडीच्या नर्तकाबरोबर फोटो काढू शकता. 

Tiffany Theatre and Tiffany Show (टिफनी थिएटर आणि टिफनी शो) 

https://www.tiffany-show.co.th/

हा 1974 मध्ये सुरू झालेला थायलंडमधील पहिला ट्रान्सजेंडर कॅबरे शो. “Tiffany” हे नाव अमेरिकन/युरोपीय सौंदर्याची झलक देण्यासाठी वापरले गेले — कारण त्याचे उद्दिष्ट एक ग्लॅमरस, ब्रॉडवे-शैलीतील सादरीकरण तयार करणे होते.

हा शो अधिक पारंपरिक आणि प्रतिष्ठित मानला जातो.

Alcazar Theatre and Alcazar Show: अल्काझार  थिएटर आणि अल्काझार शो 

https://www.alcazarthailand.com/

हा शो 1981 मध्ये सुरू झाला. “Alcazar” हा स्पॅनिश शब्द आहे,  त्याचा अर्थ आहे  राजवाडा. नावावरूनच दिसते की या शोचा हेतू होता भव्य राजवाड्यासारख्या मंचावर रंगतदार दृश्य सादर करणे. हा शो अधिक आधुनिक, उत्साही आणि प्रकाशयोजनांवर आधारित आहे.

फेत्राकुल (Phettrakul) फॅमिली ही अल्काझार कॅबरेचे संस्थापक आणि मालक.  अल्काझार हे   सुरुवातीला छोटे थिएटर होते. सुरुवातीला फ्लोअर , स्टेज  आणि तंत्रसामग्री अतिशय सुमार दर्जाची होती. व्यवसायसुद्धा फारसा फायदेशीर नव्हता. परंतु फेत्राकुल फॅमिलीने चिकाटीने कार्यक्रमाचा दर्जा उंचावत नेला आणि आज अल्काझार एक जगप्रसिद्ध कार्यक्रम झाला आहे. आजपर्यंत दहा लाखाहून  अधिक लोकांनी या कार्यक्रमाचा आनंद घेतला आहे.

आजचे अल्काझार थिएटर म्हणजे १२०० आसनी, ४४० कर्मचारी असलेले भव्य आणि सुसज्ज थिएटर आहे.येथे अत्युच्च दर्जाची 'सर्कल सराउंड डी टी एस सिस्टीम' आणि अत्याधुनिक कॉंम्प्य़ुटर तंत्रज्ञान वापरले आहे. अल्काझार शो आज जागतिक दर्जाचा कार्यक्रम असून त्याची तुलना पॅरीसच्या लिडो (Lido) आणि  मूलिन रूग (Moulin Rouge)  या कार्यक्रमांशी होऊ शकते.        

अल्काझार कॉम्प्लेक्समध्ये थाई रेस्टॉरंट, कॅफे आणि गिफ्ट शॉपसुद्धा आहे.

Khao Kheow Open Zoo (खाव खू  ओपन झू)

खाव खू यास झूपेक्षा वन्यजीवन संवर्धन आणि संशोधन केंद्र म्हणता येईल. येथे ८,००० पेक्षा जास्त प्राणी त्यांच्या नैसर्गिक अधिवासाशी मिळत्या जुळत्या वातावरणामध्ये मोकळे फिरत असतात. तुमच्या कारमधून किंवा झूच्या ट्राममधून तुम्ही या प्राण्यांचे अगदी जवळून निरीक्षण करू शकता. हा झू रात्रीसुद्धा चालू असतो. या वेळी सात किमी ट्राम सफरीमध्ये मोठ्या मांजरांपासून सुरुवात करून वन्य प्राण्यांचे अनोखे निशाजीवन तुम्ही अनुभवू शकता.

फ्लाइट ऑफ द गिबन अॅड्व्हेंचर: खाव खू ओपन झूमधील हा एक साहसी अनुभव आहे. गिबन म्हणजे एका जातीचे लांब हाताचे वानर. या उपक्रमामथ्ये तुम्ही गिबन वानराप्रमाणे वृक्षराजींच्या शिखरावरून फिरत येथील जंगलाचे निरीक्षण करू शकता. वृक्षांच्या शिखरावरून विहार करण्यासाठी मजबूत वायर्स, स्कायब्रिजेस यांची तुम्हाला मदत होते. वृक्षांच्या शिखरावरून हा मार्ग तीन किमी लांबीचा असून या प्रवासातून साहसाबरोबरच तुमच्या ज्ञानातही भर पडेल आणि थायलंडमधील तुमच्या प्रवासातील अविस्मरणीय अनुभवांमध्ये    भर पडेल.

Pattaya Elephant Village (पटाया एलिफंट व्हिलेज)

कामासाठी वापरल्या जाणा-या हत्तींसाठी निवासस्थान म्हणून १९७३ साली हे एलिफंट व्हिलेज सुरू करण्यात आले. या कँपमध्ये पूर्णवेळ अनुभवी माहूत हत्तींची देखभाल करतात. पर्यटकांसाठी आकर्षण म्हणजे येथील निरनिराळे शोज, हत्तींचे प्रशिक्षण, स्नान वगैरे. युद्धाच्या हत्तींचा ग्लोबल साबाद चाय (Global Sabad Chai) किंवा विजयदुंदुभी हा आणखी एक शो आहे.

Wat Yannasangwararam or  Viharn Sien  (वत यन्नासंगवारारम किंवा विहार्न स्येन)

हे भव्य तीन मजली चिनी मंदिर म्हणजे एक पूजास्थान तसेच म्युझिअमसुद्धा आहे. मंदिराचे अधिकृत नाव अनेक कुसोन साला (Anek Kuson Sala) असे आहे. परंतु येथे ठेवण्यात आलेल्या चिनी संतांच्या वस्तूंमुळे या मंदिरास विहार स्येन म्हणतात. स्येनचा अर्थ संत. येथे बौद्ध धर्माच्या महायान आणि थेरवाद पंथांशी संबंधित तसेच प्राचीन चीनमधील अनेक पुरातनवस्तू ठेवण्यात आल्या आहेत.

Alangkarn Show  (अलंग्कर्न  शो) 

हा दोन तासाचा  कार्यक्रम असून यामध्ये ध्वनी आणि प्रकाश, लेझर तंत्रज्ञान या सर्वांतून तुम्हाला थाई इतिहास, संस्कृती आणि परंपरा यांचे भव्य आणि डोळे दिपवून टाकणारे दर्शन होते. या शोमध्ये हत्तींचासुद्धा समावेश आहे, यावरून तुम्हाला रंगमंच किती मोठा असेल त्याची कल्पना येईल. कलाकारांची रंगीबेरंगी वेशभूषा आणि निरनिराळ्या रंगातील प्रकाश या सा-यांनी निश्चित डोळ्यांचे पारणे फिटेल.

Pattaya Park Beach Resort (पटाया  पार्क  बीच रिझॉर्ट)

थायलंडच्या पूर्व किना-यावरील पहिला आणि सर्वांत उंच समुद्रकिना-यावरील मनोरा आणि फिरते उपाहारगृह अशी याची प्रसिद्धी आहे.जॉम्टिएन बीचवरील हा रिझॉर्ट अतिशय मोक्याच्या ठिकाणी असून येथून जॉम्टिएन बीच आणि पटाया बेचे सुंदर दृश्य दिसते. रिझॉर्ट मध्ये ७१८ लक्झरिअस सी व्ह्यू रूम्स आणि सूट्स असून बँक्वेट आणि कॉन्फरन्स रूम्स, फिटनेस सेंटर, सोना, स्नूकर रूम, शॉपिंग आर्केड अशा सर्व सोयी आहेत.

स्पा: येथे दोन स्पा असून या स्पामध्ये शोल्डर अँड बॅक, थाई ट्रेडिशनल, हर्बल कॉम्प्रेस, अरोमा असे विविध मसाज घेता येतात. तसेच स्क्रब विथ जॅस्मिन राइस प्लस आमंड सीड,  स्ट्रीम रूम, मिनरल फ्लोरल बाथ, राइस मिल्क बॉडी लोशन अशी वैशिष्ट्यपूर्ण सौंदर्यप्रसाधने घेऊ शकता. 

रिव्हॉल्विंग रेस्टॉरंटस : पॅनोरमा रिव्हॉल्विंग रेस्टॉरंट (५२ वा मजला),  पिनॅकल रिव्हॉल्विंग रेस्टॉरंट (५३  वा मजला) , मेरिडिअन रिव्हॉल्विंग रेस्टॉरंट (५४  वा मजला) या उपाहारगृहांमध्ये आंतरराष्ट्रीय दर्जाचे बफे लंच किंवा सीफूड डिनर मिळते. शिवाय फिरत्या उपाहारगृहामध्ये भोजनाचा वेगळा अनुभव घेण्यासारखा आहे. 

अपेक्स अब्झर्व्हेशन (५५   वा मजला): या मजल्यावरील निरीक्षण कक्षामधून जॉम्टिएन  बे  आणि पटाया शहराचे सुंदर दृश्य दिसते.

टॉवर जंप: तुम्ही जर साहसी असाल तर तुमच्यासाठी एक रोमांचकारी क्रीडाप्रकार येथे   आहे. २४० मीटर उंच असणा-या ५५ व्या मजल्यावरून खाली उडी मारायची. घाबरू नका, तारांच्या सहाय्याने एकटा माणूस किंवा केबल शटलच्या सहाय्याने एकाहून अधिक व्यक्ती. यात सुरुवातीला भीती वाटते, परंतु नंतर मजा वाटते.    

स्पीड शटल/स्काय शटल: स्काय शटलने थेट बीचवर जाता येते. स्पीड शटल ने अधिक वेगाने जाता येते. 

पटाया पार्क टॉवर वर जाण्यास १५० बाथ शुल्क आहे. यामध्ये मोफत ड्रिंक येते. शिवाय टॉवर जंपसाठी पैसे द्यावे लागत नाहीत. 

Fun Park (फन पार्क)

फन पार्कची आकर्षणे:

- टॉवर शॉट

- Slalom रोलर कोस्टर

- व्हायकिंग्स

- फॅमिली स्विंगर

- मोनोरेल

- डिमॉलिशन डर्बी

- म्युझिकल Carousel

- सांबा टॉवर

वॉटर पार्क : पटायामधील हे एकमेव वॉटर पार्क असून येथे मोठमोठ्या वॉटर स्लाइड्स आहेत. येथे तुम्ही समुद्रात पोहू शकता किंवा सूर्यस्नान करू शकता. पाण्यातील भोव-याभोवती पोहणे हा येथील एक वेगळा प्रकार आहे.    

Gems Gallery, Pattaya(जेम्स गॅलरी, पटाया)                                                                  पटायामधील जेम्स गॅलरी ३.८ एकर  (१५,२०० चौ. किमी ) जागेवर  बांधण्यात  आली  आहे. या गॅलरीमध्ये  ५००हून  अधिक  कर्मचारी  आहेत. या गॅलरीचे  वैशिष्ट्य  म्हणजे  'थीम  पार्क डार्क  राइड ' हे  जवाहिरांविषयी ध्वनी  आणि  प्रकाशयुक्त  सादरीकरण. या  राइडमध्ये  तुम्ही  फक्त  बसून  राहायचे  आणि  रत्नांच्या झगमगत्या  दुनियेची  सफर  करायची.  

पटाया पर्यटनाचा ४ दिवसांचा प्रवास कार्यक्रम:

🌇 दिवस १ – मध्य आणि पश्चिम पटाया (Central & West Pattaya)

वैशिष्ट्य: बीच अ‍ॅक्टिव्हिटीज, नाइटलाइफ आणि आधुनिक आकर्षणे.

🕘 09:00 – हॉटेलमधून निघणे (नाश्त्यानंतर)

गाईडकडून दिवसाच्या कार्यक्रमाची थोडक्यात माहिती.

बसने किंवा टॅक्सीने पटाया बीचकडे प्रयाण.

🏖️ 09:30 – 12:00 : पटाया बीच भ्रमंती

चार किमी लांबीचा नयनरम्य चंद्रकोरीसारखा किनारा.

वाळूत चालणे, फोटोसेशन, बीचवरील पाम झाडांची रांग अनुभवणे.

इच्छुक प्रवाशांसाठी पॅरासेलिंग, जेट-स्की, बनाना राईड यांसारख्या जलक्रीडा.

प्रवाशांना थोडा मुक्त वेळ.

🍽️ 12:15 – 13:30 : दुपारचे जेवण

पटाया बीच रोडवरील The Glass House, Preecha Seafood किंवा Sizzler (Terminal 21) यांसारख्या रेस्तराँमध्ये जेवणाची सोय.

समुद्रदृश्यासह लंचचा आनंद.

🛍️ 13:45 – 16:00 : सेंट्रल पटाया – खरेदी व शहरफेरी

Central Pattaya Festival Mall — आधुनिक शॉपिंग मॉल, स्मृतिचिन्हांची दुकाने.

इच्छुकांसाठी Art in Paradise (3D illusion museum).

पर्यायी कार्यक्रम म्हणून Ripley’s Believe It or Not म्युझियम.

🌇 16:15 – 17:30 : Pattaya Viewpoint (Khao Phra Tamnak Hill)

संध्याकाळी समुद्रावर मावळत्या सूर्याचे अप्रतिम दृश्य.

वरून पटाया शहराचा विहंगम नजारा; फोटोसाठी उत्तम ठिकाण.

🍛 18:00 – 19:30 : रात्रीचे जेवण

Terminal 21 मॉलमधील Food Court (Pier 21) मध्ये विविध देशांच्या पाककृतींचा आनंद.

येथे हलके जेवण आणि थोडी विश्रांती.

🎭 20:00 – 21:30 : Alcazar / Tiffany Show

पटायातील प्रसिद्ध लेडी बॉय कॅबरे शो (दोन्ही थिएटर्स नॉर्थ पटायामध्ये आहेत).

नेत्रदीपक प्रकाशयोजना, संगीत, नृत्य आणि फॅशनचे अविस्मरणीय सादरीकरण.

🌃 21:45 – रात्रीचा समारोप / वॉकिंग स्ट्रीट (ऐच्छिक)

इच्छुक प्रवाशांसाठी South Pattaya येथील Walking Street ची फेरफटका.

रंगीबेरंगी निऑन लाईट्स, संगीत, रेस्टॉरंट्स आणि नाइटलाइफचा अनुभव.

🏨 22:30 – हॉटेलला परत व विश्रांती

पुढील दिवसाच्या समुद्री सफरीसाठी तयारी.

🌅 दिवस ४ – उत्तर पटाया (North Pattaya):

वैशिष्ट्य: समुद्रकिनाऱ्याची शांतता, सांस्कृतिक आकर्षणे, आणि मनोरंजन.

प्रवासकार्यक्रम:

08:00 a.m. – 09:00 a.m. नाश्ता व दिवसाची तयारी.

09:00 a.m. – 09:30 a.m. हॉटेलमधून Sanctuary of Truth कडे प्रयाण (नॉर्थ पटाया बीचलगत).

09:30 a.m. – 12:00 noon Sanctuary of Truth दर्शन.

ही संपूर्ण लाकडात कोरलेली भव्य रचना सुमारे १०५ मीटर उंच असून बुद्ध, हिंदू व तत्त्वज्ञान यांचा संगम दाखवते.

संपूर्ण मंदिरात एकही लोखंडी खिळा नाही.

याला पाहण्यासाठी सुमारे दीड-दोन तास लागतात.

येथून समुद्राचे दृश्य अप्रतिम दिसते.

📷 फोटोसाठी उत्तम ठिकाण.

12:15 p.m. – 01:30 p.m. दुपारचे जेवण

सुचवलेले पर्याय:

Surf & Turf Pattaya (Sanctuary जवळ – सीफूड व सुंदर सी व्ह्यू).

The Glass House Silver (थोडे दूर पण अत्यंत लोकप्रिय). | | 01:45 p.m. – 04:00 p.m. | Leisure / Sightseeing – North Pattaya Area

Art in Paradise (३D इंटरॅक्टिव्ह आर्ट म्युझियम) — हलके मनोरंजनासाठी.

किंवा Tiffany’s Show Museum / Photo Gallery भेट.

पर्याय: इच्छुकांनी हॉटेलमध्ये विश्रांती घेऊ शकतात. | | 04:00 p.m. – 05:30 p.m. | Terminal 21 Pattaya – एक थीम बेस्ड मॉल, प्रत्येक मजला वेगळ्या देशाच्या थीमनुसार सजवलेला (पॅरिस, लंडन, टोकियो इ.).

येथे शॉपिंग, स्नॅक्स व फोटोस्पॉट्ससाठी वेळ. | | 05:30 p.m. – 06:15 p.m. | रात्रीचे जेवण – Terminal 21 च्या Pier 21 Food Court मध्ये थाई आणि आंतरराष्ट्रीय पदार्थ.

किंवा शोच्या वेळेनुसार हलके जेवण. | | 06:30 p.m. – 08:00 p.m. | Alcazar Cabaret Show किंवा Tiffany Show

– पटायाचे प्रसिद्ध “कॅबरे शो” जे संगीत, नृत्य आणि नेत्रदीपक पोशाखांनी सजलेले असतात.

– सामान्यतः ६:३० किंवा ७:०० वाजता सुरू होतात आणि सुमारे ७५–९० मिनिटे चालतात. | | 08:00 p.m. – 08:30 p.m. | शो संपल्यानंतर फोटो घेण्यासाठी वेळ. | | 08:30 p.m. – 09:00 p.m. | हॉटेलकडे परतीचा प्रवास व दिवसाची सांगता. |

३        . परिशिष्टे

WHAT TO SEE/WHAT TO DO IN PATTAYA

1.       Mini Siam,http://www.minisiam.com/,387, Moo 6 Sukhumvit Rd, Pattaya City Naklua, Banglamung, Chonburi 20150

2.       Nong Nooch Village, http://nongnoochgarden.com, 34/1 Moo 7 Na Jomtien, Sattahip, Chonburi 20250

3.       Alcazar Show, http://www.alcazar-pattaya.com,78/14 Pattaya 2nd Road., Pattaya City, 20260

4.       Pattaya Park Beach Resort,http://www.pattayapark.com/345 Jomtien Beach, Pattaya City, Chon Buri, 20150, Thailand

5.     Gems Gallery, www.gems-gallery.com, 555 Moo 6 North Pattaya Road, Banglamung, Pattaya, Chon Buri                      

BEST BEACHFRONT RESORTS

1.       The Heritage Pattaya Beach Resort (Formerly, Grand Heritage Beach Resort & Spa), 435, Moo 12, Pratumnak Soi 6, Nongprue, Dong Tarn Beach, Pattaya, Thailand 20150.

2.       Avalon Beach Resort, http://www.avalonbeachresort.com/, 436 Moo 12, Thuppraya Road, Dongtarn Beach, Jomtien, Nongprue, Dong Tarn Beach, Pattaya, Thailand 20150.

3.       Ravindra Beach Resort & Spa, http://www.ravindraresort.com/, 246 Moo 4, Sukhumvit Road. (km.157), Na Jomtien, Sattahip, Chonburi 20250 THAILAND.

BEST FAMILY RESORTS

1.       Royal Cliff Beach Terrace , Pattaya Hill, http://www.royalcliff.com/, 353 Phra Tamnuk Road, South Pattaya, Banglamung, Chonburi, 20150 Pattaya South.

2.       Pullman Pattaya Aisawan , Wongamat-Naklua, www.pullmanhotels.com, 445/3 Moo 5 Wong Amart Beach, Pattaya - Naklua Road Soi 16, Pattaya, 20150, Thailand.

3.       Chateau Dale Resort Spa and Villas, Jomtien

BEST NIGHTLIFE HOTELS

1.       Baron Beach Hotel , Pattaya Beach Road

2.       Sunbeam Hotel , Pattaya Beach Road

3.       Areca Lodge Pattaya , Pattaya Second Road

BEST BUDGET HOTELS

1.       Ibis Pattaya , Pattaya Second Road

2.       Sawasdee Seaview Pattaya , Pattaya Beach Road

3.       Eastiny Plaza Hotel , Pattaya Beach Road

BEST RESTAURANTS

1.       Mantra Restaurant & Bar

2.       Moom Aroi

3.       Volterra

4.       Preecha Seafood

5.       Bruno's

6.       Au Bon Coin

7.       Casa Pascal

8.       The Glass House

SHOPPING

1.       Tesco/Lotus

2.       Central Festival Pattaya Beach

3.       Big C

4.       Royal Garden Plaza

5.       Mike Shopping Mall

बॅंकॉक – आधुनिकतेत दडलेली प्राचीनता

 

बॅंकॉक – आधुनिकतेत दडलेली प्राचीनता

चाओ फ्राया नदीच्या काठी पसरलेले बॅंकॉक शहर  म्हणजे थायलंडचे हृदय आहे. दिवसा सूर्यकिरणांनी झगमगणाऱ्या गगनचुंबी इमारती आणि रात्री रंगांनी उजळलेले रस्ते — बॅंकॉक दोन्ही रूपांत मंत्रमुग्ध करते. येथे परंपरा आणि प्रगती यांचा विलक्षण संगम आहे. सुवर्णमंदिरांचे कळस आकाशाला भिडतात, तर त्यांच्या सावलीत आधुनिक मॉल्स आणि मेट्रोची गती दिसते.

बॅंकॉक हा केवळ थायलंडची राजधानी नाही, तर दक्षिण-पूर्व आशियातील एक  जिवंत सांस्कृतिक केंद्र आहे — जिथे बुद्धमूर्तींच्या शांततेतून आणि बाजारांच्या गजबजाटातून एकाच वेळी जीवनाचा ताल ऐकू येतो.

-----------------------------------------------------------

अबब ! केवढे मोठे हे नाव !

हे वाचता येते का पहा 🤔 

Krungthepmahanakorn Amonrattanakosin Mahintharaayutthaya Mahadilokphop Noppharatratchathaniburirom Udomratchaniwetmahasathan Amonphiman Awatansathit Sakkathattiyawitsanukamprasit

नाही जमत ना? हे आहे बँकॉकचे थाई भाषेतील नाव. याचे संक्षिप्त रूप आहे Krung Thep.

तुम्हाला माहीत आहे का, बॅंकॉक हे जगातील सर्वांत लांब नाव असलेले शहर आहे?

त्याचे थाई भाषेतील पूर्ण नाव इतके मोठे आहे की स्थानिक लोकसुद्धा रोजच्या वापरात फक्त “Krung Thep” (देवतांचे शहर) असेच म्हणतात.

वर दिलेल्या मालगाडीसारख्या लांबलचक  नावाचा मराठीत अर्थ असा आहे –

“देवतांचे शहर, अमर रत्नांचे महानगर, इंद्राचे अजेय निवासस्थान, दैवी लोकांचे महान राज्य, नऊ मौल्यवान रत्नांची राजधानी, देवांचे पवित्र निवासस्थान.”

बॅंकॉकचे नाव हे जगातील सर्वांत मोठे शहराचे नाव म्हणून गिनेस वर्ल्ड रेकॉर्ड्स मध्ये नोंदलेले आहे.

थायलंडची राजधानी "Bangkok" हे परकीय नाव आहे. पण थाई लोक आपल्या राजधानीला "Krung Thep" (กรุงเทพฯ) असे म्हणतात, जे “देवतांचे शहर” असा अर्थ दर्शवते.

इतके सुंदर आणि लांब नाव असलेले हे एकमेव शहर — बॅंकॉक!

-----------------------------------------------------------

१.      परिचय

बॅंकॉक हे थायलंडच्या मध्यभागी, चाओ फ्राया नदीच्या काठी वसलेले शहर आहे.

ही नदी दक्षिणेकडे प्रवास करून थायलंडच्या आखातात मिसळते, त्यामुळे बॅंकॉकला नदीमुखाजवळील व्यापारी केंद्र म्हणून नैसर्गिक महत्त्व लाभले आहे.

बॅंकॉक ही संज्ञा बॅंकॉक शहर आणि बॅंकॉक महानगर या दोन्हींसाठी वापरली जाते. बॅंकॉक शहराचा विकास झाल्यानंतर आजूबाजूची उपनगरे मिळून सर्व भाग बॅंकॉक म्हणून ओळखला जाऊ लागला.  बॅंकॉक महानगराचे क्षेत्रफळ  सुमारे १५६२ चौ कि मी असून २०२५ च्या अंदाजाप्रमाणे बॅंकॉक महानगराची लोकसंख्या १ कोटीपेक्षा जास्त आहे. शहर समुद्रसपाटीपासून सरासरी केवळ १.५ मीटर उंचीवर असल्यामुळे येथे पावसाळ्यात पूर येण्याचा धोका असतो.

बॅंकॉक शहर :- हा भाग म्हणजे राजधानीचा मूळ केंद्रभाग, जिथे राजवाडा, प्रमुख मंदिरे, सरकारी कार्यालये, जुने बाजार, आणि प्रमुख पर्यटनस्थळे आहेत.

ग्रँड पॅलेस, वॉट फो, वॉट अरुन, आणि खाओ सान रोड यांसारखी ठिकाणे याच भागात आहेत.

येथे पारंपरिक थाई संस्कृती, ऐतिहासिक वास्तू आणि नदीकिनारी जुने भाग पाहायला मिळतात.

बॅंकॉकची उपनगरे:- येथे आधुनिक निवासी वस्त्या, औद्योगिक क्षेत्रे, विमानतळ (सुवर्णभूमी), मॉल्स आणि नाईट मार्केट्स आहेत.

या भागातच शहराची आधुनिक ओळख — गगनचुंबी इमारती, मेट्रो नेटवर्क आणि व्यापारकेंद्रे — पाहायला मिळतात.

बॅंकॉक शहर  आणि त्याची उपनगरे हा भाग सलग असल्याने पर्यटकाला दोन्हींत फरक जाणवत  नाही.

२०२४ साली बॅंकॉकला जागतिक पातळीवर सर्वाधिक आंतरराष्ट्रीय पर्यटक आलेले शहर म्हणून पहिला क्रमांक मिळाला होता. या वर्षी सुमारे ३ कोटींहून अधिक पर्यटकांनी बॅंकॉकला भेट दिली

इतिहास

ब्रह्मी  आक्रमण

इ .स . १५६४  मध्ये  ब्रह्मी  टोळ्यांनी  सयामवर  आक्रमण   केले आणि पाच वर्षांत अयुथयाचा  पाडाव  झाला.  १५९३ पर्यंत हे ब्रह्मी वर्चस्व टिकले.    इ .स . १७६७  मध्ये  ब्रह्मी  लोकांनी  अयुथयावर  पुन्हा  आक्रमण  केले  आणि  अयुथयाची  जाळपोळ  करून  ते  ओळखता  येण्यापलिकडे    उद्ध्वस्त  केले . यानंतर  थोड्याच  काळामध्ये  ब्रह्मी  टोळ्यांना  हुसकावून    लावण्यात  आले . तरीसुद्धा  राजधानी  उद्ध्वस्त  स्थितीतच   होती  आणि  तिची  पुनर्बांधणी  हाती  घेण्यात  आली  नाही.

चक्री  राजघराणे

सन १७६७  मध्ये  म्यानमारच्या  सैन्याने  थायलंडवर आक्रमण  केले  आणि  थायलंडची  राजधानी  जाळून  टाकली. यानंतर  लष्कराचे  नेतृत्व  थाकसिन  या  सेनापतीकडे  आले  आणि  त्याने  राजधानीचे  शहर  चओ  फ्रया  नदीच्या  पश्चिमेकडे  आजच्या  बँकॉकजवळ  थोनबुरी  येथे  नेले . सेनापती  थाकसिन  नवा  राजा  झाला . परंतु  त्याची  राजवट  फार  काळ  टिकली  नाही . सन १७८२  मध्ये  चओ फ्रया  नगरामध्ये  चक्री  राजवंशाचा  उदय  झाला. चक्री  राजवंशाचे  पहिले  राजे  रामा  पहिले  हे  होते.

१७८२  मध्ये  थाकसिनला  पदच्युत     करून   रामा  (पहिले) सत्तेवर  आले . रामा  (पहिले ) यांनी  आपला  दरबार  आणि  राज्यकारभार  यांचे  केंद्र  चओ फ्रया  नदीच्या  दुस-या किना-यावर   बँकॉक येथे  हलविले      आणि  बँकॉक ही  आपल्या  राज्याची  नवी  राजधानी  केली . रामा  (पहिले) यांनीच  चक्री  राजघराण्याची  स्थापना  केली. रामा  (पहिले) यांस  बँकॉक शहर  शत्रूपासून  बचाव  करण्यास  सोयीस्कर  वाटले . कारण  चओ  फ्रया  नदी  ओलांडल्याशिवाय  बँकॉकवर  आक्रमण  करणे  शक्य  नव्हते.

याच  काळात बँकॉकमध्ये पुष्कळ  कालव्यांची  बांधकामे  सुरू  करण्यात  आली . या  कालव्यांना  त्या  काळी  'क्लॉंन्ग' असे  म्हटले  जाई  आणि  नवीन  शहरामध्ये  त्यांचा  उपयोग  वाहतुकीसाठी  केला  जात  असे . या  कालव्यांपैकी  काही  कालवे  आजही  अस्तित्वात  आहेत . या  कालव्यांमुळे  चओ  फ्रया  नदीच्या  पूर्वेकडील  कुठल्याही  भागामध्ये  जाणे  शक्य  होई . नंतर  थोनबुरीमध्ये   सुद्धा  क्लॉंन्ग खोदण्यात  आले . रामा  (पहिले) यांच्याच  काळामध्ये  ग्रँड  पॅलेस  आणि  वत  फ्रा मंदिर यांचे  बांधकाम  झाले . या  दोन्ही  बांधकामांवर  अयुथयाचा  मोठा  प्रभाव  आहे  आणि  राज्याच्या  सत्तेचे  केंद्रसुद्धा  येथेच  होते. 

प्रशासकीय  आणि  इतर  बांधकामांशिवाय  एकोणीसाव्या  शतकाच्या  मध्यापर्यंत  बँकॉकचा  स्थिर  गतीने  विकास  होत  राहिला . आज  बँकॉक जसे  देशाचे  एकमेव  महत्त्वाचे  केंद्र  आहे , तसे  होण्याकडे  बँकॉकने  लक्ष  दिले  नाही . कारण  उत्तर  थायलंडचा  कारभार  चियंग  माय  येथूनच  चालत  होता .

एकोणीसाव्या  शतकाच्या  उत्तरार्धामध्ये   बँकॉकमध्ये  बांधकामे  वाढली  आणि  लोकसंख्याही  वाढली . रामा  (चौथे) यांनी  मोठे  बांधकामांचे  प्रकल्प  हाती  घेतले . यांमध्ये  कालवे  तसेच  ब-याच  रस्त्यांचा  समावेश  होता . त्यांचे  उत्तराधिकारी  रामा  (पाचवे) यांनी  आधुनिकीकरणाची   प्रक्रिया  सुरू  केली . त्याचबरोबर  त्यांनी  न्यायव्यवस्था , आरोग्य  आणि  शिक्षण  यांमध्ये  सुद्धा  मोठ्या  प्रमाणामध्ये  गुंतवणूक  केली . याच  काळामध्ये  शेतजमिनींचे   निवासी  जमिनींमध्ये  रूपांतर  करण्यात  आले . त्याचबरोबर  पायाभूत  सुविधांवरील   वाढता  ताण  कमी  करण्यासाठी  बरेच  नवीन  रस्ते  बांधण्यात  आले . त्यासाठी  काही  कालवे  बुजविण्यातही आले .

दुसरे  महायुद्ध :

दुस-या  महायुद्धामध्ये  दोस्त  राष्ट्रांनी  बँकॉकवर  बॉम्बफेक    केली . या  बॉम्बफेकीमध्ये   उद्ध्वस्त  झालेल्या  इमारती  पुन्हा  बांधण्यात  आल्या  आणि  दुस-या  महायुद्धानंतरच्या दशकांमध्ये  बँकॉकची  झपाट्याने  वाढ  झाली.

व्हिएतनाम  युद्ध:

१९६०  मध्ये  व्हिएटनाम  युद्ध  सुरू  झाले  आणि   थायलंडमधॆल  इतर  ठिकाणांप्रमाणेच  बँकॉक हे  अमेरिकी  सैनिकांचे  आश्रयस्थान  होते . यातून  बँकॉकचा  एक  महत्त्वाचे करमणूक  केंद्र  म्हणून  उदय  झाला .

तेव्हापासून  बँकॉकची लोकसंख्या  फुगत  चालली  आहे . फ्लॅट्स   आणि  कार्यालये  असलेल्या  इमारती  मोठ्या  प्रमाणावर  बांधण्यात  आल्या  आहेत . येथील  रहिवाश्यांच्या  वाढत्या  संख्येमुळे  वाहतुकीमध्येही   प्रचंड  वाढ  झाली  आहे. ही  वाहतुकीमधील    वाढ  ही  या  महानगराची  गेल्या  कित्येक  वर्क्षांपासूनची   मोठी  समस्या  झाली  आहे . या  समस्येवर  मात  करण्यासाठी  शहराच्या  मध्यवर्ती  भागामध्ये  स्कायट्रेन   आणि  सबवे   अशा  ट्रेन  लाईन  सुरू  करण्यात  आल्या  आहेत  आणि  त्या  सतत  वाढवण्यात  येत  आहेत.

१९८०  आणि  १९९०  च्या  दशकांमध्ये  थायलंडच्या  अर्थव्यवस्थेमध्ये  मोठी  तेजी  आली . याचे  इंजिन  बँकॉकच  होते  आणि  या   कालखंडामध्ये  आधुनिक  बँकॉकचा  पाया  रचला  गेला  जो  पर्यटकांना  आकर्षित  करीत  आहे . ब-याच  नव्या  इमारती  बांधण्यात  आल्या  आहेत  ज्यांमध्ये  अलिशान  हॉटेलांचा  समावेश  होतो . १९९०  च्या  अखेरीस  आलेल्या  मंदीनंतर  पर्यटनव्यवसाय  पुन्हा  तेजीस  आला  आहे  आणि  याचा  फायदा  स्थानिक  लोक  आणि  पर्यटक  दोघांनासुद्धा  होत  आहे . 

रत्ने  आणि  जवाहिरांच्या  व्यापाराचे  मुख्य  केंद्र  बँकॉक

थायलंडमधील   रत्ने  आणि  जवाहिरांच्या  व्यापाराचे  मुख्य  केंद्र  बँकॉक  आहे . येथील  जेमॉपॉलीस  इंडस्ट्रिअल  इस्टेटमध्ये  जवाहिरांचे  उत्पादन  करणा-या  जागतिक  दर्जाच्या  ७०  संस्था  कार्यरत  आहेत . येथे  फेब्रुवारी   आणि  सप्टेंबरमध्ये  आंतरराष्ट्रीय  पातळीवरील  'बँकॉक जेम  अँड ज्वेलरी  फेअर ' भरविण्यात  येते.    

बॅंकॉक मधील भारत:

बॅंकॉक व त्याच्या आसपासच्या भागात भारतीय वंशाच्या लोकांची संख्या  ८०,००० ते १,००,००० पर्यंत आहे. यात मुख्यत:  गुजराती, पंजाबी, तामिळ लोकांचा समावेश होतो. 

२.      पर्यटन

 🌧️ हवामान 

बॅंकॉक चे हवामान उष्णकटिबंधीय मान्सून प्रकारचे  आहे.  बॅंकॉक जगातील सर्वाधिक उष्ण शहरांपैकी एक मानले जाते. विषुववृत्ताजवळ असल्यामुळे येथे हवा वर्षभर उष्ण आणि दमट  असते. रात्री तापमान फारसे कमी होत नाही, त्यामुळे शहरातील उष्णता सतत वाढत राहते.

एप्रिल ते मे हा कालावधी सर्वाधिक उष्ण असतो — या काळात तापमान साधारणतः २५° ते ३५° सेल्सियस दरम्यान असते.

मे ते ऑक्टोबर दरम्यान नैऋत्य मान्सून येतो. या काळात विजांच्या कडकडाटासह वादळी मुसळधार पाऊस  पडतो. या पावसामुळे शहराला उष्णतेपासून थोडा दिलासा मिळतो.

नोव्हेंबर ते फेब्रुवारी हा तुलनेने थंड आणि सुखद काळ असतो, आणि याच वेळी पर्यटकांची सर्वाधिक गर्दी होते.

(बॅंकॉकच्या हवामानासाठी tmd.go.th हे संकेतस्थळ पहावे)

✈️ विमानतळावरून शहरात:   

सुवर्णभूमी (Suvarnabhumi) विमानतळावरून शहराच्या मध्यभागी जाण्यासाठी सर्व रस्ते वाहतूक सेवा पहिल्या मजल्यावर (1st Floor) उपलब्ध आहेत.

एअरपोर्ट रेल लिंक (Airport Rail Link) —

सकाळी ६.०० ते मध्यरात्रपर्यंत चालते;

एक्सप्रेस लाईन फक्त १५ मिनिटांत शहरात पोहोचवते.

टॅक्सी —

मीटरवर आधारित असून, एक्सप्रेसवे टोल्स व्यतिरिक्त ५० बाथचा अतिरिक्त शुल्क भरावा लागतो.

एअरपोर्ट एक्सप्रेस बस —

(वेळ: सकाळी ५.०० ते मध्यरात्र)

ही बस शहरातील सिलॉम, सुखुमवित, खाओ सान रोड आणि हुआलामफोंग रेल्वे स्थानक या चार प्रमुख भागांत निश्चित मार्गावर धावते.

खर्च कमी असून, बजेट प्रवाशांसाठी हा सर्वोत्तम पर्याय आहे.

थोडा अधिक खर्च करण्यास हरकत नसेल, तर विमानतळ लिमोझिन सेवा (Airport Limousine Service) हा सर्वात सोयीचा आणि आरामदायी पर्याय आहे.

ही सेवा २४ तास उपलब्ध असून, आगमन विभागाच्या (२ऱ्या मजल्यावरील) काउंटरवर थेट बुक करता येते.

🚇 बँकॉकमधील प्रवास:  

बँकॉकमधील वाहतूक कुख्यात आहे!

विशेषतः सकाळी व संध्याकाळच्या रश अवरमध्ये रस्त्यावरील वाहतूक पूर्णपणे ठप्प होते.

त्या वेळी रस्त्याने प्रवास टाळून स्कायट्रेन (BTS) आणि भूमिगत रेल्वे (MRT) हे अधिक सोयीस्कर पर्याय आहेत.

हे दोन्ही रेल्वे जाळे सकाळी ६:३० ते मध्यरात्रपर्यंत चालते आणि शहरातील प्रमुख खरेदी, व्यावसायिक व मनोरंजन क्षेत्रांना एकमेकांशी जोडते.

पर्यटकांसाठी वन-डे पास (एक दिवसाचे BTS तिकीट) किंवा Stored Value Smart Card ही तिकिटे सोयीची व किफायतशीर ठरतात.

टॅक्सी शहरभर सहज उपलब्ध असतात. मात्र, प्रवास सुरू करण्यापूर्वी मीटर सुरू आहे याची खात्री करा.

पूर्वी बँकॉकचे प्रतीक मानले जाणारे टुक-टुक आता तुलनेने कमी दिसतात.

तरीही, एखाद्या रस्त्यावरून सहज बोलावता येतात — पण लक्षात ठेवा, उभे राहून वाहतुकीत अडथळा निर्माण होणार नाही याची काळजी घ्यावी.

नदीकाठचा प्रवास अनुभवायचा असल्यास नदी फेरी (Chao Phraya River Ferry) किंवा एक्सप्रेस बोट्स (वेळ: सकाळी ६.०० ते सायंकाळी ८.००) उत्तम पर्याय आहेत.

प्रवासाची सुरुवात साथॉर्न घाटावरून (Sathorn Pier) करा — हे BTS साफीअन ताक्सिन (Saphan Taksin) स्थानकाजवळ आहे — आणि इच्छेनुसार कोणत्याही घाटावर उतरू शकता.

📘 टीप:

ही माहिती bangkok.com आणि tourismthailand.org यांच्या सध्याच्या मार्गदर्शनावर आधारित आहे.

वेळापत्रक व दर बदलू शकतात, त्यामुळे प्रवासापूर्वी ताजे वेळापत्रक तपासणे योग्य राहील.

प्रमुख विभाग/रस्ते

१,५०० चौकिमी क्षेत्रफळ असलेल्या बृहद् बँकॉक महानगराची गणना मोठ्या शहरांमध्ये होते.  शहराची एक कोटीच्या वर असणारी लोकसंख्या, ३०,००० पेक्षा जास्त टॅक्सीज , अशा अवाढव्य विस्तारामुळे प्रथम येणारा पर्यटक खरोखर भांबावून जातो. त्यामुळे या शहराची चांगली माहिती करून घेणे आवश्यक आहे. या शहराचे प्रमुख विभाग/रस्ते खाली दिले आहेत. 

बँकॉकमधील बुद्धमंदिरे

बँकॉकमध्ये एकूण ४०० बुद्धमंदिरे आहेत.  

Chinatown (चायना टाउन):

मार्केट स्टॉल्स, रस्त्याच्या कडेने असणारी रेस्तराँ, मंदिरे, चिनी औषधांची दुकाने आणि बहुधा शहरात सर्वांत जास्त संख्येने असणारी सोन्याची दुकाने, यांनी भरलेले चायना टाऊन अवश्य भेट देण्यासारखे आहे. सूर्यास्तानंतर हा संपूर्ण पट्टा खाद्यपदार्थांचे स्टॉल्स आणि खवय्ये यांनी गजबजून जातो. येथील अगणित लाकडी शॉप हाऊसेस म्हणजे ऊर्जेचा अखंड स्रोत आहे. चिनी नववर्ष किंवा ऑक्टोबरमधील वार्षिक शाकाहारी उत्सवाच्या वेळी भेट दिली तर तुम्हाला येथील उत्साह अगदी शिगेला पोहचल्याचे दिसेल. 

Khao San and old city (खाव सान आणि ओल्ड सिटी)

जुने शहर किंवा रत्तनकोसिन भागामध्ये बँकॉकची ऐतिहासिक आणि पवित्र स्थळे आहेत. यांमध्ये ग्रँड पॅलेस, वत फ्रा कॅव आणि वत फो यांचा समावेश होतो. येथे एक दोन दिवस घालवल्यानंतर थायलंडच्या समृद्ध इतिहासाची आणि थाई लोकांच्या मानसिकतेची जाण वाढते. खाव सान हा जुन्या शहराचा भाग असणारा ५०० मीटर लांबीचा पट्टा आहे. येथे माफक दरातील गेस्ट हाऊसेस, इंटरनेट कॅफे, बार्स, क्लब्स, रेस्तराँ, मसाज पार्लर्स, ट्रॅव्हल एजंट्स, पुस्तकांची दुकाने, मार्केट स्टॉल्स, टॅटू करून देणारे, अशा सर्वांची गर्दी आढळेल. बॅकपॅकर्सचा हा आवडता भाग आहे.

Little India (लिट्ल इंडिया):

Phahurat Road, Phra Nakhon, Bangkok 10200);Nearest MRT स्टेशन: Hua Lamphong

फहुरात मार्केट (Phahurat) म्हणून भाग भाग लिट्ल इंडिया म्हणून ओळखला जातो. येथे भारतीय कपड्यांची दुकाने, मसाले आणि भारतात मिळणाऱ्या जवळपास सर्व वस्तू मिळतील.  तुम्ही भारतातून येताना काही आणायचे विसरला असाल तर काळजी नको. येथे तुम्हाला त्या वस्तू नक्कीच मिळतील. येथे एक गुरुद्वारा आहे जो तुम्हाला दुरूनच त्याच्या सोनेरी घुमटावरून ओळखायला येईल. येथील रॉयल इंडिया, टोनीज रेस्तरॉं आणि इतर रेस्तरॉंमध्ये भारतीय जेवणाचा आस्वाद घेता येईल.

River side (रिव्हरसाइड)

बँकॉकच्या रिव्हरसाइड किंवा नदीकाठच्या भागामध्ये बँकॉकच्या इतिहासाची पाळेमुळे घट्ट रोवली आहेत. येथेच कित्येक राज्यांचा उदय झाला आणि अस्तही झाला. या भागामध्ये इतिहासाची साक्ष देणा-या झगमगत्या महालांचे आणि राजवाड्यांचे दर्शन होते. त्याचप्रमाणे बँकॉकच्या आधुनिकतेचे दर्शन घडवणा-या पंचतारांकित अलिशान हॉटेल्सच्या गगनचुंबी इमारती दिसतात. नदीमधून प्रवाश्यांची नेआण करणा-या वॉटर टॅक्सीज, तांदळाच्या पोत्यांनी भरलेले पडाव येजा करताना दिसतात. सतत उभ्या राहणा-या कंडोमिनिअम आणि कार्यालयीन इमारतींमधूनसुद्धा या भागाने आपली पारंपरिक अस्मिता टिकवून ठेवली आहे. त्यामुळे या भागाची जादू कधी न संपणारी आहे. 

Siam (सयाम):-
हा भाग बँकॉकमधील खरेदीच्या दृष्टीने महत्त्वाचा आहे.   MBK सेंटर, सयाम डिस्कव्हरी सेंटर, सयाम सेंटर आणि सयाम पॅरागॉन अशी महत्त्वाची शॉपिंग सेंटर्स या भागामध्ये आहेत. नुसत्या सयाम स्क्वेअरमध्येच विविध प्रकारच्या वस्तू आणि सेवा यांची दुकाने, रेस्तराँ, कॅफे, डिझायनर कपड्यांची बुटिक्स, रेकॉर्ड स्टोअर्स, चित्रपटगृहे, पुस्तकांची दुकाने, हार्ड रॉक कॅफे, हॉटेल्स आणि बँका भरपूर आहेत.

Silom (सिलोम):

सिलोमचा अर्थ पवचक्की. हा भाग पूर्वी ओसाड आणि दलदलीने भरलेला होता. येथे एक बंद पडलेली उंच पवनचक्की होती. हाच भाग पुढे विकसित होऊन न्यूयॉर्क येथील वॉल स्ट्रीटच्या बरोबरीचा होईल असे तेव्हा कोणाला वाटलेही नसेल.सिलोममध्ये बहुतेक बँकांची मुख्यालये, आर्थिक संस्था आणि निरनिराळी कार्यालये आहेत. त्यामुळे सिलोम हा महत्त्वाच्या आर्थिक जिल्ह्यांपैकी एक आहे.  येथे हॉटेल्स, छोटे मॉल्स, रेस्तराँ पुष्कळ आहेत. येथील पॅटपाँग (Patpong) भाग मात्र तेथील निशाजीवनामुळे बदनाम आहे.

Sukhumvit Road (सुखुमवित रोड):- 

हा थायलंडमधील सर्वांत मोठा रस्ता आहे. तरीसुद्धा हा रस्ता आणि याचे उपरस्ते यांमध्ये प्रेक्षणीय स्थळांच्या दृष्टीने काही नाही. परंतु येथे खरेदी, खाणे-पिणे आणि निशाजीवन हवे असणा-यांसाठी भरपूर काही आहे. या रस्त्याच्या कानाकोप-यावर थाईपणा जाणवत असला तरी येथील अत्याधुनिक रेस्तराँ, बार्स, वातानुकूलित मॉल्स, लक्झरी हॉटेल्स आणि हिप क्लब्स या सर्वांचा कॉस्मॉपॉलिटन परिणाम जाणवतो.  वेश्याव्यवसायामुळे बदनाम असणा-या वस्तीसुद्धा या रस्त्याला आहेत. उन्नत स्कायट्रेन (BTS) मुळे कुठल्याही भागात जाणे सोपे आहे.

प्रेक्षणीय स्थळे:

Floating Market, Bangkok फ्लोटिंग मार्केट , Damnoen Saduak 

हे येथील पहिले फ्लोटिंग मार्केट आहे.. त्यामुळे येथे पर्यटकांची वर्दळ भरपूर असते. येथे तुम्हाला शेकडो होड्या हाताने वल्ही मारत तरंगताना दिसतील.  या होड्या ताजी फळे, भाज्या, फुले अशा विविध वस्तूंनी खच्चून भरलेल्या असतात. नूड्ल्स, सीफूड्स सहित विविध खाद्यपदार्थसुद्धा मिळू शकतात. हे पदार्थ गि-हाईकास गरमागरम देता यावेत, म्हणून होडीतच कोळशाचे ग्रिलसुद्धा ठेवलेले असतात. 

Gems Gallery जेम्स गॅलरी, बँकॉक            

बँकॉकमधील जेम्स गॅलरी १.८ एकर  (७,२००  चौ. किमी ) जागेवर  बांधण्यात  आली  असून  ती  १९८७  साली  सुरू  करण्यात  आली. या गॅलरीमध्ये  ७००हून  अधिक  बहुभाषिक  कर्मचारी  आहेत. गि-हाइकांना  उत्पादनांची  माहिती  देणा-या  स्लाइड  मल्टिव्हिजन  शोची  सुरुवात  प्रथम  या  गॅलरीमध्ये  करण्यात  आली.

Grand Palace (ग्रँड   पॅलेस):

वत फ्रा कॅव ला लागूनच आणखी एक मोठा वास्तुसमूह आहे आणि तो म्हणजे ग्रँड   पॅलेस. वत फ्रा कॅव आणि ग्रँड   पॅलेस एका समाईक कंपाऊंडमध्ये असून वत फ्रा कॅवमधून तुम्ही बाहेर पडला की तुम्ही ग्रँड   पॅलेस पाशी पोहोचता. दोन्ही वास्तू एकमेकांच्या जवळ असूनसुद्धा त्यांच्या स्थापत्यशैली पूर्णपणे वेगळ्या आहेत.           

राजघराण्याचे  मूळ  निवासस्थान  असणारा  ग्रँड पॅलेस  १८७२  साली  मंदिर  म्हणून  बांधण्यात  आला. ग्रँड   पॅलेसमध्ये  १९४६  सालापर्यंत  राजघराण्याचे  वास्तव्य  होते . आज  या  सुंदर  वास्तू  मुख्यत:   विविध  समारंभांसाठी वापरण्यात  येतात.

बरोम  फिमान  पॅलेस:- वत  फ्रा  कॅवमधून  मधून  बाहेर  पडल्यावर  डाव्या  बाजूस  आणखी  एक  वस्तू  आहे . तिचे  नाव  आहे , बरोम  फिमान  पॅलेस . या  वास्तूमध्ये  १९४६  साली  थायलंडच्या  इतिहासामधील  महत्त्वाची   दुर्घटना  घडली . या  वास्तूमध्ये  राजा  आनंद  ( रामा  आठवा ) यांची  गूढ  परिस्थितीमध्ये  हत्त्या  झाली . या  दुर्घटनेनंतर  राजे  भूमिबोल (आठवे) यांनी  बँकॉकमधील   चित्रलदा  पॅलेस या  दुस-या  ठिकाणी  राहण्याचा  निर्णय  घेतला.

फ्रा  महा  माँतिएन:- बरोम  फिमान  पॅलेसच्या  उजव्या  बाजूला  फ्रा महा  माँतिएन हा  आणखी  एक  वास्तुसमूह   आहे. माँतिएनचा  अर्थ  राजघराण्यातील  व्यक्तींचे  निवासस्थान. येथे  पूर्वी  राजाचे  वास्तव्य  असे . येथे  एक  मोठे  प्रेक्षागृहसुद्धा  आहे. येथे  राज्याभिषेकसमारंभ   करण्यात  येतो. वास्तूच्या    बाहेर  एक  पॅव्हिलिअन  आहे . या  पॅव्हिलिअनमध्ये  हत्तीवरून  राजाचे  आगमन  होते. या  वास्तूमध्ये  जाऊन  राजा  आपली  वस्त्रे  बदलतो  आणि  जवळच  असणा-या  प्रेक्षागृहामध्ये  चालत  येतो.

चक्री  थ्रोन  रूम:- उजवीकडे  असणारी  दुसरी  मोठी  वास्तू  म्हणजे  चक्री  थ्रोन  रूम  ही  होय . ही  वास्तू  रामा  (पाचवा) याने  १८८२  साली  बांधली . या  वास्तूचे  वैशिष्ट्य  म्हणजे  ही  निओक्लासिकल  युरोपिअन  पद्धतीने  बांधलेली  आहे. निओक्लासिसिझम   ही  युरोपमध्ये  १८ -१९ व्या  शतकामध्ये  उदयास  आलेली चळवळ  होती. या  चळवळीमध्ये  कला , साहित्य , रंगभूमी , संगीत  आणि  शिल्पकला  यांमध्ये  प्राचीन  ग्रीस  आणि  रोम  यांच्या  कला  आणि  संस्कृतींचे   पुनरुज्जीवन  झाले. असे  असूनसुद्धा  या  वास्तूचे  छत  थाई  पद्धतीचे  आहे. या  वास्तूचा   विशारद  जॉन  क्लुनिक  हा  इंग्लंडचा  होता . किंग  रामा  शिक्षणासाठी  युरोपमध्ये  होते . त्यामुळे  तेथील , विशेषत: लंडनमधील  वास्तूंचा , तेथील  विकासाचा  त्यांच्यावर  फार  प्रभाव  पडला. त्यामुळे  त्यांनी  चक्री  थ्रोन  रुमच्या  रचनेसाठी  युरोपिअन  शैलीची  निवड  केली. या  वास्तूची  रचना  बकिंगहॅम  पॅलेससारखी  आहे . बाहेरील  बाजूस  तर  त्या  काळातील  लंडनच्या  रस्त्यांवरील  दिव्यांसारखे  दिवेसुद्धा  तुम्हाला  दिसतील. चक्री थ्रोन  अतिशय  उंची  सामानाने  सजविली  आहे.

डसिट   थ्रोन  रूम:-चक्री  थ्रोन  रुमच्या  उजवीकडे  असणारी  शेवटची  वस्तू  म्हणजे  डसिट   थ्रोन  रूम  ही  होय . ही  वस्तू  किंग  रामा  (पहिले ) यांनी  १७८४  ते  १७९०  सालांमध्ये  बांधली. ही  वस्तू  म्हणजे  अयुथया  मधील  एका  प्रसिद्ध  वस्तूची  प्रतिकृती  आहे. वस्तूच्या  वरील  भागावर  सुंदर  आणि  लक्ष  वेधून  घेणारा  स्पायर  आहे . आतील  बाजूस  किंग  रामा  (पहिले ) यांचे  सागाचे  लाकूड  आणि   शिंपले  यांपासून  बनविलेले  सिंहासन  आहे.

Jim Thompson House जिम थॉम्सन्स हाऊस, सयाम - थाई रेशीमकामाची कला मृत्युपंथाला लागली असताना जिम थॉम्सनने या कलेच्या पुनरुज्जीवनासाठी तीस वर्षे मेहनत घेतली. त्याच्या मेहनतीचे फळ म्हणून या उद्योगाने उभारी धरली. जिम थॉम्सन पुढे रहस्यमय रीतीने मलेशियातील जंगलात नाहीसा झाला. त्याने केलेला संग्रह जिम थॉम्सन्स हाऊसमध्ये पाहावयास मिळतो. जिम थॉम्सन्स हाऊस हे सागाच्या थाई पद्धतीच्या सहा घरांचे संकुल आहे. यामध्ये थाई कलाकुसरीच्या वस्तू पाहावयास मिळतात. 

Safari World (सफारी वर्ल्ड)

शहरातील अरण्य

संकेतस्थळ	:	http://safariworld.com
कुठे आहे	:	99, Ramindra 1 Road, Bangkok 10510

बँकॉकच्या उत्तरेकडे अर्धा ते पाऊण तास  ड्राइव्हच्या अंतरावर    मिन बुरी जिल्ह्यामध्ये सफारी वर्ल्ड हे विशाल एंटर्टेन्मेंट पार्क आहे. बँकॉकसारख्या गजबजलेल्या शहरामध्ये असे हिरवाईने   नटलेले पार्क म्हणजे एक आश्चर्य आहे. हा पार्क सफारी वर्ल्ड पब्लिक कंपनी लिमिटेड या कंपनीच्या मालकीचा असून या पार्कचे आणखी एक वैशिष्ट्य म्हणजे स्टॉक एक्स्चेंजवर नोंदणी झालेले हे एकमेव एंटर्टेन्मेंट पार्क आहे..  

हा पार्क ड्राइव्ह करून किंवा बसमधून पाहता येतो. संकुलाच्यासुद्धा बसेस आहेत. पार्क पाहण्यासाठी परदेशी प्रौढ नागरिकास ९०० बाथ तर लहान मुलांस ६०० बाथ एवढे शुल्क आहे.

सफारी पार्क

सफारी पार्कचे  क्षेत्रफळ ४८० एकर आहे. त्याची लांबी ८ किमी आहे. हा पार्क म्हणजे खुले प्राणिसंग्रहालय असून येथे प्राण्यांना मोकळे ठेवले आहे. येथे जगभरातील अक्षरश: शेकडो प्रकारचे प्राणी आणि पक्षी पाहावयास मिळतील. येथे तुम्हाला आफ्रिकेमधील जंगलात गेल्याचा अनुभव येईल.

मरीन पार्क

मरीन पार्कचे क्षेत्रफळ १८० एकर आहे.  मरीन पार्कमध्ये निरनिराळे भूचर तसेच जलचर प्राणी तसेच पक्षी पाहावयास मिळतात. मरण पार्कमध्ये निरनिराळे शोज पाहावयास मिळतात. या शोजसाठी वेगवेगळी थिएटर्स आहेत  आणि प्रत्येकासाठी वेगळे तिकीट आहे. यांपैकी काही शोजची थोडक्यात माहिती दिली आहे.          

स्टंट     शो

स्पाय वॉर ऍक्शन स्टंट  शो  आणि हॉलीवूड काऊबॉय स्टंट शो हे दोन मुख्य स्टंट शो आहेत. स्पाय वॉर ऍक्शन स्टंट  शोमध्ये बॉण्डपटात पाहावयास मिळणारी साहसे तुम्हाला पाहावयास मिळतील. हॉलीवूड काऊबॉय स्टंट शोमध्ये  हॉलीवूडच्या चित्रपटांतील  काऊबॉइजच्या करामती पाहावयास मिळतील. हे काऊबॉइज घोडदौड करतात, बँका लुटतात, तुफान गोळीबार करतात , खून पाडतात, चाबकांचे फटके  मारतात. 

हे स्टंट     शो  लुटुपुटीचे असले तरी खरे वाटावे असेच असते. तुम्हाला श्वास रोखून धरावयाला लावणारे आहेत.             

प्राण्यांचे शो         

प्राण्यांच्या शो मध्ये डॉल्फिन शो , बर्ड शो,  ओरांग उटान बॉक्सिंग शो,  सी लायन शो,  एलिफंट शो वगैरे शो आहेत. या शोमध्ये प्रशिक्षक प्राण्यांकडून निरनिराळ्या करामती करवून घेतात.  

राइड्स

राइड्समध्ये जंगल क्रुझ रिव्हर  आणि वॉटर फ्लूम या राइड्स आहेत. जंगल क्रुझ रिव्हर राइडमध्ये एका कालव्यासारख्या पाण्याच्या प्रवाहामधून तुमची होडी दाट जंगलातून नेली आहे जेणेकरून तुम्हाला जंगलाचे प्रत्यक्ष दर्शन घडते.        

एग्ज वर्ल्ड

या विभागामध्ये अंडी देणारे प्राणी आणि पक्षी , अंडी उबविण्याच्या विविध अवस्था यांविषयी शास्त्रशुद्ध माहिती पोस्टर्स, स्लाइड्स, व्हिडिओ यांच्या द्वारे देण्यात आली आहे.  

पर्यटकांसाठी टिप्स

हे मोठे पार्क व्यवस्थित पाहावयाचे असेल तर पूर्ण एक दिवस देणे जरुरीचे आहे. यांतील दिवसाचा पहिला अर्धा दिवस सफारी पार्क पाहण्यासाठी तर दुसरा अर्धा दिवस मरीन पार्क पाहण्यासाठी ठेवावा. पार्क पाहण्यास सकाळी लवकर सुरुवात करावी म्हणजे उन्हाचा त्रास होणार नाही.   

Shri Mahamariamman temple (श्री महामरिअम्मा टेंपल):

सिलोम  परिसरात (चायना टाऊनजवळच) प्रसिद्ध  श्री महामरिअम्मा टेंपल आहे. दक्षिणेतून स्थलांतरित झालेल्या भारतीयांनी १८७९ मध्ये हे मंदिर बांधले.    दक्षिण भारतीय स्थापत्यशैलीतील हे मंदिर स्थानिक थाय लोकांनाही आवडते. आपल्याकडे रोगराईशी संबंधित असणारी मरीआई देवी दक्षिण भारतात पाऊस आणणारी आणि संततीची देवी म्हणून ओळखली जाते.  मंदिरात मरीअम्मा देवीच्या मुख्य मूर्तीशिवाय गणेश, शिव, मुरुगन यांच्याही मूर्ती आहेत. थाईपुसम या दक्षिण भारतीय सणाच्या वेळी (जानेवारी-फेब्रुवारी) येथे मोठा उत्सव असतो. 

Vimanmek Mansion 

विमानमेक  मॅन्शन, ओल्ड सिटी

या प्रासादामध्ये पूर्वी रामा पाचवा या राजाचे वास्तव्य होते. हा प्रासाद म्हणजे स्थापत्यकलेतील आश्चर्य आहे. हा संपूर्ण प्रासाद सोनेरी सागाच्या लाकडापासून एकाही खिळ्याचा वापर न करता बनवली आहे. प्रासादाचा अंतर्भाग म्युझिअमसारखा आहे. येथील काही दालनांमधून सक्त देखरेखीखाली तुम्ही फिरू शकता. येथे तुम्हाला रतनकोसिन कालखंडातील काही दुर्मिळ वस्तू आणि फर्निचर पाहावयास मिळतील. या सा-या वस्तू दिवंगत राजाच्या मालकीच्या आहेत.

Wat Fra Kaew/ Emerald Buddha (वत फ्रा कॅवमधील एमरल्ड बुद्धा)  

अखंड पाचूमधून घडविलेली बुद्धमूर्ती

मंदिर पाहण्याची वेळ	:	सकाळी ८.३०  ते दुपारी  ३.३०
कुठे आहे	:	Na Phralan, Phra Nakorn (inside Grand Palace complex), Old City (Rattanakosin)
प्रवेशमूल्य	:	नाही

ग्रँड  पॅलेसमधील वत फ्रा कॅव या बुद्धमंदिरामध्ये एमरल्ड बुद्धा हे आणखी एक आश्चर्य तुम्हाला पाहावयास मिळेल. आतापर्यंत अवाढव्य बुद्धमूर्ती पाहून झाल्यावर तुम्हाला अगदी लहान बुद्धमूर्ती पाहावयाची आहे. या बुद्धमूर्तीची उंची फक्त ६६ सेमी असून ती अखंड रत्नामधून कोरली आहे. उत्तर थायलंडमधील लाना शैलीतील ही बुद्धांची ध्यानस्थ बैठी मूर्ती आहे. ही मूर्ती सात थर असलेल्या उंच चौथ-यावर ठेवली आहे. या मूर्तीजवळ जाण्यास केवळ थायलंडच्या राजासच परवानगी असून उन्हाळा, पावसाळा आणि हिवाळा अशा प्रत्येक ऋतूसाठी तो मूर्तीस वेगळी वस्त्रे चढवितो.                       

या मूर्तीची कथा अशी आहे - १४३४ साली उत्तर थायलंडमधील चिअंग राय या प्रांतामधील एका चेदीवर वीज पडली.  या वेळेस मंदिराच्या पुजा-याच्या लक्षात आले की प्लॅस्टरने मढविलेल्या एका बुद्धमूर्तीच्या नाकावरील प्लॅस्टरचा तुकडा उडाला आहे आणि आतील मूर्तीचा हिरवा रंग दिसून येत आहे. मूर्तीवरील प्लॅस्टर काढल्यावर लक्षात आले की ही मूर्ती अखंड पाचूमधून घडविली आहे . नंतर ही मूर्ती Lampang , चिअंग माय, लाओसमधील Vientiane  आणि थोनबुरी मधील वत अरुण असा प्रवास करीत येथे आली.          

Wat Pho/Reclining Buddha

पहुडलेल्या स्थितीतील अवाढव्य बुद्धमूर्ती  

वत फो मधील रिक्लाइनिंग बुद्धा

मंदिर पाहण्याची वेळ	:	सकाळी ८.०० ते संध्याकाळी ५.००
कुठे आहे	:	महारत (Maharat) रोडवर, नदीच्या जवळ ग्रँड  पॅलेसच्या दक्षिणेस अर्धा मैल अंतरावर, जुने शहर रत्तनकोसिन (Rattanakosin) येथे.
प्रवेशमूल्य	:	THB १००

वत फो हे बँकॉकमधील सर्वांत मोठ्या आणि सर्वांत जुन्या बुद्धमंदिरांपैकी एक आहे. याचे क्षेत्रफळ ५० राय (८०,००० चौ. किमी) असून  येथे हजाराहून अधिक बुद्धमूर्ती आहेत.येथील रिक्लाइनिंग बुद्धा म्हणून ओळखली जाणारी बुद्धमूर्ती सर्वांत जुन्या बुद्धमूर्तींपैकी एक आहे. या मूर्तीची लांबी १६० फूट आहे. वत फो कॉम्प्लेक्सचे Soi Chetuphon द्वारे दोन भाग उत्तर आणि दक्षिण असे दोन भाग केले आहेत. उत्तरेकडील भागामध्ये रिक्लाइनिंग बुद्धा आणि एक मसाज स्कूल आहे. दक्षिणेकडील भागामध्ये Tugkawee हा बौद्ध मठ आहे. येथे बौद्ध भिक्खूंसाठी राहण्याची सोय तसेच एक शाळा आहे.

मंदिराबाहेर ९१ चेदी, ४ विहार आणि एक बोत आहे. लहान आकाराच्या ७१ चेदींमध्ये राजघराण्यातील व्यक्तींची रक्षा ठेवण्यात आली आहे.  चार चेदी चक्री घराण्यातील राजांसाठी समर्पित आहेत. मंदिरास एकूण सोळा प्रवेशद्वारे आहेत.  या द्वारांजवळ द्वारपाल म्हणून चिनी राक्षसांच्या दगडी मूर्ती आहेत. या मूर्ती चीनबरोबर व्यापारात वापरल्या जाणा-या जहाजांमधून ballast म्हणून आणण्यात आल्या होत्या.

किंग रामा (पाचवे) यांनी एकूण १,२०० बुद्धमूर्ती आणल्या होत्या. त्यांपैकी ४०० बुद्धमूर्ती बाहेरील मठामध्ये आहेत.  शिल्पकलेच्या दृष्टीने या मूर्ती निरनिराळ्या शैलीच्या असून निरनिराळ्या पद्धतीने आसनस्थ आहेत. तरीसुद्धा त्या एकसारख्या सोनेरी बैठकांवर बसविल्या आहेत. मुख्य मंदिर संगमरवरी चौथ-यावर आहे. या मंदिराच्या प्रवेशद्वारापाशी सिंहांच्या मूर्ती बसविल्या आहेत.  बाहेरील balustrade  मध्ये रामाकिन मधील १५० प्रसंगां ची चित्रे रंगविली आहेत. 

रिक्लाइनिंग बुद्धाची मूर्ती १५ मीटर   उंच आणि ४३ मीटर लांब आहे. ही मूर्ती कुशीवर पहुडलेल्याअवस्थेत असून उजवा हात  आधार देण्यासाठी म्हणून मस्तकाखाली आहे. मूर्तीच्या डोक्यावर दाट कुरळे केस असून डोक्याखाली निळ्या रंगाच्या दोन चौकोनी उशा असून त्या काचेच्या मोझॅक्सनी सजविल्या आहेत. मूर्तीच्या पावलांची उंची ३ मीटर असून लांबी ४.५ मीटर आहे व ही पावले शिंपल्यांनी मढविली  आहेत. त्यांचे १०८ भाग करण्यात आले असून त्यांवर फुले, नर्तकी, पांढरे हत्ती, वाघ, यज्ञाची सामग्री अशी शुभचिन्हे काढली आहेत.  मूर्तीच्यावर थायलंडचा अधिकार दर्शविणारी सात थरांची छत्री आहे.   

येथेच भगवान बुद्धांच्या १०८ सद्गुणांचे प्रतीक म्हणून १०८ ब्रॉंन्झच्या वाट्या ठेवल्या आहेत.  आपले भाग्य उजळण्यासाठी म्हणून तसेच वत चालविणा-या बौद्ध भिक्खूंस मदत म्हणून लोक या वाट्यांमध्ये नाणी टाकतात. 

रिक्लाइनिंग बुद्धा किंवा पहुडलेल्या स्थितीमधील बुद्धांच्या मुद्रेचा अर्थ

भगवान बुद्धांच्या पहुडलेल्या स्थितीमधील दोन मुद्रा आहेत. एका मुद्रेमध्ये बुद्धांचा उजवा हात मस्तकास आधार देण्याच्या स्थितीमध्ये आहे. याचा अर्थ बुद्ध विश्रांती घेत आहेत. यामागील कथा अशी आहे की असुरिंदराहू नावाचा राक्षस बुद्धांच्या दर्शनास आला. परंतु बुद्धांसमोर नतमस्तक होण्याची त्याची तयारी नव्हती. या वेळेस बुद्ध विश्रांती घेत होते. बुद्धांकडे पाहता पाहता असुरिंदराहूस ते अवाढव्य भासू लागले आणि बुद्धांच्या ठिकाणी त्यास अखिल ब्रह्मांडाचे दर्शन झाले. असुरिंदराहूस बुद्धांची योग्यता कळली आणि  तो बुद्धांपुढे नतमस्तक झाला. या कारणामुळेच या मुद्रेतील बुद्धमूर्ती अवाढव्य असतात. 

बुद्धांचा हात मस्तकाखाली नसून बाजूस असेल तर ती बुद्धमूर्ती बुद्धांच्या निर्वाणस्थितीचे प्रतीक आहे. आपल्या निर्वाणस्थितीमध्ये बुद्धांनी शिष्यांना उपदेश केला. त्यामुळे बौद्ध दर्शनांमध्ये ही मुद्रा महत्त्वाची मानली आहे.  

प्रत्यक्षात या दोन्ही मुद्रांमध्ये फारसा फरक केला जात नाही. बुद्धांची पहुडलेल्या स्थितीतील मुद्रा सामान्यत: त्यांच्या निर्वाणस्थितीमधील मुद्राच मानली जाते.    

Wat Arun वत अरुण किंवा द टेंपल ऑफ डॉन (रिव्हरसाइड)

या मंदिराचे बांधकाम रामा दुसरा याने एकोणीसाव्या शतकाच्या पूर्वार्धात केले, मंदिराचे बांधकाम प्राचीन ख्मेर पद्धतीचे आहे. मंदिरातील स्तूप किंवा प्रांगवर ग्लेझ्ड पोर्सिलेनचे आवरण असून फुलांचे सुंदर नक्षीकाम आहे. अयुथयाच्या पतनानंतर रतनकोसिन कालखंड सुरू झाला, त्याचेही वत अरुण प्रतीक आहे. मंदिराचे नाव वत अरुण किंवा टेंपल ऑफ डॉन असले तरी ते संध्याकाळी जास्त सुंदर दिसते. 

Wat Traimit

जगातील सर्वांत मोठी सोन्याची बुद्धमूर्ती

वत त्रैमितमधील गोल्डन बुद्धा

मंदिर पाहण्याची वेळ	:	सकाळी ९.०० ते संध्याकाळी ५.००
कुठे आहे	:	त्रैमित (Traimit) रोडवर,  हुआ लंपॉंन्ग (Hua Lampong)  स्टेशनच्या पश्चिमेस,  चायना टाऊनच्या अगदी सुरुवातीस
प्रवेशमूल्य	:	THB १००

वत त्रैमित हे मंदिर येथील सोन्याच्या बुद्धमूर्तीसाठी प्रसिद्ध आहे. ही बुद्धमूर्ती भरीव असून तिची उंची ३ मीटर तर वजन ५.५ टन आहे. या मूर्तीची अंदाजे किंमत ३०० दशलक्ष अमेरिकन डॉलर्स एवढी भरेल. 

ही मूर्ती ७०० वर्षे जुनी असून तिचे घडण सुखोथाई काळातील असावे. या मूर्तीचे अंशत: घडण भारतामध्येसुद्धा झाले असावे. चौदाव्या शतकाच्या सुरुवातीस सुखोथाई राजवटीचा प्रभाव ओसरून अयुथयाचा प्रभाव वाढू लागला. त्या वेळेस ही मूर्ती सन १४०३ च्या आसपास अयुथयाला आणण्यात आली. ब्रह्मी आक्रमकांपासून बचाव होण्यासाठी सन १७६७ च्या सुमारास ही मूर्ती प्लॅस्टर चढवून झाकण्यात आली.  त्यानंतर ही मूर्ती कुणाच्याही लक्षात न येता अयुथयाच्या अवशेषांमध्ये पडून होती.

१८०१ साली रामा पहिले यांनी बँकॉक येथे राजधानी वसविली आणि बँकॉकमध्ये ब-याच बुद्धमंदिरांच्या बांधकामास सुरुवात झाली. त्यावेळी ही मूर्ती बँकॉकमध्ये आणण्यात आली. १९५४ साली ही मूर्ती एका ठिकाणाहून दुस-या ठिकाणी नेण्यासाठी दोरांनी उचलली जात असताना या मूर्तीवरील प्लॅस्टरचा तुकडा उडाला  आणि या वेळेस ही मूर्ती सोन्याची असल्याचे कळले. या मूर्तीचे आणखी एक वैशिष्ट्य म्हणजे ही नऊ भागांमध्ये बनविण्यात आली असून हे भाग एकमेकांना जोडले आहेत. हे भाग जोडण्यासाठी एक चावी असून या मूर्तीवरील प्लॅस्टर काढण्यात आले तेव्हा ही चावीसुद्धा सापडली.   

१४  फेब्रुवारी २०१०  रोजी वत त्रैमित मधील 'फ्रा महा मोंडोप' नावाची नवीन वास्तू लोकांसाठी खुली करण्यात आली. ही वस्तू तीन मजली असून तिच्या तिस-या मजल्यावर या सुवर्ण बुद्ध मूर्तीची प्रतिष्ठापना करण्यात आली. या वास्तूच्या पहिल्या मजल्यावर 'यओवरत चायना टाऊन  हेरिटेज सेंटर' असून येथे थायलंडमध्ये स्थलांतरित झालेल्या चिनी लोकांच्या   संस्कृतीविषयी माहिती मिळते. दुस-या मजल्यावर सुवर्ण बुद्धमूर्तीच्या उगमाविषयी माहिती देणारे प्रदर्शन आहे.

प्रवासानुभव:

नमुना प्रवासकार्यक्रम:

बॅंकॉकचा ४ दिवसांचा प्रवास कार्यक्रम:

🩵 दिवस १– ऐतिहासिक आणि सांस्कृतिक बँकॉक

(Rattanakosin Island परिसर)

🚆 सर्वात जवळचे BTS स्टेशन: Saphan Taksin → River Ferry → Tha Chang Pier

ठिकाणे:

1. Grand Palace (राजवाडा) – बँकॉकचे मुख्य आकर्षण

2. Wat Phra Kaew (एमराल्ड बुद्ध मंदिर) – राजवाड्यातील प्रसिद्ध मंदिर

3. Wat Pho (शयनस्थ बुद्धमूर्तीचे मंदिर) – प्रसिद्ध Reclining Buddha

4. Wat Arun (डॉन मंदिर) – नदीपलीकडील अप्रतिम वास्तुकला

5. Chao Phraya River Cruise – संध्याकाळी नौकाविहार

चओ फ्रया नदी  

चओ फ्रया नदी  किंवा थाई भाषेत ‘मै नाम चओ फ्रया’ ( थाई भाषेत 'मै' म्हणजे 'माता' आणि 'नाम' म्हणजे 'पाणी')  ही  थायलंडमधील  प्रमुख  नद्यांपैकी एक असून तिची लांबी ३७२ किमी आहे. ही नदी थायलंडच्या उत्तरेकडील नखोन सवन या प्रांतामध्ये पिंग व नान या नद्यांच्या संगमामधून वेगळी होते आणि दक्षिण दिशेस स्वतंत्रपणे वाहते. (नखोन हा शब्द संस्कृत 'नगर' या शब्दाचे रूप आहे, तर सवन हा शब्द 'स्वर्ग' या शब्दाचे रूप आहे). थायलंडचा मध्य मैदानी प्रदेश, बँकॉक असा प्रवास करीत ती थायलंडच्या आखातापाशी समुद्रास मिळते. 

चओ फ्रया नदी  आणि  थायलंड

चओ फ्रया नदीचे थायलंडच्या इतिहासामध्ये अनन्यसाधारण स्थान आहे. या नदीचे सुपीक खोरे आणि नदीमधील माशांची मुबलकता पाहून येथे सुरुवातीच्या वसाहती स्थापन करण्यात आल्या. ब्रह्मी आक्रमकांकडून थायलंडची राजधानी अयुथयाचा विध्वंस झाल्यावर थाकसिन या राजाने राजधानी चओ फ्रया नदीच्या पूर्व किना-यावर आज थोनबुरी म्हणून प्रसिद्ध असलेल्या ठिकाणी हलविली. रामा (पहिला) या राजास चओ फ्रया नदीचा पश्चिम किनारा  अधिक सुरक्षित वाटल्याने त्याने राजधानी १७८२ साली पश्चिम  किना-यावरील बँकॉक येथे हलविली आणि बँकॉकमध्ये बरीच बुद्धमंदिरे बांधली. या नदीस चओ फ्रया हे नाव सुद्धा रामा (पहिला) या राजानेच दिले असून त्याचा अर्थ 'राजांची नदी' असा होतो.

ही  नदी  बँकॉकमधील  दळणवळणाचे  प्रमुख  साधन  आहे. या नदीच्या फेरी सेवेने रोज सुमारे ५०,००० प्रवासी प्रवास करतात तर मालवाहू पडावांमधून मालाची वाहतूक होते.  चओ फ्रया नदीला जोडलेल्या कालव्यांनीच  बँकॉकला 'पूर्वेकडील व्हेनिस' अशी प्रसिद्धी मिळवून दिली आहे.                  

चओ फ्रया नदीचा फेरफटका

चओ फ्रया नदी स्वच्छ म्हणता येणार नाही. तरीसुद्धा या नदीचा फेरफटका हा सुखद अनुभव आहे. मुख्य म्हणजे ही नदी बँकॉकच्या मधून वाहत असल्याने तुम्हाला  या फेरफटक्याने बँकॉकचे सम्यग्दर्शन घडते. बँकॉकमधील पर्यटन सुरू करण्याआधी चओ फ्रया नदीचा फेरफटका करून तुम्ही बँकॉकमधील पर्यटनाची रूपरेषा निश्चित करू शकता. 

क्रूझने सफर केल्यास आणखी वेगळा अनुभव घेता येतो.  या सेवा देण-या निरनिराळ्या संस्था आहेत आणि त्यांची निरनिराळी पॅकेजेस असतात. त्याप्रमाणे  क्रूझ सफरीमध्ये भोजन, नृत्य, संगीत यांचीही सोय होऊ शकते.        

चओ फ्रया नदी आणि बँकॉकमधील पर्यटन

चओ फ्रया नदी बँकॉकच्या मधून वाहत असल्याने या नदीतून प्रवास करून बँकॉकमधील बरीच ठिकाणे पाहता येतात. नदीकिनारी एकूण ३४ पिअर किंवा धक्के असून  चओ फ्रया एक्स्प्रेस कंपनीची  नियमित बोट सेवा या २१ किमी अंतराच्या मार्गावर उपलब्ध असते. इतर सेवासुद्धा उपलब्ध आहेत. चओ फ्रया नदीने प्रवास करून बँकॉकमधील ग्रँड  पॅलेस, वत फो किंवा टेंपल ऑफ रिक्लाइनिंग बुद्धा, वत अरुण किंवा टेंपल ऑफ डॉन, रॉयल बार्जेस म्युझिअम वगैरे ठिकाणे पाहता येतात.          

🚤 चाओ फ्राया नदी क्रूझ (Chao Phraya River Cruise)

🩵 परिचय

चाओ फ्राया ही बँकॉकची जीवनवाहिनी मानली जाते.

ही नदी शहराला उत्तरेकडून दक्षिणेकडे छेदते आणि तिच्या काठावर बँकॉकची सर्व प्रमुख ऐतिहासिक स्थळे आहेत — Grand Palace, Wat Arun, Wat Pho इ.

त्यामुळे या नदीवरून क्रूझ करणे म्हणजे बँकॉकचा इतिहास, सौंदर्य आणि आधुनिकता — हे सर्व एकत्र अनुभवणे.

🚢 क्रूझचे प्रकार

1. Public Ferry / Express Boat

सर्वात स्वस्त आणि स्थानिक लोक वापरतात.

Orange Flag Boat ही सर्वाधिक लोकप्रिय आहे.

वेळ: सकाळी ६.०० ते सायंकाळी ७.००

खर्च: १५–३० बाथ

बुकिंगची गरज नाही — घाटावरून (pier) तिकीट मिळते.

साथॉर्न घाट (Sathorn Pier) हा प्रमुख प्रारंभबिंदू आहे.

2. Tourist Boat (Hop-On Hop-Off Boat)

विशेषतः पर्यटकांसाठी.

तुम्ही कोणत्याही घाटावर “hop off” (उतरून स्थळ पाहणे) आणि पुढच्या बोटीने “hop on” करू शकता.

प्रमुख थांबे: Wat Arun, Grand Palace, Chinatown, Asiatique.

वेळ: सकाळी ९.०० – सायंकाळी ६.००

खर्च: १५०–२०० बाथ (डे पास)

तिकिटे घाटावर किंवा chaophrayaexpressboat.com वर उपलब्ध.

3. Dinner Cruise (संध्याकाळी नौकाविहार)

सूर्यास्तानंतर शहराच्या प्रकाशात केलेला आलिशान नौकाविहार.

बोटीत थाई आणि आंतरराष्ट्रीय बफे डिनर, थाई संगीत आणि नृत्य कार्यक्रम असतो.

वेळ: संध्याकाळी ७.०० ते ९.३०

खर्च: ९०० ते २००० बाथ (नौका, भोजन, आणि बुकिंग वेळेनुसार बदलतो).

बुकिंग: Klook, GetYourGuide, किंवा थेट Asiatique Pier किंवा ICONSIAM Pier वर करता येते.

💰 कमी पैशात चांगला अनुभव कसा घ्यावा

फक्त सकाळी किंवा दुपारी Express Boat (Orange Flag) घ्या — २० बाथमध्ये बँकॉकची प्रमुख स्थळे पाहता येतात.

इच्छेनुसार उतरून Wat Arun किंवा Grand Palace पाहून पुन्हा बोटीत बसता येते.

छायाचित्रणासाठी सकाळचा किंवा सूर्यास्ताचा काळ सर्वोत्तम.

पाणी, सनस्क्रीन आणि कॅमेरा सोबत घ्यावा.

🌇 या दौऱ्यात काय अनुभवता येते

नदीकाठची पारंपरिक थाई घरे आणि आधुनिक इमारतींचा सुंदर संगम

बोटीवरून दिसणारा Grand Palace, Wat Arun, Wat Pho यांचा मोहक देखावा

थाई लोकांचे दैनंदिन जीवन – नदीत धुणे, लहान बोटी, तरंगते बाजार

संध्याकाळी शहराच्या दिव्यांतून उजळलेला बँकॉक skyline

🌟 सर्वोत्तम लाभासाठी टिप्स

1. सकाळी किंवा सूर्यास्ताच्या वेळी क्रूझ घ्यावी.

2. River City Pier किंवा Sathorn Pier येथून सुरुवात करावी.

3. आगाऊ तिकीट ऑनलाइन घेतल्यास सवलत मिळते.

4. पावसाळ्यात (मे–ऑक्टोबर) हवामान लक्षात घेऊन वेळ ठरवावी.

5. Dinner Cruise घेतल्यास वरच्या डेकवरील आसन निवडावे – दृश्य अधिक सुंदर दिसते.

⏰ टीप: सकाळी लवकर सुरुवात करावी; नदीमार्गे प्रवास केल्यास वाहतूक टाळता येते.

💛 दिवस २– आधुनिक बँकॉक आणि खरेदी

(Siam – Sukhumvit परिसर)

🚆 BTS स्टेशन: Siam / Chit Lom / Asok

ठिकाणे:

1. Jim Thompson House – पारंपरिक थाई घर आणि संग्रहालय

2. MBK Center, Siam Paragon, CentralWorld – लोकप्रिय खरेदी केंद्रे

3. Erawan Shrine (चारमुखी देवता मंदिर) – शहराच्या मध्यभागी

4. Terminal 21 Mall – विविध देशांच्या थीमवर आधारित शॉपिंग अनुभव

5. Asiatique The Riverfront – संध्याकाळी खरेदी + भोजनासाठी उत्तम ठिकाण

💡 टीप: BTS Skytrain ने सर्व ठिकाणे सहज जोडलेली आहेत; रस्त्याने प्रवास टाळा.

🩷 दिवस ३– बँकॉक परिसरातील अनुभव

(शहराबाहेरील अर्ध-दिवस सहली)

पर्याय १:

Damnoen Saduak Floating Market (सकाळी भेट)

Maeklong Railway Market – रेल्वे ट्रॅकवर वसलेला बाजार

पर्याय २:

Safari World & Marine Park – मुलांसाठी आदर्श

पर्याय ३:

Ancient City (Muang Boran) – थायलंडच्या प्राचीन वास्तूंचा खुला संग्रहालय

💚 दिवस ४– विश्रांती आणि थाई संस्कृतीचा अनुभव

ठिकाणे:

1. Chatuchak Weekend Market (फक्त शनिवार-रविवार)

2. Lumphini Park – शहरातील हरित विश्रांतीस्थळ

3. Traditional Thai Massage – पारंपरिक थाई स्पा अनुभव

4. Chinatown (Yaowarat Road) – संध्याकाळी भोजन आणि स्ट्रीट फूड

बँकॉकमधील  २ दिवसांचा प्रवासकार्यक्रम

दिवस १ - बँकॉक   

बँकॉकमध्ये आगमन.

स्थळदर्शन:- जेम्स गॅलरी, गोल्डन बुद्धा, प्रिन्सिपल बुद्धा आणि रिक्लाइनिंग बुद्धा वगैरे.  

कार्यक्रम:- चओ फ्रया नदीमध्ये क्रूझने फेरफटका.  क्रूझमध्ये   संगीताचा  आस्वाद  घेत  रात्रीचे  भोजन.

दिवस  २ – बँकॉक

स्थळदर्शन:- सफारी  वर्ल्ड.

सफारी  वर्ल्ड मधील स्थळदर्शन:- मरीन  पार्क.

सफारी  वर्ल्डमधील कार्यक्रम:- ओरंग  उटान  बॉक्सिंग  शो , सी  लायन  शो , हॉलीवूड  काउबॉय   स्टंट  शो , डॉल्फिन  शो, स्पाय  वॉर  शो  वगैरे.

स्थळदर्शन:-  स्काय  बायोक (Sky Baiyoke) (थायलंड  मधील  सर्वांत  उंच  हॉटेल).

खरेदी :- इंद्रा स्क्वेअर.

३.      परिशिष्टे

 

📞 महत्त्वाचे फोन क्रमांक — बॅंकॉक (थायलंड):

सेवा क्रमांक टीप

🚓 पोलीस (Police) 191 सर्वसाधारण आपत्कालीन परिस्थितीसाठी

🧭 पर्यटक पोलीस (Tourist Police) 1155 इंग्रजी भाषिक अधिकारी उपलब्ध

🚒 अग्निशमन (Fire) 199 अग्निशमन विभाग

🚑 वैद्यकीय आपत्कालीन सेवा (Medical Emergency / Ambulance) 1669 सरकारी रुग्णालयांच्या आपत्कालीन सेवांसाठी

🏥 Samitivej Hospital 02 711 8000 खासगी, उच्च दर्जाची वैद्यकीय सेवा

🏥 Bumrungrad International Hospital 02 667 1000 प्रसिद्ध आंतरराष्ट्रीय रुग्णालय

✈️ Suvarnabhumi Airport Flight Information 1566 विमानतळावरील उड्डाण वेळापत्रकांसाठी

🚗 Traffic Hotline 1197 वाहतूक माहिती आणि अपघात अहवालासाठी

🪪 Immigration / Government Helpline 1111 नागरिक व प्रवासी यांसाठी सामान्य सरकारी माहिती

☎️ Directory Assistance 1133 स्थानिक फोन माहिती

🌍 Overseas Operator-Assisted Calls 100 आंतरराष्ट्रीय कॉलसाठी ऑपरेटर सहाय्य📘 टीप:

वरील क्रमांक थायलंड पर्यटन प्राधिकरण (TAT), बॅंकॉक महानगरपालिका आणि प्रमुख रुग्णालयांच्या वेबसाइट्सवरून पडताळलेले आहेत.

अल्प बदल (उदा. खासगी रुग्णालयांचे क्रमांक) वेळोवेळी होऊ शकतात, म्हणून प्रवासापूर्वी अद्ययावत माहिती www.tourismthailand.org या अधिकृत संकेतस्थळावर तपासणे योग्य ठरेल.

📱 सिम कार्ड आणि डायलिंग: 

सिम कार्ड:

थायलंडमध्ये प्री-पेड सिम कार्ड सहज उपलब्ध असतात.

मोठ्या स्टोअर्समध्ये, ७-इलेव्हन (7-Eleven), सुपरमार्केट्स आणि शॉपिंग मॉल्समध्ये असलेल्या DTAC, AIS, आणि TRUE या प्रमुख मोबाइल सेवा पुरवठादारांच्या दुकानांमध्ये ही कार्डे मिळतात.

पर्यटकांसाठी “Tourist SIM” नावाने खास योजना उपलब्ध असतात — या योजना काही दिवस किंवा आठवड्यांसाठी इंटरनेट आणि स्थानिक कॉलसह येतात.

डायलिंग नियम:

बॅंकॉकमधील लँडलाइनवर कॉल करण्यासाठी:

👉 ०२ + सात-अंकी क्रमांक

बॅंकॉकच्या बाहेर कॉल करण्यासाठी:

👉 ० + तीन-अंकी एरिया कोड + सहा-अंकी क्रमांक

मोबाईल फोनसाठी:

👉 ०८x + सात-अंकी सबस्क्राइबर नंबर

थायलंडच्या बाहेरून कॉल करताना:

👉 +66 (देश कोड) वापरा आणि नंतर पहिला ० वगळा

(उदा. थायलंडचा नंबर 08x-xxxxxxx असेल तर परदेशातून +66 8x-xxxxxxx असा डायल करावा).

USEFUL WEBSITES

www.bangkok.com

BANGKOK AREAS

1.     Sukhumvit

2.     Siam

3.     Silom

4.     Riverside

5.     Khao San and old city

6.     Chinatown

BEST LUXURY HOTELS

1.     The Peninsula Bangkok, Riverside,http://www.bangkok.com/peninsula/

2.     Grand Hyatt Erawan, Chidlom-Ploenchit, http://www.bangkok.com/hyatterawan/

3.     Sukhothai Hotel Bangkok, Sathorn, http://www.bangkok.com/sukhothai/

BEST BOUTIQUE HOTELS

1.     Hansar Bangkok Hotel, Siam, http://www.bangkok.com/hansar-bangkok-hotel/

2.     Davinci Suites, Sukhumvit, http://www.bangkok.com/davinci/

3.     Mystic Place Rooms in Bangkok, Chatuchak, http://www.bangkok.com/mystic-place/

BEST BUDGET HOTELS

1.     Lub d Bangkok, Silom, http://www.bangkok.com/lub-d-hotel/

2.     Take A Nap Hotel, Silom,http://www.bangkok.com/take-a-nap/

3.     Rambuttri Village Inn, Khao San http://www.bangkok.com/rambuttri-village-inn/

BEST SERVICED APARTMENTS

1.     Chatrium Hotel Riverside Bangkok, Riverside, http://www.bangkok.com/chatrium-hotel-riverside/

2.     Fraser Suites Sukhumvit, Sukhumvit,http://www.bangkok.com/fraser-sukhumvit/

3.     Rongratana Executive Residence, Chidlom-Ploenchit, http://www.bangkok.com/rongratana-executive-residence/

WHERE TO SHOP

1.     Siam Paragon

2.     CentralWorld

3.     MBK

4.     Gaysorn

5.     The Emporium or Siam Discovery Centre

6.     Chatuchak Weekend Market

7.     Night Markets

8.     Chinatown

9.     Pratunam

10.                        Rod Fai Market (Talad Rod Fai)

WHAT TO SEE IN BANGKOK

1.     Grand Palace and Wat Phra Kaew (Old City)

2.     Chinatown (Yaowarat)

3.     Floating Market, Damnoen Saduak

4.     Wat Arun (The Temple of Dawn), Ricerside

5.     Jim Thompson’s House, Siam

6.     Vimanmek Mansion, Old City

7.       Gems Gallery, www.gems-gallery.com, 198/23-24 Rama 6 Rd., Samsennai, Phayathai, Bangkok 10400

8.