वैशिष्ट्ये
थायलंड मधील सर्वांत मोठे बेट
‘द मॅन विथ द गोल्डन गन’ या इंग्रजी चित्रपटातील चित्रीकरणाचे ठिकाण असलेले ‘जेम्स बॉंड आयलंड’ येथे आहे.
१ . परिचय
फुकेतविषयी झटपट माहिती
स्थान:
???
क्षेत्रफळ:
५४० चौ. कि. मी.
लोकसंख्या:
२ लाख.
जाण्यास योग्य वेळ:
नोव्हेंबर ते फेब्रुवारी.
दृष्टिक्षेपात फुकेत
विस्तार
फुकेत हे थायलंड मधील सर्वांत मोठे बेट आहे. ५४० चौ मीटर्स आकारमान असणारे हे बेट जवळ जवळ सिंगापूरच्या आकाराचे आहे.
भौगोलिक स्थान
थायलंडच्या ईशान्य किना-यापासून थोडे दूर अंदमान समुद्रामध्ये.
मुख्य शहर
फुकेत टाऊन.
प्रचलित भाषा
थाई, चिनी, इंग्लिश.
लोकसंख्या
२११,०००.
हवामान: स्थानिक हवामान उष्ण आणि दमट आहे. उष्ण कटिबंधीय हवामान, मुख्यत: मॉन्सून वा-यांवर अवलंबून आहे. मे महिन्यामध्ये या बेटावर पाऊस येतो आणि वर्षभरात साधारण १०० इंच पाऊस पडतो. नोव्हेंबर ते फेब्रुवारी दरम्यान हवामान थंड आणि कोरडे असते.
विस्ताराने माहिती
फुकेत हा शब्द बहुतेक बुकित या मले शब्दापासून तयार झाला आहे. फुकेत दुरून टेकडीसारखे दिसते, त्यामुळे हे नाव पडले असावे. शतकानुशतके थाई मुख्यभूमी , चीन आणि मलेशियामधून फुकेतमध्ये असंख्य लोकांनी स्थलांतर केले आहे. त्यामुळे येथे चिनी प्रभाव असलेली मिश्र संस्कृती दिसून येते आणि त्यामुळे फुकेत पर्यटकांचे भेट देण्याचे आवडते ठिकाण आहे.
फुकेत थायलंडच्या ईशान्य किनार्यावर आहे. ते Bankokच्या दक्षिणेकडे ८६० किमी तर विषुववृताच्या उत्तरेस ८३० किमी अंतरावर आहे (अक्षांश ७.५ﹾ). या भौगोलिक स्थानामुळे त्याची तुलना इथिओपिया, नायजीरिया आणि व्हेनेझुएलाबरोबर होऊ शकते. हिंदी महासागरातील अंदमान समुद्रामध्ये फुकेत आहे. हे थायलंडमधील सर्वांत मोठे बेट असून स्वतंत्र प्रांताचा दर्जा मिळण्याएवढे त्याचे आकारमान आहे.
बेटाची लांबी ४९ किमी असून रुंदी २१ किमी आहे. आसपास असणाऱ्या ३९ बेटांच्या ७० चौकिमी क्षेत्रफळासह फुकेतचे एकूण क्षेत्रफळ ५७० चौकिमी आहे. थायलंडच्या मुख्य भूमीपासून छोट्या खाडीने विभागले असून Sarasin या ६०० मीटर लांबीच्या पुलाने थायलंडच्या मुख्य भूमीशी जोडले आहे.
फुकेतच्या प्राकृतिक रचनेमध्ये विविधता आहे. बेटाची भूमी मुख्यत: granite आणि थर असलेल्या खडकांची आहे. टेकड्या भरपूर असून काही टेकड्यांची उंची ५०० मीटर्स आहे. टेकड्या सर्वत्र असून पश्चिम किनार्याकडे त्या कमी होत जातात. मैदानी भागांमध्ये शहरी वस्ती असून तेथे रबर आणि नारळाची लागवड होते. Khao Phra Thaew National Park मध्ये खारफुटीची आणि विषुववृत्तीय पर्जन्यजनित अरण्ये आहेत.
बेटाच्या पश्चिम किनार्यावर उत्कृष्ट बीचेस आहेत. पावसाळ्यामध्ये बेटावर आदळणाऱ्या अजस्र लाटांमुळे हे बीचेस तैय्यार झाले असून मध्ये मध्ये खडकाळ भूशिरे आहेत.
बेटाच्या पूर्व किनाऱ्यावर लहान बीचेस आहेत आणि तेही दलदलीने भरलेले आहेत. पूर्वीच्या कथलाच्या खाणकामाच्या काळातील कचरा या किनार्यावर मोठ्या प्रमाणात टाकण्यात आला हे सुद्धा या किनार्याच्या दुरावस्थेचे एक कारण आहे. बहुतेक सारा पूर्व किनारा खारफुटीच्या जंगलांनी भरलेला आहे.
फुकेतच्या आसपास असणारी बेटे दोन प्रकारची आहेत. पश्चिमेकडे असणारी बेटे मुख्यत: graniteची असून ही बेटे दक्षिण आणि पूर्व किनार्यास जवळ आहेत. ही बेटे कमी उंचीची असून जंगलांनी भरलेली आहेत. या बेटांमध्ये Koh Racha Yai आणि Koh Hee सारखे बीचेस आहेत. नैऋत्य दिशेस असणारी बेटे चुनखडीच्या खडकांची असून पूर्व आणि दक्षिण बाजूस पसरलेली आहेत. ही बेटे समुद्राशी काटकोनामध्ये उभी असून अतिशय निसर्गरम्य आहेत. यांमध्ये Phi Phi आयलंड्स आणि फंग आ बेचा समावेश होतो. ही बेटे तयार होण्यास कारणीभूत असणारे चुनखडीचे खडक फुकेतच्या पूर्वेकडील फंग आ प्रांत ते Krabi प्रांत आणि पुढे Trang पर्यंत पसरलेले आहेत. या खडकांमुळे या साऱ्या किनारपट्टीवर सुंदर वनश्री निर्माण झाली आहे.
फुकेत सहसा नैसर्गिक आपत्तींपासून मुक्त आहे. पावसाळ्यामध्ये कधी कधी मोठी वादळे होतात, परंतु त्यांचे रूपांतर टायफूनमध्ये कधी झाले नाही. पावसाळ्यामध्ये क्वचित पाणी साचते आणि छोटे मोठे पूर येतात. पावसाळ्यामध्ये काही भूस्खलनाचे प्रकार होऊन कधी कधी जीवितहानी झाली आहे. जेथे वृक्षतोड झाली आहे, अशा ठिकाणी भूस्खलनाच्या घटना घडल्या आहेत. २००४ साली त्सुनामीमुळे जो भूकंप झाला होता, तो फुकेतमध्ये केवळ जाणवला होता, त्यामुळे नुकसान असे झाले नव्हते. तरीसुद्धा फुकेतखालून एक साधारण भूकंपकारी रेषा आहे. कदाचित त्यामुळेच एप्रिल २०१२ मध्ये फुकेतला ४.४. रिश्टर मात्रेचा धक्का बसला होता. परंतु त्यामुळे कुठलेच मोठे नुकसान असे झाले नाही.
इतिहास: सतराव्या शतकामध्ये फुकेतमध्ये कथलाचे साठे आढळल्याने डच, इंग्रज आणि नंतर फ्रेंच, फुकेतवर वर्चस्व मिळवण्याचा प्रयत्न करू लागले. थाई राजा Narai याने डच आणि इंग्रज यांचा प्रभाव कमी करण्यासाठी फ्रेंचांबरोबर करार करून व्यापाराचा एकाधिकार फ्रेंचांना दिला. परंतु १६८८ साली झालेल्या सयामी क्रांतीमुळे थायलंडमधून फ्रेंचांना हुसकून देण्यात आले. यानंतर १७८५ मध्ये ब्रह्मी लोकांनी फुकेतवर आक्रमण केले. यावेळी फुकेतचा गव्हर्नर नुकताच मरण पावला होता. परंतु त्याची पत्नी थान फू यिंग चान मोठी धीराची बाई होती. तिने आणि तिची बहीण मूक हिने होत्या त्या साऱ्या फौजा एकत्र करून ब्रह्मी आक्रमकांविरुद्ध यशस्वी लढा दिला. या लढ्यामध्ये स्त्रियांचा मोठा सहभाग होता. रामा पहिला या थायलंडमधील त्या वेळच्या राजाने या वीरांगनांचा यथोचित गौरव केला. Chulalongkorn (रामा पाचवा) या राजाच्या कारकीर्दीमध्ये फुकेतला कथलाचे उत्पादन करणाऱ्या दक्षिणेकडील प्रांतांच्या प्रशासकीय केंद्राचा दर्जा देण्यात आला. १९३३ साली फुकेतला स्वतंत्र प्रांताचा दर्जा देण्यात आला.
फुकेतला कसे जावे: बँकॉक आणि सिंगापूरहून विमानाने फुकेत तासाभराच्या अंतरावर आहे. आशियामधील बहुतेक सर्व विमानतळांना फुकेत जोडलेले आहे.
फुकेतमध्ये राहावे कुठे: फुकेतचा आकार पाहिलात तर उभट आहे. त्याची लांबी २१ किमी तर रुंदी ४९ किमी आहे. म्हणजे रुंदी लांबीपेक्षा जास्त आहे. फुकेत इंटरनॅशनल एअरपोर्ट उत्तरेकडे आहे. पूर्व किनाऱ्यावर फुकेत शहराशिवाय फारसे काही नाही. फुकेत शहर औद्योगिक केंद्र असल्यामुळे येथे पर्यटकांच्या दृष्टीने फारसे काही नाही. फुकेतमधील बीचेस पश्चिम किनाऱ्यावर आहेत. त्यामुळे राहण्यास योग्य ठिकाण पश्चिम किनाऱ्याच्या मध्यभागी असणारे पातोंग हे आहे. पातोंगमध्ये राहून तुम्ही उत्तरेकडील किंवा दक्षिणेकडील ठिकाणी सहज जाऊ शकता. फुकेतमधील निशाजीवन आणि खरेदी यांचे केंद्रही पातोंगच आहे. या भागामध्ये हॉटेल्सही भरपूर आहेत.
२. प्रवास
उत्तर फुकेत
फुकेत इंटरनॅशनल एअरपोर्ट, http://www.phuketairportonline.com/
फुकेत इंटरनॅशनल एअरपोर्ट हा थायलंडमधील दुसरा सर्वांत मोठा वर्दळीचा विमानतळ आहे. हा विमानतळ म्हणजे फुकेत आयलंडचे प्रवेशद्वार असून थायलंडच्या दक्षिण भागातील पर्यटकांचे नंदनवन आहे. आज या विमानतळावर १० ए्अरलाइन्स सेवा देतात, २९ लाखाहून अधिक प्रवासी प्रवास करतात, २७ हजार उड्डाणे होतात तर १२ हजार टन सामानाची नेआण होते. यावरून या विमानतळाच्या भव्यतेची कल्पना येईल.
पश्चिम फुकेत
पातोंग (Patong) शहर : पातोंग हे फुकेतच्या पश्चिम किनार्यावरील शहर निशाजीवन आणि खरेदीसाठी प्रसिद्ध आहे. १९८०च्या उत्तरार्धामध्ये पाश्चिमात्य, विशेषत: युरोपिअन पर्यटकांमध्ये पातोंग लोकप्रिय झाले. आता येथे भरपूर हॉटेल्स झाली असून हे ठिकाण म्हणजे पर्यटकांची मक्का झाले आहे. २००४ मध्ये आलेल्या सुनामीचा पातोंगला मोठा फटका बसला होता आणि येथे बरीच हानी झाली होती. पातोंग आता या हानीमधून बऱ्यापैकी सावरले आहे.
पातोंग बीच: पातोंग शहराच्या पूर्ण पश्चिम बाजूस ३.५ किमी लांबीचा बीच आहे. येथील निशाजीवन बांगला रोड आणि पॅराडाइज कॉंप्लेक्स या दोन भागामध्ये एकवटले आहे. पॅराडाइज कॉंप्लेक्स भागातील निशाजीवन समलिंगी लोकांसाठी जास्त प्रसिद्ध आहे. या दोन्ही भागांमध्ये बार्स, डिस्कोथेक्स आणि गो गो बार्स भरपूर आहेत.
काटा (Kata) बीच: कॅरन बीचच्या दक्षिणेकडे काही मिनिटांच्या अंतरावर काटा बीच आहे. येथील पांढरीशुभ्र वाळू, स्वच्छ पाणी, चहुबाजूंना असणारी नारळाची झाडे पर्यटकांना आकर्षित करतात. येथे बीचजवळच रेस्तराँ आणि राहण्यासाठी हॉटेल्स आहेत. हा बीचसुद्धा निशाजीवणासाठी चांगला आहे. मे ते ऑक्टोबरमध्ये लाटांचा उपयोग करून घेण्यासाठी येथे सर्फर्सची गर्दी असते तर नोव्हेंबर ते एप्रिलमध्ये सूर्यास्नासाठी येणाऱ्या लोकांची गर्दी असते. काटाचे दोन मुख्य भाग पडतात.
१. काटा सेंटर:- हा भाग उत्तर दिशेस असून कॅरनला जवळ आहे.
२. काटा साऊथ:- येथे ब्राऊजिंग करण्यासाठी कॅफे, सूव्हनिर्स आणि कपड्यांची दुकाने भरपूर आढळतील.
कॅरन (Karon) बीच:
कमला बीच:
फुकेत फँटसी : www.phuket-fantasea.com
फुकेत फँटसी हा एक थीम पार्क असून याला ‘बेस्ट अट्रॅक्शन अॅवॉर्ड मिळाले आहे. हे थीम पार्क सफारी पार्कच्या निर्मात्यांनी बनविले आहे. हा थीम पार्क एकूण १४० एकर क्षेत्रामध्ये पसरला आहे. हा पार्क बांधण्यासाठी ३५० कोटी बाथ एवढा खर्च आला होता. फुकेत फँटसीची प्रमुख आकर्षणे अशी आहेत:-
१. कार्निव्हल व्हिलेज:- येथे निरनिराळे खेळ खेळावयास मिळतील, हस्तव्यवसाय पाहावयास मिळतील, तसेच खरेदी करता येईल.
२. रेस्तराँ:- येथे ४,००० आसनक्षमता असणारे बफे पद्धतीचे भव्य रेस्तराँ असून यामध्ये थाई आणि आंतरराष्ट्रीय पद्धतीचे खाद्यपदार्थ मिळतात.
३. थिएटर शो:- येथे तुम्हाला श्वास रोखून धरावयास लावणारा ला व्हेगा पद्धतीचा भव्य थिएटर शो पाहावयास मिळेल. या शोमध्ये अत्याधुनिक तंत्रज्ञान आणि विशेष परिणाम यांच्या सहायाने तुमच्यासमोर थाई संस्कृतीची रहस्ये उलगडली जातील. हा प्रयोग सहकुटुंब पाहण्यासारखा आहे.
बांगताओ (Bangtao) बीच:
पूर्व फुकेत
फुकेत शहर
जुने फुकेत शहर
जुन्या फुकेत शहरामधील साइनो-पोर्तुगीज वास्तू:
फुकेतचे आणखी एक वैशिष्ट्य म्हणजे जुन्या फुकेत शहरामधील साइनो-पोर्तुगीज म्हणजे चिनी आणि पोर्तुगीज पद्धतीच्या वास्तू. फुकेतमध्ये कथलाच्या व्यापारासाठी निरनिराळ्या देशातून लोक आले. या लोकांनी अनेक वास्तूसुद्धा बांधल्या. त्यांमध्ये मुख्यत: चिनी आणि पोर्तुगीज पद्धतीने बांधलेल्या वास्तू लक्ष वेधून घेतात. या वास्तू मुख्यत: दोन प्रकारच्या आहेत. पहिल्या प्रकारच्या वास्तू म्हणजे शॉप हाऊसेस. यांची शैली चिनी-पोर्तुगीज अशा मिश्र प्रकारची आहे. दुसऱ्या प्रकारच्या वास्तू म्हणजे मोठे प्रासाद. यांची शैली चिनी आणि वसाहतकालीन अशी मिश्र प्रकारची आहे. या वास्तू कुणी आणि कधी बांधल्या याविषयी निश्चित माहिती उपलब्ध नाही. परंतु या वास्तू पाहताना तुम्हाला भूतकाळामध्ये कित्येक शतके मागे गेल्यासारखे वाटेल.
Phithak Chinpracha House Museum (Chinpracha House) Ban Chinpracha, 98 Krabi Road
हा सुंदर प्रासाद Phithak Chinpracha (११८३-१९४९) याने १९०३ मध्ये बांधला. १९०९ मध्ये थाई अधिकार्यांकडून यास संवर्धनाचे पारितोषिक मिळाले.
Phra Pithak Mansion, 9 Krabi Road
Phra Pithak Chinpracha यानेच Chinpracha हाऊसला लागून हा आणखी एक सुंदर प्रासाद बांधला आहे. हा प्रासाद बांधण्यास दुसऱ्या महायुद्धाच्या काळामध्ये सुरुवात झाली आणि १९४० साली याचे बांधकाम पूर्ण झाले. हा प्रासाद लोकांना पाहण्यास खुला नाही.
फुकेत प्रॉव्हिन्शल हॉल, Surin, Phuket 83000
ही सुंदर इमारत १९१० साली बांधण्यात आली असून तिचे वैशिष्ट्यपूर्ण बांधकाम आणि ९९ दरवाज्यांसाठी प्रसिद्ध आहे.
थाई हुआ (Thai Hua) म्युझिअम:
Opening Hours: Daily from 09:00 – 17:00
Location: 28 Krabi Road, Phuket Old Town area within walking distance from the famous Soi Romanee and Baan Chinpracha Mansion. Its parking space is open until 17:30 only.
Tel: +66 (0)76 211 224
Price Range: 200 baht per person + 200 baht to take photos!
हे म्युझिअम युरोपिअन-साइनो-थाई पद्धतीचे बांधकाम आहे. याचे बांधकाम १९३४ साली पूर्ण झाले. ही थायलंडमधील सर्वांत जुनी शाळा असून तिची स्थापना १९११ साली झाली. १९९० सालच्या उत्तरार्धामध्ये या शाळेचे स्थलांतर झाले. सध्या या वास्तूमध्ये आर्ट गॅलरी आहे.
बान क्लुंग जिंदा (Baan Klung Jinda)
ही वास्तू शंभर वर्षे जुनी असून सध्या येथे जुने सयामी खाद्यपदार्थ मिLaणारे उपाहारगृह आहे. ही अद्भुत वास्तू चिनी लष्करामधील एका इसमाने बांधली असून या वास्तूचे बांधकाम पूर्णपणे चिनी पद्धतीचे आहे. येथे ब-याच पुरातन वस्तू आहेत.
फुकेत फिलॅटेलिक म्युझिअम:
हे फुकेतमधील सर्वांत जुने डाक आणि तारघर आहे. याचे नूतनीकरण करून येथे फिलॅटेलिक म्युझिअम करण्यात आले आहे. येथे जुनी डाक सामग्री, जुने टेलिफोन्स, तसेच जुने थाई पोस्टाची तिकीटे ठेवण्यात आली आहेत.
दक्षिण फुकेत
चालोंग :
चालोंग हा दक्षिण फुकेतमधील उपजिल्हा आहे.
चालोंग बे: चालोंगचा पूर्व किनारा दलदलयुक्त असल्याने पोहण्यास उपयोगी नाही. पण बोटिंगसाठी उपयोगी आहे. येथे ७२० मीटर्स लांब आणि सात मीटर्स रुंद जेटी आहे. येथे रेस्तराँ, दुकाने भरपूर आहेत.
वत चालोंग (Wat Chalong):
वत चालोंग फुकेत शहराच्या दक्षिणेस आठ किमी अंतरावर आहे. फुकेतमध्ये एकूण २९ बौद्ध मंदिरे असून वत चालोंग यांमधील सर्वांत मोठे बौद्ध मंदिर आहे. १८७६ साली कथलाच्या खाणकामगारांचे बंड झाले होते. या बंडामध्ये जखमी झालेल्या लोकांवर Luang Pho Chaem आणि Luang Pho Chuang या दोन बौद्ध भिक्खूंनी औषधोपचार केले होते. त्यांची स्मृती म्हणून हे बौद्धमंदिर बांधले आहे.
केप प्रोम्थेप (Cape Promthep):
प्रोम्थेप केप किंवा लेम प्रोम्थेप (Laem Promthep) हे एका खडकाळ भूशिराचे नाव आहे. हे भूशिर फुकेतच्या ईशान्य दिशेस असून समुद्रामध्ये शिरले आहे. येथून समुद्राचे अतिशय सुंदर ठिकाण असून येथून सूर्यास्ताचेही अतिशय सुंदर दृश्य दिसते. येथे एक टेकडी असून टेकडीवर एक मंदिर आणि दीपगृहसुद्धा आहे. येथून रवाई (Rawai) आणि नैहाम (Naiham) बीच जवळ आहेत.
फं ङा (Phang Nga)
फं ङा आ प्रांत: फं ङा हा थायलंडच्या दक्षिणेकडील प्रांत आहे. याच्या पश्चिम दिशेस अंदमान समुद्र तर दक्षिण दिशेस फं ङा बे हा उपसागर आणि फुकेत प्रांत आहे.
फङ आ बे: मले द्वीपकल्पाचा भाग असणारी दक्षिण थायलंडची मुख्यभूमी आणि फुकेत बेटाच्यामध्ये असणारा फङ आ बे हा उपसागर मले सामुद्रधुनीचा भाग आहे. फङ आ बेचे एकूण क्षेत्रफळ ४०० चौकिमी असून येथे एकूण १०० बेटे आहेत. या उपसागरामध्ये जिथे तिथे पाचूसारख्या हिरव्या पाण्यातून काटकोनातून बाहेर आलेले चुनखडीचे उंच खडक ठिकठिकाणी दिसतात. येथील बेटांवर चुनखडीच्या गुहा आढळतात. १९८१ पासून या उपसागराचा मोठा भाग आओ फङ आ बे नॅशनल पार्क म्हणून संरक्षित केला गेला आहे. त्यामुळे या उपसागरातील दुर्मिळ प्राणी आणि वनस्पती यांना संरक्षण मिळाले आहे.
फं ङा बेमधील चुनखडीचे खडक म्हणजे फार मोठे आश्चर्य आहे. हे खडक पाहून असा प्रश्न पडेल की हे खडक तयार कसे झाले? या खडकांचा इतिहासही रंजक आहे. सुमारे १३ कोटी वर्षांपूर्वी या भागामध्ये मले द्वीपकल्पाची उत्तर सीमा ते उत्तर व्हिएटनाम एवढ्या विस्तृत भागामध्ये पोवळ्याचे खडक होते. हे पोवळे नंतर मृत झाले आणि त्यांमध्ये असणाऱ्या कॅल्साइट किंवा कॅल्शिअम कार्बोनेटच्या अंशामुळे येथे शेकडो मीटर्स जाडीचे खडक तयार झाले. नंतर भूगर्भातील हालचालींमुळे हे खडक भूपृष्ठाच्या वर आले. ही क्रिया डोंगर तयार होतात तशी होती. यानंतर साडेसात कोटी वर्षे पाऊस, वारा, समुद्राच्या लाटा, सूर्याची उष्णता, या सर्वांचा परिणाम होऊन या खडकांचे आज दिसणारे स्वरूप तयार झाले आहे. या खडकांमध्ये असणाऱ्या निनिराळ्या रासायनिक पदार्थांवरून त्यांना निरनिराळे रंग प्राप्त झाले आहेत
फंग आ बे हे फुकेतमधील पर्यटकांचे सर्वांत आवडते आकर्षण आहे. फुकेतहून कारने फंग आ आयलंडला ४५ मिनिटात पोहचता येते. फंग आ बे ला क्रूझने सफर करणे हा आणखी एक वेगळा अनुभव आहे. जेम्स बॉंड आयलंड आणि को Panyee ही येथील सर्वांत जास्त लोकप्रिय दोन ठिकाणे आहेत. येथील निसर्गसौंदर्य पाहण्याचा सर्वांत चांगला मार्ग म्हणजे फुकेतच्या उत्तर टोकाकडून बोटीने सफर करणे. फङ आ बेमधील सर्व बेटांना भेट द्यावयाचे ठरवले तर एक महिना सहज लागेल. येथे अतिशय सुंदर परंतु निर्मनुष्य असे पुष्कळ बीचेस आहेत. येथे स्नॉर्केलिंग आणि डायव्हिंगसाठी उत्तम साइट्स आहेत.
को पिंग गान/ गन (Ping Gan/Ping Gun) आणि को तापू (Tapoo) /जेम्स बॉंड आयलंड:
खाओ फिंग कान (Khao Phing Kan) किंवा को खाओ फिंग कान हे बेट फं ङा बेमध्ये फुकेतच्या ईशान्य दिशेस आहे. हे बेट म्हणजे निसर्गाचा एक चमत्कार आहे. हे बेट म्हणजे एक उंच खडक असून यामध्ये अनेक गुहा आहेत. या गुहा पाहणे म्हणजे मजेदार अनुभव आहे. बेटाचा पूर्व किनारा गजबजलेला असून येथे कपड्यांचे, शिंपले आणि लाकडापासून बनवलेल्या सूव्हनिर्सचे आणि इतर वस्तूंचे बरेच स्टॉल्स आहेत.
या बेटाच्या किनार्यापासून ४० मीटर्स अंतरावर २० मीटर्स उंचीचा एक खडक आहे. या खडकास खाओ किंवा को तापू म्हणतात. तापूचा अर्थ थाई भाषेमध्ये ‘खिळा’. को तापू म्हणजे ‘खिळ्याचे बेट’. या उभट खडकाचा वर पसरट आणि खाली निमुळता आकार येथील लोकांना खिळ्यासारखा वाटल्यास नवल नाही. को तापूविषयी एक मजेदार कथा प्रचलित आहे. एकदा एक कोळी फंग आ बेमध्ये मासेमारी करीत होता. मासेमारी करताना बहुतेक वेळा त्याला भरपूर मासळी मिळत असे. परंतु एकदा त्याला मासळी काहीच मिळाली नाही. उलट जाळ्यामध्ये एक गंजलेला खिळा आला. त्या कोळ्याने रागाने तो खिळा पाण्यात फेकून दिला आणि त्याने जाळे पुन्हा पाण्यात टाकले. जाळे ओढून पाहतो तर जाळ्यामध्ये पुन्हा तोच खिळा. कोळ्याने राग येऊन तो खिळा जमिनीचा भाग पाहून त्यात ठोकला. तो खिळा म्हणजेच हा खडक. हा खडक संरक्षित क्षेत्रात असल्यामुळे याच्या फार जवळ जाता येते नाही. तेव्हा याचे निरीक्षण बोटीतून किंवा याच्या जवळ असणाऱ्या को पिंग गान बेटाच्या किनार्यावरून करता येते. हे थायलंडमधील सर्वांत प्रसिद्ध बेट फंग आ बेमध्ये आहे. को तापू आता एवढे प्रसिद्ध झाले आहे की ते फुकेतची ओळख झाले आहे.
ही बेटे आव फं ङा नॅशनल पार्कचा भाग आहेत. ही बेटे १९७४ साली आलेल्या ‘द मॅन विथ द गोल्डन गन’ या जेम्स बॉंडच्या चित्रपटामध्ये झळकली होती. तेव्हापासून या बेटांचे नाव ‘जेम्स बॉंड आयलंड’ पडले. पुष्कळ लोक को तापूस जेम्स बॉंड आयलंड समजतात. प्रत्यक्षात खाव फिंग कान हे जेम्स बॉंड आयलंड आहे.
द मॅन विथ द गोल्डन गन’ आणि को पिंग गान:
बॉंडपटांची परिणामकारकता त्यामधील खलनायकावर अवलंबून असते. यामध्ये खलनायकाचे गुप्त आणि सुसज्ज निवासस्थानही महत्त्वाचे असते. बॉंडला अखेर या गुप्त निवासस्थानामध्ये जाऊन खलनायकाचा शेवट करावा लागतो. या कामी त्याला बहुतेक वेळी एखाद्या सुंदर युवतीची मदत मिळते. ही युवती बऱ्याच वेळा खलनायकाच्या पक्षातील असते. ‘द मॅन विथ द गोल्डन गन’ मध्ये असा खलनायक आहे सोनेरी बंदुकीचा वापर करणारा फ्रॅन्सिस्को स्कॅरामँगा आणि त्याचे निवासस्थान एका अज्ञात बेटावर आहे, जेथे स्कॅरामँगाने सौर शक्तीवर चालणारी संयंत्रे बनविली आहेत. बॉंड अखेर त्याच्या नेहमीच्या शिताफीने स्कॅरामँगाचा खात्मा करतो. चित्रपटास आवश्यक असणाऱ्या प्रखर उन्हाची आणि खलनायकाच्या निवासस्थानाच्या गूढरम्यतेची गरज को पिंग गानने पूर्ण केली आहे.
Koh Panyee:
को पनक (Koh Panak) आयलंड:
को पनक हे बेत फुकेत आणि को Side Yi पासून सारख्या अंतरावर आहे. या बेटावर बऱ्याच गुहा आहेत. या गुहा पाहावयाच्या असतील तर वाटाड्यास बरोबर घेणे चांगले.
हॉन्ग आयलंड:
हॉन्ग आयलंडचा स्टार लाईट किंवा चांदण्यातील प्रवास प्रसिद्ध आहे. येथे नैसर्गिक प्रकाशाचे तीन स्रोत आहेत. त्यामुळे येथे विजेरीची गरज भासणार नाही.
बांगला रोड नाइट लाइफ:
जुने फुकेत शहर:
सायमन कॅबरे:
बिग बुद्धा:
थाई बॉक्सिंग:
वत चालोंग (Chalong):
उपक्रम
स्पीडबोटने फाय फाय आयलंडचा दौरा:
फुकेत फँटझिया शो:
फोर इन वन अर्ध्या दिवसाची सफारी:
फुकेत आयलंड आणि सिटी दौरा:
सी कयाकिंग- हॉंग बाय स्टारलाइट:
व्हाइट वॉटर रॅफ्टिंग:
ए टी व्ही (ATV)
फङ् आ बे चा क्रूझने दौरा:
फुकेतमधील प्रवासकार्यक्रम
दिवस ६
कॉ समुईहून विमानाने फुकेतला आगमन.
आल्यावर रंगीबेरंगी (colourful) मार्केट मध्ये फेरफटका मारून १९ व्या शतकातील साइनो-पोर्तुगीज (Sino-Portuguese) पद्धतीच्या इमारती पाहणे.
संध्याकाळी प्रेक्षणीय फॅण्टझिया शो पाहणे .
दिवस ७
फङ् आ (Phang Nga) डिस्कव्हरी लँडचा दौरा.
क्रूझने प्रसिद्ध फङ् आ बेला जाणे.
फङ् आ बेमध्ये पाहावयाची ठिकाणे:-
मॅनग्रोव्ह फॉरेस्ट, सागरी गुहा, समुद्रातील चुनखडीचे खडक, जेम्स बॉन्ड आयलंड वगैरे.
३. परिशिष्टे
BEST LUXURY HOTELS
1. Avista Hideway, Patong Beach, http://www.phuket.com/avista-hideaway-resort-spa/
2. The Naka Island, http://www.phuket.com/naka-island-luxury-collection-resort/
3. Cape Sienna, Kamala Beach, http://www.phuket.com/capesienna/
BEST BOUTIQUE HOTELS
1. SALA Phuket Resort, Mai Khao Beach, http://www.phuket.com/salaphuket/
2. Manathai Resort, Surin Beach, http://www.phuket.com/manathai/
3. Burasari Resort, Patong Beach http://www.phuket.com/burasari/
BEST BEACHSIDE HOTELS
1. Moevenpick Resort & Spa, Karon Beach, http://www.phuket.com/moevenpick/
2. The Surin Phuket, Surin Beach, http://www.phuket.com/the-surin-phuket/
3. The Mangrove Panwa Phuket Resort, Panwa, http://www.phuket.com/the-mangrove-panwa-phuket-resort/
BEST BUDGET HOTELS
1. Deevana Patong Resort & Spa, Patong Beach, http://www.phuket.com/deevana/
2. Safari Beach Hotel, Patong Beach, http://www.phuket.com/safaribeachhotel/
3. Aloha Villa, Patong Beach, http://www.phuket.com/aloha-phuket/
