ऑक्टोबर-नोव्हेंबर पासूनच ऑस्ट्रेलियामध्ये ख्रिसमसचे वातावरण सुरू होते. आमची सून मनाली हिने हंटर्स व्हॅली गार्डनमध्ये ख्रिसमस लाइटिंग खूप चांगले असते असे सांगून हे लाइटिंग पाहण्याचे बुकिंग केले.
त्याप्रमाणे आम्ही १५/११/२०२५ (शनिवार) ला सकाळी माझे व्याही श्री. देवेंद्र पाटील यांच्या घरी तुंगाबी (Toongabbie ) येथे जमलो आणि सकाळी प्रवासास सुरुवात केली. माझा मुलगा अद्वैत, सून मनाली आणि त्यांचा डॉग बेली त्यांच्या गाडीत व देवेंद्र, त्यांच्या पत्नी सौ. वैशाली वहिनी, मी व माझी पत्नी सौ. वर्षा एका गाडीत असे सर्वजण निघालो.
-----------------------------------------
Mooney Mooney
मूनी मूनी
-----------------------------------------------------------
मूनी मुनी हे हॉक्सबरी नदीच्या उत्तरेस, M1 मोटरवेच्या अगदी जवळ - सिडनीपासून सुमारे एक तासाच्या अंतरावर असलेले एक लहान वॉटरफ्रंट गाव आहे. Hawkesbury River Bridge पार केल्यानंतर लगेच डावीकडे तुम्हाला मूनी मूनी दिसेल. येथे बरेच पर्यटक तुम्हाला फोटो घेताना, उपाहार करताना दिसतील. सेंट्रल कोस्टला जाताना बहुतेक वेळा पर्यटक सकाळी लवकर निघतात. या वेळी फार तर चहा झालेला असतो. मग तासाभराने चांगली भूक लागलेली असते. मूनी मूनी येथे नाश्ता झाला की मग जेवायच्या वेळेपर्यंत काळजी राहत नाही.
तुंगाबीहून पाऊण तासाच्या प्रवासानंतर (सुमारे ४५ किमी) मूनी मूनी येथे पहिला विश्राम आम्ही येथे घेतला. या मार्गाने जाताच नेहमीच मूनी मूनी येथे आमचा पहिला विश्राम असतो.
मूनी मूनी न्यू साउथ वेल्समधलं एक शांत लेकफ्रंट गाव आहे. मूनी मूनी हे नाव हॉक्सबरी नदीच्या बाजूला असलेल्या पेनिन्सुला भागातून आलं आहे. मूनी मूनी या शब्दाचा अर्थ स्थानिक भाषेत कांगारू असा असावा. मूनी मूनी म्हणजे खूपच कांगारू. खूप या अर्थाने शब्द दोनदा वापरण्याची स्थानिक भाषेतील पद्धत असावी. आपण मराठीत सुद्धा अशा अर्थाने बोलतो. जसे-ऑस्ट्रेलियाच्या आऊटस्कर्ट्स मध्ये गेलात तर तुम्हाला कांगारूच कांगारू दिसतील.
मूनी मूनी येथे Deerubbun Reserve हे सार्वजनिक विश्रांती क्षेत्र आहे. आम्ही गेलो ते हेच क्षेत्र असावे. येथे बोट रॅम्प, पिकनिक Tisch, आणि नदीकाठीचा सुंदर विहारक्षेत्र आहे.
इतिहासामध्ये, हे गाव जुना फेरीपॉइंट होता. येथे १९व्या शतकात हॉक्सबरी नदी पार करण्यासाठी फेऱ्या चालत असत.
मूनी मूनी येथे अल्प उपाहार करून आम्ही पुढे निघालो.
---------------------------------------------------------
Norah Head Light House
नोरा हेड लाइटहाऊस
40 Bush Street, Norah Head, NSW 2263, Australia
norahheadlighthouse.com.au
-----------------------------------------------------------
पुढे आम्ही ७०-८० किमी प्रवास करून नोरा हेड येथे आलो.
नोरा हेड हे Central Coast भागातील समुद्रकिनारी असणारे गाव असून ते The Entrance आणि Toukley यांच्या उत्तरेस आहे.
नोरा हेडचे मूळ नाव “Bungaree Noragh Point” होते. हे आदिवासी नेता Bungaree यांच्या नावावरून आहे. “Norah” हा शब्द आदिवासी भाषेतील “ngurra” या शब्दाचे इंग्रजी रूपांतर आहे, ज्याचा अर्थ “camp / place” किंवा “place of origin” असा होतो.
Norah Head Light House:
नोरा हेड लाइट हाऊस
नोरा हेड परिसरात झालेल्या अपघातांत लहान coasters, schooners, ketches यापासून ते मोठ्या steamshipsपर्यंत विविध प्रकारच्या जहाजांचा समावेश होता.
-----------------------------------------------------------
नोरा हेडजवळ असलेल्या धोकादायक खडकांमुळे या भागात १८३३ ते १९६७ या काळात नोरा हेडजवळील Bird Island परिसरात १३ प्रमुख अपघात झाले. या अपघातांची माहिती देणारा खालील बोर्ड तेथे लावला आहे:-
किनाऱ्यावर Merchant Mariners Memorial असे वरील चित्रात दाखवल्याप्रमाणे स्मारक असून तेथे एक स्मृति फलक (plaque) आहे. त्यावर “In memory of merchant mariners lost in time of war – June 1995.” असा संदेश लिहिला आहे.
युद्धकाळात Merchant Navy हे युद्धात थेट लढत नसले तरी माल, इंधन, सैनिक, औषधे आणि आवश्यक सामग्री पोहोचवण्याचे अत्यंत धोकादायक काम करते. शत्रूच्या हल्ल्यांत अनेक जहाजे बुडाली आणि नाविकांचे प्राण गेले. अशा निधन पावलेल्या व्यापारी जहाजांच्या नाविकांच्या स्मरणार्थ हे स्मारक उभारले आहे.
-----------------------------------------------------------
सर्वांच्या मागणीवरून १९०१ साली या दीपगृहाच्या बांधकामाला सुरुवात झाली. अनेक औपचारिक आणि तांत्रिक अडचणींचा सामना करीत दीपगृह कार्यरत होण्यास २००३ साल उजाडले. हे दीपगृह अस्तित्वात येण्यास एडवर्ड हारग्रेव्ह्ज (Edward Hargraves) या स्थानिक रहिवाश्याचा पुढाकार होता.
नोरा हेड लाइट हाऊस हा सुमारे २७ मीटर उंच टॉवर असून त्याचे बांधकाम रि-कास्ट कॉंक्रीट ब्लॉक्स वापरून केले आहे. सुरुवातीला याचा प्रकाश केरोसीन, नंतर विजेवर आणि आता हॅलोजनने निर्मित केला जातो. याचे कार्य ऑटोमेटेड केले आहे. या दीपगृहाचा प्रकाशझोत ४६ नॉटिकल मैल (सुमारे ४८ किमी) इतका दूरवर जातो.
पर्यटक या दीपगृहाच्या टॉवरमध्ये वर चढू शकतात आणि ३६०° दृश्यांचा अनुभव घेऊ शकतात.
Norah Head Light House Reserve:
नोरा हेड जवळ हे पर्यटन स्थळ आहे. या रिझर्व्हचा विस्तार सुमारे २० हेक्टर असून यात लाइटहाऊस, हेडकीपर्स कॉटेजेस, वॉक ट्रॅक्स आणि समुद्रकाठच्या भागांचा समावेश होतो.
या ठिकाणाचे ऐतिहासिक महत्त्व मोठे आहे — अनेक जुन्या लाइटहाऊस कीपर्सचे वंशज आजही या स्थानाशी जोडलेले आहेत, आणि ते इतिहास कायम ठेवण्यासाठी सक्रिय आहेत.
रिझर्व्ह नैसर्गिक सौंदर्याने नटला आह. सुंदर खडक , सागरतटीय वनस्पती आणि सुंदर
समुद्राचे दृश्य अतिशय मोहून टाकणारे आहेत. हे एक शांत, नैसर्गिक आणि ऐतिहासिक ठिकाण आहे.
या रिझर्व्ह मध्ये पर्यटकांसाठी खालील आकर्षणे आहेत:-
वॉकिंग ट्रेल: लाइटहाऊसच्या बाजूने वॉक करण्यासाठी ट्रॅक आहे. हा ट्रॅक हेडलँडवरून खाली कमी खडक असलेल्या प्लेटफॉर्मपर्यंत आणि Lighthouse Beach पर्यंत घेऊन जातो.
व्हेल वॉचिंग: मे ते नोव्हेंबर दरम्यान, हेडलँडवरून व्हेल्स बघायला संधी असते.
निवास: रिझर्व्हमध्ये तीन हेरिटेज कीपर्स’ कॉटेजेस आहेत — मुख्य कीपर्सची कॉटेज व दोन सहाय्यक कीपर्स कॉटेज.
इव्हेंट्स: हा रिझर्व्ह विवाह सोहळे, इव्हेंट्स आणि मोठ्या कार्यक्रमांसाठी देखील लोकप्रिय आहे.
-----------------------------------------------------------
Tom Burke Reserve टॉम बर्क रिझर्व्ह
Dianne Avenue / Anita Avenue, Lake Munmorah NSW 2259, Australia
Central Coast Council — “Tom Burke Reserve” या विभागात माहिती उपलब्ध आहे.
-----------------------------------------------------------
नोरा हेड लाइट हाऊस रिझर्व्ह येथून निघून आम्ही सुमारे २० किमी अंतरावर टॉम बर्क रिझर्व्ह येथे आलो.
हा रिझर्व्ह Central Coast Council अंतर्गत येतो आणि मूलतः विश्रांतीसाठी आणि लहान मुलांना खेळण्यासाठी आहे.
जेवणाची वेळ झाली असल्याने आम्ही जेवण उरकून घेतले. जेवणासाठी वैशालीवहिनींनी भेळेचा मेनू केला होता.
(क्षणचित्रे)
-----------------------------------------
Dudley Beach डडली बीच
Dudley Beach, in Glenrock State Conservation Area, NSW, Australia.
जवळचा उपनगर / पोस्ट कोड आहे Whitebridge / Dudley 2290
Dudley Beach चे माहिती पेज (visitor info, beach safety, alerts, map) NSW National Parks and Wildlife Service (NPWS) या सरकारी संस्थेच्या संकेतस्थळावर उपलब्ध आहे
-----------------------------------------------------------
टॉम बर्क रिझर्व्ह पासून आम्ही पुढे सुमारे ३३ किमी अंतरावर डडली बीच येथे आलो.
डडली बीच हा न्यू साउथ वेल्समधील Lake Macquarie या प्रदेशात आहे, आणि सिडनी—सेंट्रल कोस्ट—न्यूकॅसल या किनारपट्टी मार्गावर प्रवास करताना सहज भेट देता येणारे ठिकाण आहे.
विशेषता: हा बीच प्रसिद्ध आहे त्याच्या विस्तीर्ण, शांत वाळूच्या पट्ट्यासाठी उंच कड्यांसाठी (cliff formations) सुंदर तटीय वॉकसाठी
कमी गर्दीच्या, नैसर्गिक वातावरणासाठी
ॲक्सेस: डडली उपनगरातून एक छोटासा तटीय ट्रॅक खाली बीचकडे जातो. हा बीच थोडा “अप्रचलित पण निसर्गरम्य” अशा श्रेणीत मोडतो — जे फोटोग्राफी आणि शांत समुद्रदृश्यांसाठी उत्तम आहे.
तटीय संरक्षण क्षेत्र: डडली बीच Glenrock State Conservation Area च्या सीमेवर आहे, त्यामुळे परिसरात जंगल paths, lookouts, पक्षी निरीक्षण आणि रेनफॉरेस्ट ट्रेल्सही मिळतात.
खडकांवर नैसर्गिक टाइड पूल्स पाहणे (टीप: पोहणे शक्य असले तरी अधिकृत लाइफगार्ड नसतात, त्यामुळे काळजी आवश्यक.)
यानंतर आम्ही चार्ल्स टाऊन येथे आम्ही बुक केलेल्या हाऊस मध्ये आलो (Fraser st, Charles town). चार्ल्स टाऊन येथे मनाली ने घर बुक करण्याचे कारण म्हणजे हंटर व्हॅली भागात राहणे फार महाग आहे. त्याऐवजी चार्ल्स टाऊनला राहून तासाभराचा प्रवास करणे परवडते.
आजच्या प्रवासातील ठिकाणे खालील नकाशात दाखवली आहेत:-
Charlestown, NSW चार्ल्स टाऊन:
चार्ल्सटाउन हे न्यू साउथ वेल्सचे उपनगर असून ते लेक मक्वारी (Lake Macquarie) भागात येते. हे गाव खाणकामातून विकसित झाले. Waratah Coal Company ची येथे कोळश्याची खाण होती. या खाणीसाठी कंपनीने कामगार आणले जे येथे स्थायिक झाले. ही खाण १९६१ मध्ये बंद झाली. सध्या येथे खाणकाम चालत नाही.
२००१ च्या जनगणनेप्रमाणे चार्ल्स टाऊनची लोकसंख्या १३ हजार होती. चार्ल्स टाऊनमध्ये शॉपिंग मॉल्स, शाळा, रेस्तरॉं अशा सर्व प्रकारच्या सेवा उपलब्ध आहेत. चार्ल्स टाऊन हे लेक मक्वारीमधील प्रमुख व्यावसायिक आणि आर्थिक केंद्रापैकी एक आहे.
आमच्या घराच्या जवळच एक मॉल होता. तेथे वुल्वर्थ्स, कोल्स अशी बहुतेक सुपर मार्केट्स होती. पण मॉलमध्ये फ्री पार्किंग केवळ अर्ध्या तासाचे ची होते. आमचे दुपारचे जेवण वाटेतच झाले असल्याने संध्याकाळपर्यंत विश्रांती घेतली. संध्याकाळच्या जेवणासाठी रॅप्सचा लाइट मेनू वैशालीवहिनीनी आणि वर्षाने केला होता.
रात्री आठच्या सुमारास आम्ही हंटर व्हॅलीच्या दिशेने निघालो.
-----------------------------------------------------------
Hunter Valley (हंटर व्हॅली)
-----------------------------------------------------------
हंटर व्हॅली हा प्रदेश न्यू साउथ वेल्स (NSW) राज्याच्या उत्तर दिशेला, सिडनीपासून साधारण १२० -१५० किमी अंतरावर आहे.
हंटर व्हॅली प्रदेशात हंटर नदी वाहते . नदीला आणि प्रदेशाला ब्रिटिश नौदल अधिकारी कॅप्टन जॉन हंटर यांच्या नावावरून (ते NSW चे दुसरे गव्हर्नर होते) सध्याचे नाव मिळाले.
हंटर नदी पश्चिमेकडे उगम पावते आणि सिंगलटन, मेटलॅंडमार्गे (Singleton, Maitland) न्यू कासल (Newcastle) येथे समुद्रास मिळते.
हंटर व्हॅली हे हंटर नदीचे खोरे आहे. ते टेकड्यांनी वेढले असल्यामुळे दरीसारखे वाटते. त्यामुळे या भागास व्हॅली म्हणतात.
हा सखल भाग हंटर नदी आणि तिच्या उपनद्यांभोवती पसरलेला आहे. याच्या सीमांमध्ये प्रामुख्याने सेंट्रल कोस्ट, न्यूकॅसल, सिंगलटन, मस्वेलब्रुक आदी भागांचा समावेश होतो. माळराने, नदीकिनारीचा सपाट भूभाग आणि टेकड्यांच्या रांगा अशा स्वरूपाचा हा विस्तृत कृषी पट्टा आहे.
हंटर व्हॅली मुख्यतः येथील द्राक्षमळे आणि वाइनरीजसाठी प्रसिद्ध असली तरी येथे दुग्धव्यवसाय, पशुपालन, बागायती शेती, हस्तकला असे विविध उद्योगांचा विकास झाला आहे. या सर्वांमुळे पर्यटनाला चांगली चालना मिळाली आहे.
वाइनरीज, हंटर व्हॅली गार्डन्स, बलून राइड्स, चीझ आणि चॉकलेट फॅक्टरीज, आर्ट गॅलरीज ही पर्यटकांची येथील मुख्य आकर्षणे आहेत.
Pokolbin (पोकलबिन):
हंटर व्हॅली गार्डन्स ज्या उपनगरात आहे, त्या उपनगराचे नाव आहे पोकलबिन (Pokolbin). पोकलबिन शब्द मराठी पोकळ शब्दाशी जुळत असल्याने गंमत वाटत होती. हे नाव बहुधा Wonnarua या स्थानिक आदिवासी लोकांच्या भाषेतून आले असावे. Poccolbin किंवा Pokolbin याचा अर्थ 'धुराचे ठिकाण' किंवा 'अतिशय उष्ण जागा'.
काही इतिहासकारांच्या मते, पूर्वी या भागात वारंवार वणवे लागत असावे किंवा सांस्कृतिक समारंभात जाळ पेटवीत असावेत. त्यावरून या भागाला हे नाव मिळाले असावे.
पोकलबिन हा हंटर व्हॅली (Hunter Valley) च्या लोअर भागात आहे. हे Cessnock शहराच्या लग्झुआरमध्ये येते आणि Singleton Council च्या भागात त्याचा काही भाग आहे. २०२१ च्या अंदाजाप्रमाणे येथे एक हजारांपर्यंत लोकसंख्या होती.
पोकलबिनच्या भागात मूळतः Wonnarua (Darkinjung) आदिवासी लोक वसले होते. युरोपीय लोक येऊन अठराशेच्या सुमारास येथे शेती — विशेषतः द्राक्षबागायती (vineyards) — सुरू केली.
पोकलबिनमध्ये हंटर व्हॅलीमधील Tyrrell’s, McGuigan अशा अनेक प्रसिद्ध वाइनरी आहेत.
-----------------------------------------------------------
Hunters Valley Garden हंटर व्हॅली गार्डन
2090 Broke Road, Pokolbin, NSW 2320, Australia
https://www.huntervalleygardens.com.au/
-----------------------------------------------------------
हंटर व्हॅली गार्डन्स बिल ( Bill ) आणि इमल्डा रोशन( Imelda Roche) यांनी त्यांच्या निवृत्तीनंतर त्यांची स्वप्नपूर्ती म्हणून बांधले. १९९९मध्ये गार्डनचे बांधकाम सुरू झाले. सुमारे ४०-५० लँडस्केप गार्डनर्स, आर्किटेक्ट्स आणि इंजिनिअर्सनी चार वर्षे मेहनत केली. या गार्डनचे अधिकृत उद्घाटन ऑक्टोबर २००३ मध्ये त्या वेळचे न्यू साउथ वेल्सचे प्रीमियर बॉब कार यांच्या हस्ते झाले.
या गार्डनचे क्षेत्रफळ सुमारे १४ हेक्टर असून तेथे ८ किलोमीटरचे वॉकिंग पाथ आणि दहा थीम गार्डन्स आहेत.
गार्डनमध्ये सुमारे ६,००० वृक्ष, झुडुपे, आणि 1 लाखांहून अधिक ग्राउंड कवर वनस्पती आहेत.
आकर्षणे: मानवनिर्मित धबधबे, मूर्त्या, म्यूरल्स, टोपिओरी यांसारखे कलात्मक घटक.
इव्हेंट्स: वर्षभर विविध इव्हेंट्स होतात — जसे की “Christmas Lights Spectacular”, “Mega Creatures”, “Snow Time in the Garden” इत्यादी.
मनोरंजन: बागेमध्ये 5 कायमस्वरूपी राईड्स आहेत — स्कूली सुट्टी किंवा खास इव्हेंटमध्ये चालतात.
शॉपिंग आणि जेवण: प्रवेशाजवळ Shopping Village आहे, जिथे गिफ्ट शॉप्स, कॅफे, वाइन आणि फॅशन स्टोअर्स आहेत.
राहण्याची सोय: बागेजवळच Mercure Hunter Valley Gardens आणि “Harrigan’s” नावाचे हॉस्पिटॅलिटी ठिकाण आहे — जे अगदी वॉकिंग पाथने गार्डनशी जोडलेले आहे.
प्रवेश वेळा: बाग रोज सकाळी ९ ते संध्याकाळी ५ या दरम्यान खुली आहे, पण शेवटचा प्रवेश ४ वाजता होतो.
रोचक तथ्य: बाग तयार करण्यासाठी 40 हॉर्टिकल्चर गार्डनर्स, आर्किटेक्ट्स आणि इंजिनिअर्स यांनी चार वर्षे मेहनत केली आहे.
तासभराच्या ड्राइव्ह नंतर आम्ही गार्डनला पोहचलो. या भागातील पर्यटन लक्षात घेऊन येथे प्रख्यात हॉटेल्स आली आहेत. वाटेत आम्हाला Mercure आणि Rydges ही प्रसिद्ध हॉटेल्स दिसली.
हंटर व्हॅली गार्डन्समध्ये दर वर्षी ख्रिसमस निमित्त ख्रिसमस लाइट स्पेक्टॅक्युलर शो आयोजित केला जातो, हा उत्सव नोव्हेंबरच्या सुरुवातीपासून जानेवारीपर्यंत चालतो.
हा डिस्प्ले २००७ पासून दरवर्षी पार पडतो, आणि हे “दक्षिण गोलार्धातील एक मोठे लाईट डिस्प्ले” मानले जाते. नववर्षाच्या संध्याकाळी गार्डनमध्ये रात्री ९ वाजता फायरवर्क्स शो देखील असतो.
या डिस्प्लेमध्ये ४.५ दशलक्षाहून अधिक twinkling लाईट्स वापरल्या जातात, ज्यामुळे संपूर्ण बाग एका प्रकाशमय जादूच्या प्रदेशासारखी बनते.
येथे थीम असलेले लाईट डिस्प्ले असतात. यांमध्ये सतत नवीन आकर्षणांचा समावेश होत असतो. “Italian Grotto Garden” (“HO HO Harvest”), “Merry Meadow”, “Santaville”, “Shimmering Falls” ही काही नवी आकर्षणे आहेत.
कार्यक्रमात रात्रीचे मनोरंजन देखील असते. स्टिल वॉकर्स, Equilibrist Jugglers , एरियल कलाकार (“Lollipop Lyra”) आणि संगीत सोहळे (उदा. Felix Quinn बँड) यांचा समावेश असतो.
मुलांसाठी “Nutcracker Storytime” नावाचं संवादात्मक प्रदर्शन आहे — जिथे मुले Nutcracker कथेमधील पात्रांना भेटू शकतात.
मनालीने सर्वांची तिकीटे आधीच बुक केली होती. गार्डनमध्ये पेट्स नेण्यास परवानगी नसल्याने बेलीबरोबर मनाली बाहेर थांबली. मनाली येऊ शकत नाही याची आम्हाला रुखरुख लागली. परंतु मनालीने सांगितले की तिने हे लाइटिंग पूर्वी पाहिले आहे. आमच्यापैकी कोणीच हे लाइटिंग आधी पाहिले नव्हते.
गार्डनमध्ये प्रवेश करताच आम्हाला ख्रिसमस विषयांवर आधारित विद्युत रोषणाई दिसू लागली. ही रोषणाई किती नेत्रदीपक होती, त्याची कल्पना खालील छायाचित्रांवरून येईल.
येथील स्टोरी बुक थीम गार्डनमध्ये भिंतीवर ऐटीत बसलेले हम्टी डम्टी दिसत आहेत.
ख्रिस्मस लाइट स्पेक्टॅक्युलर दरम्यान, राइड्स (फेरिस व्हील, स्विंग चेअर, टी-कप्स इ.) अशी करमणूक देखील चालू होती.
गार्डनमध्ये खाद्यपेयांचे स्टॉल्स देखील होते. त्यांमध्ये एक इंडियन फूड स्टॉलही होता. तेथे पावभाजी, मसाला टी वगैरे बोर्डावर दिसत होते. परंतु आम्ही जेवून आल्यामुळे आम्हाला खाण्यामध्ये रस नव्हता.
ही रोषणाई पाहिल्यानंतर आम्ही घरी परत आलो. सर्वजण अतिशय थकून गेल्यामुळे लगेच झोपी गेलो. दुसऱ्या दिवशी चीझ फॅक्टरीला भेट द्यायची होती.
🌄 दिवस २:
१६/११/२०२५ रविवार
सकाळी थोड्या आरामात उठून सर्व उरकून घेतले. चहा, कॉफी , मेथीचे ठेपले असा नाश्ता करून दहा वाजेपर्यंत आम्ही रुम चेक आऊट केली आणि चीझ फॅक्टरीला जाण्यास निघालो. काल रात्री प्रवास केल्यामुळे न दिसणारे द्राक्षांचे मळे रस्त्यांच्या दोन्ही बाजूंना दिसत होते.
-----------------------------------------------------------
Hunters Valley Cheese Factory
हंटर व्हॅली चीझ फॅक्टरी
447 McDonalds Road, Pokolbin, NSW)
https://huntervalleycheese.com.au/
-----------------------------------------------------------
हंटर व्हॅली प्रदेशातील डेअरी फार्म व ताजे दूध यामुळे येथे artisan cheese उद्योग विकसित झाला. बहुतेक चीझ छोटे कारखाने किंवा कौटुंबिक व्यवसायातून हाताने तयार केले जाते.
आम्ही ज्या फॅक्टरीला भेट दिली ती हंटर व्हॅली चीझ फॅक्टरी म्हणजे बुटीक चीज कारखाना आहे. या फॅक्टरीची स्थापना एप्रिल १९९५ मध्ये रोझी लॅंबर्ट ( Rosie Lambert) आणि पीटर कर्टिस (Peter Curtis) यांनी केली होती.
येथे गाय आणि म्हशींचे दूध वापरून विविध प्रकारचे चीज कुठलेही केमिकल्स किंवा प्रिझर्व्हेटिव्हज न वापरता बनवले जाते. फ्रॉमाज ब्लॅंक, फेटा, ब्री, वॉश्ड रिन्ड, नैसर्गिक रिन्ड, चेडर, ब्लू व्हेन असे येथे बनणारे चीझचे काही प्रकार आहेत. शिवाय स्टोअरमध्ये घरगुती चटणी, रिलेझ, जॅम्स अशा विविध गोष्टी विक्रीसाठी ठेवल्या आहेत.
येथे “Make Room” आणि “Maturation Room” अशा दोन विंडोज आहेत. या विंडोज मधून जिथे तुम्ही चीज बनण्याच्या प्रक्रियेला Live पाहू शकता.
दररोज सकाळी ९ ते संध्याकाळी ५.३० पर्यंत चीझ टेस्टिंग करता येते. यासाठी तुम्ही चीज प्लेटर्स मागवू शकता व लोकल युनिटसोबत जेवूही शकता.
येथे चीज मेकिंग वर्कशॉप्स आणि क्लासेस सुद्धा असतात.
येथील चीझचे काही प्रकार असे आहेत:-
Pokolbin White Natural Rind — सौम्य, क्रीमी टेक्सचर असणारे चीझ.
Pokolbin Ported Blue Vein — पोर्ट वाइनने इन्फ्युज केलेले ब्लू चीज, जास्त समृद्ध चव.
प्रवेशद्वाराशी असा खरा वाटणारा गाईचा पुतळा आहे.
आम्ही चीझ टेस्टिंग साठी घेतलेला मेनू असा होता:-
ऊन वाढले होते. पण वारा छान वाहत होता. बेली बरोबर असल्याने आम्हाला बाहेर बसणे आवश्यक होते. पण बाहेर बसणेच जास्त आल्हाददायक होते. त्या प्रसन्न वातावरणात आम्ही चीझचा आस्वाद घेतला.
चीझचा आस्वाद एवढा परिपूर्ण होता की आम्हाला दिवसभर जेवणाची आवश्यकता भासली नाही.
स्थानिक रोड स्टॉल्सना भेट:
वाईन पर्यटनामुळे छोट्या कारागिरांना एक मजबूत बाजार मिळाला आहे.
स्थानिक मध, जॅम, दालचिनीची उत्पादने, हर्ब्स, मसाले, नैसर्गिक सुगंधी वस्तू, हाताने बनवलेल्या साबण व मेणबत्त्या इत्यादी उत्पादने तयार करणारे छोटे स्टॉल्स सामान्यतः प्रत्येक मोठ्या पर्यटन स्थळाजवळ दिसतात.
हे उत्पादक प्रदेशातील स्थानिक अर्थव्यवस्थेला टिकवतात आणि हंटर व्हॅलीला “handcrafted experiences” ची ओळख देतात.
अशाच रोडसाइड स्थानिक स्टॉल्सना आम्ही भेट दिली. या स्टॉल्समध्ये स्थानिक कलाकारांनी बनवलेल्या वस्तू होत्या. यांमध्ये कंबुचा ड्रिंक्स, की चेन्स, पेंटिंग, कपडे अशा बऱ्याच वस्तू होत्या. येथील उत्पादने शुद्ध आणि घरगुती असतात. पण यांच्या किंमती सुपरमार्केट मधील अशाच उत्पादनांपेक्षा बऱ्याच जास्त असतात.
या स्टॉल्स मधून खरेदी करण्यामध्ये स्थानिक कलाकारांना प्रोत्साहन आणि रोजगार देणे हाही आहे.
मनाली आणि अद्वैतने बेलीच्या थीमचे की चेन होल्डर घेतले. या विक्रेत्या बाईने बेली कुठल्या ब्रीडचा डॉग आहे ते पाहून आपल्या संग्रहातून लगेच एक तसाच फेस काढून त्यात थोडे चेंजेस करून की चेन होल्डर बनवून दिला. हा की चेन इतकी हुबेहूब होता की खरोखरच बेली या होल्डर मध्ये जाऊन बसला असे वाटावे. या कलाकारांच्या कौशल्याला दाद द्यावी तेवढी थोडीच.
चॉकलेट स्टोअरला भेट:
हंटर व्हॅलीमध्ये boutique chocolate makers हे मोठे आकर्षण आहे.
हाताने तयार केलेले chocolate truffles, fudge, brittles, chocolate-coated nuts इत्यादी उत्पादने येथे मिळतात.
पर्यटकांना live demonstrations किंवा sampling सुद्धा अनेक ठिकाणी मिळते.
आम्ही वाटेमध्ये एका चॉकलेट स्टोअरला भेट दिली. येथे ख्रिस्मसमध्ये बहुतेक ऑफिसेसमध्ये एकमेकांना भेट देण्याची पद्धत आहे. अशी भेट देण्यासाठी थोडी चॉकलेट खरेदी केली.
आता ऊन भरपूर झाले होते. दुपारचे दोन वाजले होते. त्यामुळे आम्ही परतीचा प्रवास सुरू केला
(आमचा परतीचा प्रवास अशा मार्गाने झाला)
दुपारी चारपर्यंत तुंगाबीला पोहचलो. एका प्रकाशमय उत्सवाच्या रंगीबेरंगी स्मृती अजूनही मनात रेंगाळत होत्या.
© Dr Hemant Junnarkar
All rights reserved
